Apocalipsis 11:19 - Zapotec Mitla

¹⁹ Dxejc bixal xquidoo Dios ni yu' xhaguibaa, neṉ guidooga bieṉ te guijn cadro yu' guij cadro caj rediidx ni bia'n Dios loj rexpejṉ Israel. Dxejcti lacti bidinya', lacti guiniiza reguziro, gujc te xu, dxejc biajb te guixobroduxh.

Apocalipsis 11:19 Iomraidhean Croise

Apocalipsis 11:13

Lagajc oṟga gujc te xuduxh, gurebä'n tej lo tzuu la' guejdxga, gujt gajdz miḻ bejṉ lo xu ni gujc ro'c. Rebejṉ ni bia'n ro'c bidxebduxhreni, guslojreni calä'preni xpala'n Dios ni yu' xhaguibaa.

Apocalipsis 11:15

Che biḻ ni rajc gajdz xangl Dios trompe't ni ca'ni, dxejc biejn xse' reni dipduxh canii xhaguibaa, cayäjpreni: Xcäḻrnibee guedxliuj agudejd ladzṉaa Dad Dios näjza Jesucrist; luxh laani sinibeeni par tejpas.

Apocalipsis 12:1

Dxejcti guyu' te senro xhaguibaa: te gunaa ni najcw si'c gubijdx, ni'ni sojb bäii, yejcni yu' te coroṉ ni nac-chee tzubitio'p balxhaguibaa.

Apocalipsis 16:1

Dxejcti biejn diagä xse' te ni canii dipduxh xquidoolini, caniini loj guigajdz rexangl Dios, räjpni: ―Coḻchäj, coḻchasloj guigajdz rexhijgga lo guedxliuj, coḻca' rexhijg ni guidxa xcäḻguxhtis Dios.

Apocalipsis 16:18

Dxejc guyuduxh yäḻrdinya' näj guziro. Gujcza te xuroduxh lo guedxliuj, te xu sa' ni gajdpac gac.

Apocalipsis 16:21

Xhaguibaali biajb te guixhobro yejc rebejṉ; tejga guixhobga na' si'cti tiuu kiḻ. Guniyaj rebejṉ Dios xcuent guixhobroga, sa'csi cuentroduxh gujcni.

Apocalipsis 19:11

Dxejcti bahuiä bixal xhaguibaa, biricaj te cabainol. Luxh laj nani rbijbni säloj casobsa'cpacni diidx, rniizani ganax didxgulii. Entis laaca rujnni yäḻguxhtis, entis laaca rucuaani che rujnni gueṟ.

Apocalipsis 4:1

Che gulujx bacuaä rediidxga, guläsä loä, bahuiä astoo naxhal ro puert xhaguibaa. Dxejcru gunii xse' nani biejn diagä ganiddoo, nani riejn si'c xse' te trompet, najni loä: ―Huä'p, gudaa ree, te guluiä lojlu recos ni churu gac che luux gac recosre.

Apocalipsis 4:5

Nez lo yagxhilro cadro rnibeeni ṟii reyäḻrdinya' näjza guzii. Nez loj cadro rnibeeni cayaḻguij gajdz bajl ni najc gajdz Sprit Dxan xten Dios.

Apocalipsis 7:15

Ni'cni suga'reni nez loj yagxhilro xten Dios dxej-yääl cayujnreni xtzuunni neṉ xquidooni. Ni'cni sacnäj nani sobga' lo yagxhilroga guiraa renani suga' nez lojni, sunäjtisni laareni.

Apocalipsis 8:5

Dxejcti lagajc anglga cua'ni guiboo ni dzuub lo piändxanga, bachajni bacue, dxejcti baslojnini lo guedxliuj. Dxejc guyu' te guziduxh, bidinyaduxh, gujcza te xuduxh.

Apocalipsis 8:7

Che biḻ trompetganid, guixob näj guiboo nu'chreni rejn gusloj cayajbreni loj guedxliuj. Dxejcti huejc ni riojṉ la' guedxliuj, huejcza ni riojṉ la' reyajg näjza guiralii recuaan.