SAN LUCAS 11:47 - Testament Cobə deʼen choeʼ dižəʼ c̱he ancho Jesocristənʼ

^47-48 ¡Probchguazə le'e chonḻe monoment lao ba c̱he de'e profet ca' gwso'e xtižə' Diozən'! Chacle tozə len de'e x̱axta'ocho ca' de'en gwso'ote' ḻega'aque', na' le'e chonḻe par nic̱h nacbi'axeɉə de que gwso'ote' de'e profet ca' laogüe de'en chonḻe monoment lao ba c̱he beṉə' ca' gwso'ote'.

SAN LUCAS 11:47 Iomraidhean Croise

SAN MATEO 23:27

Probchguazə le'e chsed chlo'ile ḻein' de'en bzoɉ de'e Moisezən', na' probchguazə le'e beṉə' fariseo. ¡Nacle beṉə' gox̱oayag! Gwxaquə'əlebele ca to ba de'en zɉənone' xochechgua laogüenə' pero ḻo'ilei ža' žit beṉə' guat na' chi'ichgua de'e zban.

HECHOS 7:51

De'en cui chzenagle, de'en cui cheɉḻe'ele ḻo'o la'ažda'olen' naquəchguale beṉə' žod can' gwsa'ac de'e x̱axta'ocho ca'. Cuiczə chzenagle c̱he Spirit c̱he Diozən'.

1 TESALONICENSES 2:15

Beṉə' Izrael ca'anə' gwso'ote' X̱ancho Jeso'osən' can' gwso'ote' beṉə' ca' gwso'elene' ḻega'aque' xtižə' Diozən' cana'. Na' ḻeczə can' gwso'one' boso'olagzeɉə boso'olagzide' neto'. Na' xte ža ṉeža por de'e cui chazlažə' Diozən' chso'one', na' ḻeczə chso'one' contr yoguə'əḻoḻ beṉac̱hən'.