Apocalipsis 22:12 - Zapotec Mitla

¹² Gunajtiro: ―Siojb jiäḻä, luxh siädnää́ xhi gunidxä loj tejgatu si'c ni riäjl xca'tu xcuent dzuun ni bejntu.

Apocalipsis 22:12 Iomraidhean Croise

San Mateo 16:27

Sa'csi narä Xi'n Dios ni gujc Niguii siälä lo yäḻrdimbicha' xten Xtadä con rexanglni, dxejcti siguixä tebgaj bejṉ si'ctis ni gujc xtzuunni.

Romanos 14:12

Ni'cni guiraanu, tejganu sudeednu cuent loj Dios xcuent nani biennu.

1 Corintios 3:14

Palga yu' reni bejn te yusa'c yejc cimientga, luxh dini chec lo guibooga, sudeed Dios lo bejṉga ni riäjl xca'ni sa'csi bejnni yusa'c.

1 Corintios 3:8

Nuurnu najcnu si'c rexmos ni rujn dzuun lo yuj. Tejsi najc nani rbe'c binij näjza nani rga' nis, niluxh Dios rguijx tejganu dzuun nani riennu.

Apocalipsis 11:18

Bidxe'ch rebeṉ guedxliuj lojlu, luxh abidzujṉ dxej guidxe'chlu lojreni, gunlu yäḻguxhtis rebeṉgut, te gudeedlu cossa'c loj rexpejṉlu, lo renani gunii xtidx Dios, lo renani huililajz xtiidxlu, lo renani rusuxhijbni nez lojlu; rebeṉproob sigajc rebeṉro. Abidzujṉza dxej che cuäcajlu renani bejn daan guedxliujre, te nitlojreni par tejpas.

Apocalipsis 2:23

Sugutxhiä, sunitloä rexi'n gunaaga, te si'c gacbee guiraa rebejṉ ni yu' neṉ reguidoo narä nacä ni rula'tz rexhigab ni yu' xcäriejnreni, näjza yäḻrililajz ni yu' neṉ lastooreni. Te gacbeezareni narä sunidxä lo tejgatu ni riäjḻ xca'tu xcuent redzuun ni rujntu.

Apocalipsis 20:12

Bahuiä lo rebeṉgut, beṉro sigajc beṉnadolajz, tre'reni nez lo Dios. Bixal rexquijtz Dios, dxejcti bixalza stee xquijtz Dios ni najc guijtz xten xcäḻnabaṉnäj Dios par tejpas. Dxejcti bejnni yäḻgutxhtis rebeṉgut xcuent ni bejnreni, xcuentza rediidx nani caj loj reguijtzga.

Apocalipsis 22:20

Nani cagusule' diidx xcuent guiraa redee guniini, najni: ―Guliipacni siojb jiäḻä. Sugacni si'c. Gudaa Dad Jesucrist.

Apocalipsis 22:7

―Sajngalu gan, siojb jiäḻa. ¡Chicbaa nani riu rediidx ni caj lo librre!

Apocalipsis 3:11

Narä di gaclaa jiäḻä; gopdzu'tz ni rajptu, te rut gudzucajdi ni gunidxä xca'tu.