SAN LUCAS 1:53 - Testament Cobə deʼen choeʼ dižəʼ c̱he ancho Jesocristənʼ

⁵³ Na' beṉə' ca' gwsa'acbe'ine' de que chesə'əyažɉene' yeḻə' chaclen c̱he Diozən', bagoclene' ḻega'aque'. Na' beṉə' ca' gwsa'aquene' bitobi chesə'əyažɉene', bose'e ḻega'aque' sin cui bi bnežɉue' ḻega'aque'.

SAN LUCAS 1:53 Iomraidhean Croise

SAN MATEO 5:6

Na' le'e chzelažə'əchguale gacle beṉə' güen lao Diozən', zole mbalaz c̱hedə' Diozən' bachaclene' le'e par nic̱h gacle beṉə' güen laogüe'enə'.

SAN LUCAS 1:54

Nach bagocwlene' chio'o beṉə' Izrael naccho ca xmose'. Bablo'ine' chio'o de que bito ganḻaže'e par yeyašə' yeži'ilaže'e chio'o can' bene' lyebe.

SAN LUCAS 6:21

Mbalaz so le'e chdonḻe ṉa'a, c̱hedə' gwžin ža catə' cuich tonḻe. Na' mbalaz so le'e chbežle ṉa'a, c̱hedə' Diozən' gone' par nic̱h yebeile.

SAN LUCAS 6:24

Pero probchguazə le'e beṉə' gwni'a. Chac güen c̱hele ṉa'a, pero caguə par zeɉḻicaṉen' gaquə güen c̱hele.

SAN JUAN 6:35

Na' Jeso'osən' gože' ḻega'aque': ―Nada' naca' yeḻə' guao de'en chnežɉon beṉə' yeḻə' mban zeɉḻicaṉe. Notə'ətezə beṉə' chse'eɉḻe' c̱hia' yesyə'əbei la'ažda'oga'aque'enə' zeɉḻicaṉe, na' de'en chso'onḻilaže'e nada', ṉite'e mbalaz zeɉḻicaṉe.

1 CORINTOS 1:26

Ḻe'e gon xbab beṉə' bišə', Diozən' gwleɉe' chio'o par naccho xi'iṉe'. Bito naquə zancho beṉə' sin' segon can' chso'on beṉac̱hən' xbab c̱hecho, na' nic naquə zancho beṉə' gwnabia', na' nic naquə zancho beṉə' blao.

1 CORINTOS 4:8

Chaclɉeile bitoch bi chyažɉele, na' de que bazole mbalaz ḻa'aṉə'əczə cui chac c̱heto' ca'. Yebeito' žalə' de'e ḻiczə zole mbalaz na' soto' mbalaz txen len le'e žalə' ca'.