SAN JUAN 13:36 - Testament Cobə deʼen choeʼ dižəʼ c̱he ancho Jesocristənʼ

³⁶ Na' gož Bedən' ḻe': ―X̱ana', ¿gan' yeyeɉo'? Na' gož Jeso'osən' ḻe': ―Gan' yeya'a bito gaquə denaogo' nada' ṉa'a, pero telə denaogo'.

SAN JUAN 13:36 Iomraidhean Croise

SAN JUAN 13:33

Xi'iṉdaogua'a, yešlož da'ogan' soa' len le'e. Na' yeyilɉle nada', na' can' goža' beṉə' blao c̱he ṉasyon Izrael c̱hechon', ḻeczə can' əchnia' le'e ṉa'a de que gan' yeya'a bito gaquə sa'alenḻe nada'.

SAN JUAN 14:2

Gan' zo X̱a' Diozən' naquən ca to yo'o xen gan' ža' de'e zan cuart. Gwnia' le' žalə' cui bi cuart de par le'e. Na' yeya'a žɉəyeyenšaogua'a cuart par to tole.

SAN JUAN 16:17

Na' baḻə neto' disipl c̱he' gož lɉuežɉto': ―¿Bi zeɉen de'e nga che'e chio'o de que yeto tyemp da'ozə na' bitoch le'ichone' na' de que techlə yeto tyemp dao' yoblə na' yezle'ichone'? ¿Na' bi zeɉen de'en ne' yeyeɉe' gan' zo X̱e'enə'?

SAN JUAN 16:5

Na' ḻa'aṉə'əczə yeya'a ṉa'a gan' zo X̱a'anə' ben' əbseḻə' nada', ni tole cui chṉabele nada' bi zeɉen de'en yeya'anə'.

2 PEDRO 1:14

Ṉezda' de que yob əžin ža gata' segon can' bablo'i X̱ancho Jesocristən' nada'.