Apocalipsis 11:9 - Zapotec Mitla

⁹ Choṉ dxej garol guiraa rebejṉ ni siääd guedxbäz, ni siääd guedxro, ni najc garen-garen ṟaz, ni rnii garen-garen xtidx guiraa rebejṉ guedxliuj, suhuii loj guiro'p rebeṉgutga, direni gusaan guiga'tzreni neṉ baa.

Apocalipsis 11:9 Iomraidhean Croise

San Mateo 7:2

Sa'csi sigacni rgubeetu sa'tu, sigajcza sigubee Dios xhi rujntu; niluxh lagajc si'cni rutiexhtu lo bejṉ, si'cza sutiexh Dios lojtu.

Apocalipsis 10:11

Dxejc najni loä: ―Nanab chasulesaclu xtidx Dios xcuent nani churu gac loj xhidalduxh bejṉ, näjza guejdx, näjza renani rnii garen-garen xtiidxreni, näjza loj reṟeii.

Apocalipsis 11:11

Che gudejd choṉ dxej garolga, baspaṉsac Diosreni, dxejcti huitiesacreni. Guiraa reni bahuii lojreni, bidxebduxhreni.

Apocalipsis 13:7

Dxejcti yu' chu basaan bacuanäj manroga rexpejṉ Dios. Bejn manroga gaan rexpejṉ Dios, dxejcti gunibee manroga guiraa reguedxbäz, näj guiraa rebejṉ ni rnii garen-garen xtiidxreni, näjza guiraa reguedxroduxh.

Apocalipsis 17:15

Dxejcti najza anglga loä: ―Renis ni bahuiilu cadro sobga' gunadxabga säloj guiraa guejdx, guiraa beṉ guedxliuj, guiraa bejṉ ni rnii garen-garenca xtiidxreni, ni siääd garen-garen reguejdx.

Apocalipsis 5:8

Che cua'ni guijtzga, guidap remanga näjza guigaḻbitap rebeṉgool bazuxhijbreni nez loj Xiilga. Tejga rebeṉgoolga ca' te arp, ca'zareni taz oor guidxa te ni najc si'c yaal. Yaalga najc guiraa reyäḻrbejdx, yäḻrniab xten rexpejṉ Dios.

Apocalipsis 5:9

Cayoḻzareni te dicoob ni najc scree: Guejblu sacduxh, riäjḻpac xca' Guejblu guijtzga, gutiäjs Guejblu reseiiga, sa'csi bagu't rebejṉlu, näjza xtiejnlu gudijx xcuent bejṉ lo Dios. Gudijxlu xcuent bejṉ ni najc garen-garen ṟaz, ni rnii garen-garen didxsaj, ni siääd garen-garen guejdx lo garen-garen ladxbejṉ.