Apocalipsis 14:4 - Zapotec Mitla

⁴ Reniguiire najc renani gajd xhiṉ con gunaa; nicla tejreni di niesnäj te gunaa, najcreni beṉ dxan. Laareni rinajlreni Xiil xten Dios cadrotis sääni. Redee guḻaa lo rebeṉ guedxliuj si'c te gojn lo Dios näjza lo Xiil xten Dios. Gojnre najc si'c gonganid ni rudeed bejṉ xten te cose'ch.

Apocalipsis 14:4 Iomraidhean Croise

San Mateo 19:12

Yu' xhicuent digacdi guchṉaa niguii: yu'reni digacdi guchṉaa sa'csi si'c gojḻreni; yu'reni digacdi guchṉaa sa'csi baxhiṉ sabejṉreni; yu'zareni digacdi guchṉaareni sa'csi rlajzreni gunreni xtzuuntis Dios. Nani rajc racbeeni rediidxre, sugacbeenireni.

San Mateo 25:1

Räjpza Jesús: ―Pues xcäḻrnibee Dios najc si'c tzuu gunadxa'p nani cua' xcandilse'treni te huijreni te sa'.

San Mateo 8:19

Dxejcti biääd te beṉnajn loj Jesús, räjpni: ―Mastr, sisiaäza cadrotis chäälu.

San Juan 10:27

Rexilä numbee xse'ä, luxh narä numbeäzareni, riädnajlzareni narä.

San Juan 12:26

Palga yu' chu tej ni rlajz chu loä, sujiädnajlni xnezyuä, te cadro yu'ä, ro'cza cuääz ni ru' loä. Palga yu' chu gun xtzunä, siliä'pza Xtadä xpala'nni.

San Juan 13:37

Räjp Pedr lojni: ―Dad, ¿xhicuent digacdi jiäḻä ṉaj? Palga rquiin guetä xcuentlu, suguetä.

San Juan 8:12

Gunii Jesús lo rebejṉ stehuält, räjpni lojreni: ―Narä nacä bianij xten guedxliuj; nani jiädnajl narä dini sa lo yäḻnacäjy, sica'ni bianij ni rudeedpac yäḻnabajṉ.

Hechos 20:28

Coḻga'p lagajc la'tu si'c ra'p baxhtoor xiil, si'c coḻga'p guiraa rebejṉ nani rililajz xtidx Dios sa'csi Sprit Dxan xten Dios abaniidx dzuunga guntu, ni'cni abixe' xtiejn Jesucrist lo crujz te gac gudzucaj Dios xtojḻreni.

1 Corintios 16:15

La'tu rebetzä, anajntu xcuent rexfamiḻ Estéfanas, nani ganid huililajz xtidx Dios nez reguedx Acaya, najntu xho racnäduxhreni rebejtznu nani huililajz xtidx Dios ro'c. N̲aj rniabduxhä lojtu,

1 Corintios 6:20

Agudijx Jesucrist xtojḻnu con xtiejnni lo crujz, ni'cni nanab jiennu dzunsa'c nani guiliä'p xpala'n Dios con tiejxhnu näjza Xpritnu.

1 Corintios 7:28

Palga guchṉaalu, xhet dojḻdi rujnlu. Palga guchṉaa te dxa'p, dizani gun dojḻ. Niluxh reni ruchṉaa sidejdreni trabajw lo yäḻnabajṉre. Ni'cni rniä na'c guchṉaatu sa'csi di rlazä tedtu trabajw.

2 Corintios 11:2

Randzu'ä la'tu con yäḻrandzu' ni baniidx Dios, sa'csi abia'n diidx gutedä la'tu ladzṉaa Jesucrist te xca'ni la'tu. Rlazä gactu beṉnaya chäätu lojni, si'c te dxa'p che ruchṉaani te bi'n, rut bahuaḻdini.

Efesios 1:14

Baniidx Dios Sprit Dxan xtenni te cuääzni neṉ lastoonu, te ni'c najc seen xca'nu yäḻnasa'c nani guniidx Dios che abaluuxni xtzuunni, nalajznu gusḻaani guiraa rexpejṉni te guiliä'preni xpala'nni lo xcäḻrnibeeni.

Efesios 5:27

te che xca'ni rexpeṉ guidooni, najcreni te guidoo ni sajcru, te guidoo nani xheti xtojḻni, te guidoo nani sugadzu'tz, te guidoo xhet xhi riäädxdi, najcni te guidoya, xheti xhi xtojḻdini.

1 Timoteo 4:3

Suluii rebejṉre na'c guchṉaa bejṉ, suluiizareni na'c gau bejṉ guiraloj, niluxh Dios bejnpac redee te xca' rebejṉ ni rlilajz, ni racbeeza didxlii, te gudeedreni xquixtios lo Dios.

Hebreos 12:23

cadro re' reni calä'p xpala'n Dios. Ro'c re'za reni najc xi'n Dios, renani acaj lajni xhaguibaa. Agubigzatu lo Diospac, ni najc Juejz xten guiraanu, näjza loj resprit xten rebejṉ nani abasia Dios te anajcreni beṉnasa'c.

Santiago 1:18

Lagajc xcuentni bejn Dios gacnu xpejṉni sa'csi huililajznu xtidxliipacni, te gacnu rebeṉ galoo loj rexpejṉni.

1 Pedro 2:9

La'tu najctu te cuaa bejṉ ni agule Dios, tejgatu najctu rebixhojz ni najc si'c ṟeii xten Dios. La'tu najctu te beṉnaya, te beṉsa'c, rexpejṉpacni. Aguleni la'tu te gusule'tu reyäḻnasacduxh ni bejn Dios ni gurejdxtu che guyu'tu lo nezyunacäjy xten guedxliujre te biu'tu lo nezyuj ni rdimbichasejz xten Dios.

Apocalipsis 17:14

Laa redee ni sucuanäj Xiil xten Dios. Dxejcti sujn Xiilga gaan lojreni sa'csi laani najcni Dad ni rnibee loj guiraa redad, najcni Reii ni rnibee lo guiraa reṟeii. Luxh renani siädnajlni najc reni agurejdxni, reni aguleni, sisiudzu'tznäjrenini.

Apocalipsis 21:22

Dina nuhuiä nicla tej guidoo neṉ guejdxga, sa'csi suga' Gueb Dios ni rajp guiralii yäḻrnibeduxh, näjza Xiil xten Dios. Laani najc xquidoo guejdxga.

Apocalipsis 21:23

Guejdxga dini guiquiin gusanij nicla gubijdx niclaza bäii, sa'csi lagajc xcäḻrdimbicha' Dios näjza Xiil xten Dios ruzanij ro'c.

Apocalipsis 3:4

Niluxh yu' gaiisi bejṉ lo guedx Sardis nani naya, nani gajdreni gun dojḻ. Sajcwreni ladnolbäj te sanäreni narä xhaguibaa, sa'csi laareni säbyäjḻreni.

Apocalipsis 5:9

Cayoḻzareni te dicoob ni najc scree: Guejblu sacduxh, riäjḻpac xca' Guejblu guijtzga, gutiäjs Guejblu reseiiga, sa'csi bagu't rebejṉlu, näjza xtiejnlu gudijx xcuent bejṉ lo Dios. Gudijxlu xcuent bejṉ ni najc garen-garen ṟaz, ni rnii garen-garen didxsaj, ni siääd garen-garen guejdx lo garen-garen ladxbejṉ.