Apocalipsis 5:11 - Zapotec Mitla

¹¹ Che bahuiä, biejn diagä xse' xhidalduxh xangl Dios ni suga' guideb gabi yagxhilro cadro rbej nani rnibee, näjza xse' guidap reman, näjza xse' guiraa rebeṉgool. Luxh di gacdi guigab xangl Dios ni tre' ro'c sa'csi xhidalduxhtej najcreni, xhidalduxh miyoṉ najcreni.

Apocalipsis 5:11 Iomraidhean Croise

Hebreos 12:22

Niluxh la'tu agubigtu lo dajn xten Sión, cad najc lajdx Dios ni nabajṉpac, nalajznu guedx Jerusalén ni yu' xhaguibaa cadro yu' xhidalduxh xangl Dios,

Judas 1:14

Xcuentza redee agunixgaaza Enoc ni najc xagdodoo Adán, räjpni: “Bahuii, siädnä Dios xhidalduxh xanglni

Apocalipsis 19:6

Dxejcti biejn diagä ascanu xse' xhidalduxh bejṉ, riejnni si'c che cayäjt nisro xhidajl gueu, näjza si'c che caguidxaduxh guzii, caniireni: ¡Coḻguiliä'p xpala'n Dios! Sa'csi Gueb Dios, Dad xtennu ni rajp guiralii yälṟnibee, ani acanibee.

Apocalipsis 4:4

Guideb gabi cadro rnibeeni suga' sgaḻbitajp yagxhil, loj reyagxhilga sobga' gaḻbitajp rebeṉgool, najcwreni ladnol, yu' coroṉ oor yejc tejgareni.

Apocalipsis 4:6

Nez loj cadro rnibeeni yu' astoocanu te nisdoo ni rieṉ si'c te guihuanro, rdimbichasejsni. Galäii yagxhilroga näjza guideb gabini suga' tajp man, guideb nez lojreni näjza nez dejtzreni yu' balojni.

Apocalipsis 5:14

Dxejcti guidap remanga rnigajcreni scree: ―Sugacni si'c. Dxejcti guigaḻbitap rebeṉgool bazuxhijbreni nez loj nani nabajṉ par tejpas, gojṉrenini.

Apocalipsis 5:6

Dxejc bahuiä nez cadro suga' yagxhilroga näj guidap remanga, näj cadro suga' guiraa rebeṉgool luxh te galäiiga suga' tej ni najc Xiil xten Dios, astoo abagu'trenini. Sojb gajdz xca'chni näjza gajdz balojni, ni najc gajdz Sprit xten Dios nani ruxhaḻni guiraa nez lo guedxliuj.

Apocalipsis 5:8

Che cua'ni guijtzga, guidap remanga näjza guigaḻbitap rebeṉgool bazuxhijbreni nez loj Xiilga. Tejga rebeṉgoolga ca' te arp, ca'zareni taz oor guidxa te ni najc si'c yaal. Yaalga najc guiraa reyäḻrbejdx, yäḻrniab xten rexpejṉ Dios.

Apocalipsis 7:11

Suga'za guiraa rexangl Dios guideb gabi yagxhilro cadro rnibeeni, näjza guideb gabi rebeṉgool näjza guidap remanga, dxejcti bazuxhijbreni, basajbreni lojreni nez lo Dios,

Apocalipsis 9:16

Biejn diagä bal najc guiraa resoldaad ni rbijb cabaii: najcreni tio'p gayuu miyoṉ.