SAN LUCAS 10:36 - Testament Cobə deʼen choeʼ dižəʼ c̱he ancho Jesocristənʼ

³⁶ Beyož be' Jeso'osən' dižə' can' goc c̱he ben' ɉəsyə'əxen beṉə' bguan ca', nach gože' ben' chsed chlo'i ḻein': ―¿Bi chacdo'? ¿noe' beṉə' ca' goquene' de que beṉə' probən' naquə lɉuežɉe' ben' cheyaḻə' gaquene' c̱hei?

SAN LUCAS 10:36 Iomraidhean Croise

SAN MATEO 17:25

Nach gož Bedən' ḻega'aque': —Gwyixɉue'en. Gwde na' Jeso'osən' len disipl c̱he ca' gwso'e ḻo'o yo'onə'. Nach Jeso'osən' ḻe'e gožte' Bedən': —¿Bi xbab chono', Bed? Ca naquə rei ca' nitə' yežlyo nga chesə'ənabi'e na' chso'one' byen chesə'əyixɉw beṉə' c̱he impuest. ¿Non' chəsə'əc̱hixɉue'en ža? ¿əfamiḻy c̱hega'aque' o šə beṉə' yoblə?

SAN MATEO 22:42

gože' ḻega'aque': —¿Bin' chontguale xbab c̱he Cristən' ben' əseḻə' Diozən' par gaquəlene' ṉasyon c̱hechon'? ¿No xi'iṉ dia c̱hei gaque'? Na' gwse'ene': —Gaque' xi'iṉ dia c̱he de'e Rei Dabin'.

SAN LUCAS 10:35

Na' beteyo gwleɉe' c̱hopə mech de'en nzi' denario bnežɉue'en x̱an mesonṉə' na' gože'ene': “Bgüia bye benga na' šə bichlə de'en gono' gast na' c̱hixɉua'an catə' zeza'a.”

SAN LUCAS 10:37

Nach ben' chsed chlo'i ḻein' gože' Jeso'osən': ―Ben' beyašə' beži'ilažə' ben' ɉəsyə'əxen beṉə' bguan ca'. Nach gož Jeso'osən' ḻe': ―Ḻeczə can' cheyaḻə' gono' dezd ṉa'a, yeyašə' yeži'ilažo'o yoguə'əḻoḻ beṉə'.

SAN LUCAS 7:42

Na' c̱hopte beṉə' ca' ni toe' cui de c̱hega'aque' par yesyə'əyixɉue' xyan', na' ben' gwleɉ mechən' bṉitlaogüe' de'en chsa'aḻe'e c̱he'enə'. Gwnašc nada', ¿noe' entr beṉə' ca' c̱hopə gwsa'aquechene' c̱he'?