Apocalipsis 7:10 - Zapotec Mitla

¹⁰ Dipduxh rniireni, räjpreni: Dios ni rnibee lo yagxhilro, näjza nani najc Xiilre, basḻaareni nuure lo xtojḻnu.

Apocalipsis 7:10 Iomraidhean Croise

San Lucas 3:6

Dxejcti guiralii bejṉ suhuii loj nani guxhaḻ Dios.

San Juan 1:29

Che bara yääl, bahuii Juan siääd Jesús lojni. Dxejc räjpni: ―¡Coḻhuii! Aree Xile' xten Dios nani rudzucaj xtojḻ rebeṉ guedxliuj.

San Juan 1:36

Bahuiini lo Jesús che sasajni, dxejc gunii Juan, räjpni: ―¡Coḻhuii! ¡Laa dee ni najc Xiil xten Dios!

San Juan 4:22

La'tu rajṉtu Dios nani ditu gumbee, nuunu rajṉnu Dios nani rumbeenu; sa'csi yäḻrusḻaa bejṉ lo dojḻ siääd xcuent rexpejṉ Israel.

Efesios 2:8

Sa'csi rulaslajz Dios nuure, ni'c basḻaani nuure neṉ dojḻ che huililajznu xtiidxni. Luxh et sa'csi yu' xhi biennu; dee najc nani banidx-xlia' Dios loonu.

Apocalipsis 12:10

Dxejcti biejn diagä xse' te ni canii dipduxh xhaguibaali, räjpni: ―Abidzujṉ yäḻrusḻaa lo dojḻ, näj yäḻmilagwr, näj yäḻrnibero xten Dios, näjza yäḻrnibee xten Jesucrist, sa'csi agulääreni bejṉ nani entis rbe'c xquej rexpejṉ Dios loj Dios dxej-yääl.

Apocalipsis 19:1

Che gulujx recosre, biejn diagä lascanu xse' xhidalro bejṉ ni canii xhaguibaa, cayäjpreni: ¡Coḻguiliä'p xpala'n Dios! Xtentis Dios, xtenni najc yäḻrusḻaa lo dojḻ, näj yäḻrdimbicha', näj yäḻmilagwr.

Apocalipsis 21:5

Dxejcti ni sobga' lo troṉ cadro rnibeeni guniini, najni loä: ―Bahuii, najrä guscobä guira'ti. Guniizani loä: ―Bacuaa rediidxre, sa'csi guliipacreni, sajc chalilajz bejṉ rediidxre.

Apocalipsis 22:3

Dxejcti ro'c xhettiru yäḻrdzubde, sa'csi ro'c yu' troṉ cadro rnibee Dios näjza Xiil xten Dios, ruzuxhijbza rexpejṉni, rajṉreni laareni.

Apocalipsis 4:6

Nez loj cadro rnibeeni yu' astoocanu te nisdoo ni rieṉ si'c te guihuanro, rdimbichasejsni. Galäii yagxhilroga näjza guideb gabini suga' tajp man, guideb nez lojreni näjza nez dejtzreni yu' balojni.

Apocalipsis 5:7

Laani gubigni, cua'ni guijtzga, guläänini ṉaa ladbee xten nani sobga' lo yagxhilroga canibee.