Apocalipsis 7:3 - Zapotec Mitla

³ Räjpni lojreni: ―Guläzsijctero, laḻ ni guicuaanu te seen lo cuaj reni najc xpejṉ Dios, te dxejcru sajc guntu daan lo yuj, näj loj nisdoo, näj loj reyajg.

Apocalipsis 7:3 Iomraidhean Croise

San Mateo 24:22

Luxh palga di Dios gutiu' yejc redxejga, nicla tej bejṉ di ḻaa. Luxh sutiu' Dios yejc redxejga sa'csi rinälajzni reni aguleni.

San Mateo 24:31

Dxejc suxhaḻni rexanglni con te trompet ni guscuedxa'reni dipduxh te guire' guiraa rebejṉ ni aguleni lo guidajp lajd squiin guedxliuj, guideb lo guedxliuj näjza xhaguibaa.

San Juan 12:26

Palga yu' chu tej ni rlajz chu loä, sujiädnajlni xnezyuä, te cadro yu'ä, ro'cza cuääz ni ru' loä. Palga yu' chu gun xtzunä, siliä'pza Xtadä xpala'nni.

San Juan 3:33

Nani rililajz diidx ni rusule'ni, bejṉga ruluiloj guliipac najc xtidx Dios.

Romanos 6:22

Per ṉaj, sa'csi aguḻaatu lo dojḻ, abiu'tu najctu xmos Dios, sujntu sajctu beṉnaya nez loj Dios, luxh xnezyuj recoscoobre rdzujṉ lo yäḻnabaṉnäj Dios par tejpas.

Apocalipsis 13:16

Gunibeezani chu bejṉ te seen lo cuajni o ṉaani ladbee, guiraa rebejṉ ni xhet rajpdi, guiraa rebejṉ ni rajp, guiraa reni najc mos, guiraa reni najc lam̲, guiraa reni najc beṉro, guiraa reni najcza beṉbäz.

Apocalipsis 13:17

Gunibeezani digacdi sii, digacdiza guto' bejṉ palga xhet seendi caj ṉaani o lo cuajni. Seenga najc laj manga o numbr xten laj manga.

Apocalipsis 14:1

Che bahuiä stee, bahuiä suga' Xiil xten Dios yejc dajn ni laa Sión. Suganäjni te gayuu tiubitajp miḻ bejṉ nani caj lo cuajreni laj Xiil näj laj Xtadni.

Apocalipsis 14:9

Dxejc biädnajl ni riojṉ xangl Dios, dipduxh guniini, Räjpni: ―Palga yu' chu bejṉ guzuxhijb loj manroga o loj banäjb ni najc si'c manroga, o xcäjbni xca'ni xseen manro lo cuajni o lo ṉaani,

Apocalipsis 19:2

Sa'csi xcäḻguxhtisni najc ganax laaca, huentis najcni, sa'csi abejnni yäḻguxhtis gunadxabga nani caguxhiṉ rebeṉ guedxliuj xcuent xcäḻnadxabni. Abejn Dios yäḻguxhtisni, agudijxhni xcuent xtiejn rexpejṉ Dios ni baxhe' gunadxabga, che bagu'tnireni.

Apocalipsis 20:4

Dxejc bahuiä retroṉ cadro rbejreni rnibeereni, bahuiäza loj renani rbej lo retroṉ, cua'reni yäḻrnibee te gunreni yäḻguxhtis. Dxejcti bahuiä xaim rebejṉ nani biru' yejcni sa'csi huililajzreni xtidx Jesucrist näjza sa'csi basule'reni xtidx Dios. Direni nuzuxhijb loj gutiatz niclaza lo banäjb ni najc si'c manroga, dizareni nica' seen lo cuajreni nicla lo ṉaareni. Gubaṉsacreni loj rebeṉgut, gurenäjreni Jesucrist te laani gunibenäjreni te miḻ ijz.

Apocalipsis 22:4

Suhuiireni lojpacni si'cpac ni najcni, sicajza laj Dios lo cuajreni.

Apocalipsis 6:6

Biejn diagä astoo galäii guidap remanga, birii xse' te ni canii scree: ―Tej kiḻ xob xca'lu gunlu dzuun tebdxej; choṉ kiḻ salbaad xca'lu gunlu dzuun tebdxej. Niluxh na'c guhuaḻlu bin niclaza se't.

Apocalipsis 7:1

Dxejcti bahuiä lo tajp xangl Dios ni suga' loj guidajp laad guedxliuj. Caguscuääzreni guidajp rebej xten guedxliuj te xhet bejdi guibi' lo guedxliuj nicla lo nisdoo niclaza yejc reyajg.

Apocalipsis 7:2

Bahuiä lo stee xangl Dios, ni siääd nez cadro rliejn gubijdx, ca'ni seii xten Gueb Dios ni nabajṉ par tejpas. Dipduxh guniini lo guidap xangl Dios ni rajp yäḻrnibee te gunreni daan lo guedxliuj, näjza lo nisdoo.

Apocalipsis 9:4

Cua' remanga yäḻrnibee na'c gunreni daan loj reguixa', loj recuaan, loj reyagbajṉ; rebejṉtis nani xhet beedi xten Dios caj lo cuajreni, reni'c gusacsíreni.