Apocalipsis 19:2 - Zapotec Mitla

² Sa'csi xcäḻguxhtisni najc ganax laaca, huentis najcni, sa'csi abejnni yäḻguxhtis gunadxabga nani caguxhiṉ rebeṉ guedxliuj xcuent xcäḻnadxabni. Abejn Dios yäḻguxhtisni, agudijxhni xcuent xtiejn rexpejṉ Dios ni baxhe' gunadxabga, che bagu'tnireni.

Apocalipsis 19:2 Iomraidhean Croise

Apocalipsis 15:3

Cayoḻreni dij xten toMoisés ni gujc xpejṉ Dios, cayoḻzareni dij xten Xiil xten Dios. Scree najc dijga: Sacduxh, ruscheloj guiraa redzuun ni rujn Guejblu, Dad Dios, ni rajp guiraa yäḻrnibee. Rujn Guejblu ganax dzunsa'c, rnii Guejblu ganax didxlii. Guejblu rnibee loj guiralii reguejdx ni yu' lo guedxliuj.

Apocalipsis 18:20

Guniiza xse' ni yu' xhaguibaa, najni: ―La'tu ni yu' xhaguibaa, la'tu rexpejṉ Dios, reapost xtenni, rebejṉ ni gunii xtidx Dios galoo, coḻbalasduxh sa'csi abiajb guedxrore, abejn Dios yäḻguxhtis xcuent ni bejnni lojtu.

Apocalipsis 18:3

Sa'csi guiraa rebeṉ guedxliuj agusojzreni xcuent dojḻ ni bennäjreni gunadxabga, guiraa reṟeii loj guedxliuj bejn dojḻ guläsnäjreni gunadxabga, luxh guiraa rebeṉ guedxliuj ni ruto' abejnreni ganduxh, agujcreni ri'cw xcuent recosdxab ni rujn gunabdxabga.

Apocalipsis 6:10

Dipduxh caniireni, canabreni lo Dios, räjpreni: ―Dad, ni najc Dxan, ni najc guliipac. ¿Gucli cuääz, gaclaa gun Guejblu yäḻguxhtis loj reni bagu't nuure lo guedxliuj te quiixreni ni bejnreni?