1 Juan 4:9 - Zapotec Mitla

⁹ Abasule' Dios loonu lacti rinälajzni nuunu. Yu' tejtis Xi'n Dios. Abaxhaḻni Xi'nni lo guedxliuj te gudijxni rextojḻnu lo crujz te si'c guibaṉnäjnuni par tejpas.

1 Juan 4:9 Iomraidhean Croise

San Marcos 12:6

’Yu'za tejtis xi'nni, luxh sanälajznini. Por lult näjza xi'nni baxhaḻni, naani: “Siucareni xi'nä.”

San Lucas 4:18

Sprit Dxan xten Dios suganäj narä, sa'csi agule Dios narä te gusule'ä xtidxcoobni lo rebeṉproob. Baxhaḻni narä te gusiacä lastoo renani di lastooreni cuedxi, te gusule'ä yäḻrusḻaa lo rebejṉ ni yu' lo dojḻ, te gusiacä baloj rebeṉ lotiä'p, te gusḻaä́ rebeṉ ni cadejd trabajw,

San Juan 10:10

’Ni najc gubaan riäädtisni te cuanni, te ju'tni, te guxhiṉzani, niluxh narä siäḻä te ga'ptu yäḻnabaṉsa'c, yäḻnabajṉ par tejpas.

San Juan 14:6

Räjp Jesús lojni: ―Narä nacä nezyuj. Narä nacä didxliipac, nacäza yäḻnabajṉ. Por narätis sajc chää bejṉ cadro rbäjz Xtadä.

San Juan 3:16

’Sa'csi huinälazduxh Dios rebejṉ guedxliuj, ni'cni badeedni biääd Xinxtebni lo guedxliuj, te guiraa renani chalilajz xtiidxni direni nit lo Dios, sa'csi sajpreni yäḻnabajṉ par tejpas.

San Juan 3:18

’Nani chalilajz xtiidxni näjza chalilajz najcni chu najni najcni dini nit, luxh nani di chalilajz xtiidxni agunijtni sa'csi dini nililajz xtidx Xinxteb Dios.

San Juan 5:23

te guiraa bejṉ guiliä'p xpala'n xi'nni si'cni rliä'preni xpala'n Dad. Nani di guiliä'p xpala'n Xi'nni, dizani guiliä'p xpala'n Xtadni ni baxhaḻni biäädni.

San Juan 6:29

Räjp Jesús lojreni: ―Dee najc ni rlajz Dios guntu: chalilajztu xtidx narä, nani baxhaḻni.

San Juan 6:51

Narä nacä yätxtilbajṉ ni siääd xhaguibaa. Palga yu' chu gau yätxtiilre, sibajṉni par tejpas. Yätxtiil nani runidxä narä te xca' rebeṉ guedxliuj yäḻnabajṉ najc lagajc bältiexhä.

San Juan 6:57

Xtadä ni baxhaḻ narä rajp yäḻnabajṉ par tejpas. Narä nabaṉä xcuent laani. Sigajcza nani rajw narä, sibajṉzani xcuent narä.

San Juan 8:29

Nani baxhaḻ narä suganäjni narä. Gajd Dad gusanxteb narä, sa'csi runätis ganax redzuun nani rchaglajzni.

San Juan 8:42

Dxejcti räjp Jesús: ―Paru guliini najc xtadtu Dios, ninälajztu narä sa'csi loj Dios biriä siäḻä ree. Xhet lagajcsi xcuentä siäḻädi; Dios baxhaḻ narä.

San Juan 9:3

Räjp Jesús: ―Nicla laani, niclaza xcuzajnni di niujn dojḻ. Si'c gojlni te xcuent ni sajc bejṉre suhuii bejṉ xho najc xtzuun Dios.

Romanos 8:32

Dios nani di nudxojn Xi'nni, nani cuäjb cuaj Xi'nni lo crujz te gujtni, te gudijxni xcuent xtojḻnu, ¿xho dini guniidx loonu xcuent Xi'nni guira'ti nani rquiinnu, ä?

Hebreos 1:5

Sa'csi Dios di niäjb loj nicla tej rexanglni: Luj najclu Xi'nä. Narä guleälu te guinibeelu. Dizani niäjb xcuent nicla tej rexanglni: Narä gacä xtadni, laani gacni xi'nä.

1 Juan 3:16

Racbeenu rinälajz Jesucrist nuunu, sa'csi gujtni lacuaa nuunu lo crujz. Sigajcza nungäjḻ gacnäjnu resa'nu, mase guetnu lacuaa guetreni.

1 Juan 4:10

Si'c racbeenu rinälajzpac Dios nuunu. Galoo dinu ninälajz Dios. Niluxh Dios huinälajz nuunu, ni'c baxhaḻni Xi'nni lo guedxliuj te gudijxni xtojḻnu lo crujz.

1 Juan 4:16

Racbeenu, rililaazzanu rinälajz Dios nuure. Guliduxh rinälajz Dios nuunu. Palga rinälaaznu Dios, nabaṉnäjnu Dios, nabaṉnäjza Dios nuunu.

1 Juan 5:11

Scree najc rediidx ni rnii Dios. Abaniidx Dios loonu yäḻnabajṉ par tejpas. Yäḻnabajṉga biädnä Xi'nni, Jesucrist.

1 Juan 5:13

Abacuaä rediidxre lojtu ni rililajz rextidx Jesucrist te gacbeepactu rajptu yäḻnabajṉ par tejpas.