APOCALIPSIS 4:11 - Testament Cobə deʼen choeʼ dižəʼ c̱he ancho Jesocristənʼ

¹¹ X̱anto' Dioz, len' beno' beṉac̱h, angl, bia ca' ža', na' biquə'əchlə de'en zɉəde, c̱hedə' can' gwyazlažo'o na' c̱hedə' go'ondo' nitə' beṉac̱h, angl, bia ca' ža' na' biquə'əchlə de'en zɉəde. De'e na'anə' zaquə'əczo' par chnabi'o, par si'o yeḻə' bala'aṉ, na' par əyeɉlaogo'o.

APOCALIPSIS 4:11 Iomraidhean Croise

HECHOS 17:24

Dioz ben' ben yežlyon' na' yoguə'əte de'e de laogüen', ḻen' chnabi'e yoban' na' yežlyon'. Bito zoe' do ḻo'o yo'o de'e ben beṉac̱hən' par se'eɉṉi'alaže'e ḻe'.

ROMANOS 11:36

Diozən' bene' yoguə'əḻoḻ, bene' bia chsa'aš, bene' beṉac̱h, na' yeziquə'əchlə de'e zɉəde. Diozən' chgüia chye' yoguə'əḻoḻ, chgüia chye' beṉac̱hən' na' bia chsa'aš na' yoguə' cuantzə de'e zɉəde. Ḻen' bene' beṉac̱h na' yeziquə'əchlə de'e zɉəde par nic̱h si'e yeḻə' bala'aṉ. Ḻedoye'ela'oche' zeɉḻicaṉe. Can' gonšgaczcho.

EFESIOS 3:9

Diozən' bene' yoguə'əḻoḻ beṉə', yoguə'əḻoḻ bia chaš, na' yoguə'əḻoḻ de'e de. Na' dezd ža gwlasda'ote bito be' Diozən' latɉə yesə'əṉeze beṉac̱hən' bin' babžie' bia' gaquə. Pero ṉa'a no'e c̱hia' chzeɉni'ida' yoguə'əḻoḻ beṉə' de que bachac can' nžie' bia'.

HEBREOS 1:10

Na' de'e yoblə gož Diozən' Xi'iṉe'enə': Le' naco' X̱an yežlyon'. Len' beno'on ža gwlasda'ote. Na' yoguə' de'en chle'icho ḻe'e yoban', ḻeczə len' beno'on.

HEBREOS 1:2

Pero tyemp nga zocho ṉa'a nža'alə babene'. Ṉa'a babe'elene' chio'o dižə' ca de'en bseḻe'e Xi'iṉe'enə' ben' ben yoban', yežlyon' na' de'e ca' chle'icho ḻe'e yoban', na' benga'aque'en con can' ben Diozən' mendad. Na' gwžin ža catə' gaquə lao na Xi'iṉ Diozən' yoguə' beṉac̱h, yoguə' bia ca' chsa'aš, na' biquə'əchlə de'e ca' bene'.

APOCALIPSIS 1:6

Gwleɉe' chio'o par nic̱h ṉabi'acho txen len ḻe' ca no rei na' par nic̱h sotezə socho güe'ela'ocho X̱e' Diozən' can' gwnitə'ətezə gwnitə' bx̱oz c̱he beṉə' Izrael ca' gwse'eɉṉi'alaže'e Diozən'. Jesocristən' chnabi'e zeɉḻicaṉe. Ḻedoye'ela'oche' ṉa'a na' zeɉḻicaṉe. Can' gonšgaczcho.

APOCALIPSIS 10:6

na' bzoe' Dioz ben' zo zeɉḻicaṉe testigw de que cho'e dižə' ḻi, Dioz ben' ben beṉac̱h, bene' bia ca' ža', na' len bitə'ətezəchlə de'e zɉəde yoban', lao yežlyon' na' ḻo'o nisən'. Gwne': —Bitoch cuezə Diozən' par gone' can' bžie' bia' gone'.

APOCALIPSIS 14:7

Gwṉe' zižɉo gože' ḻega'aque': —Ḻe'e gapə Diozən' respet, ḻe'e güe' Diozən' yeḻə' bala'aṉ, c̱hedə' babžin or gone' castigw beṉə' ca' cui chso'elao' ḻe'. Ḻe'e güe'elao' Diozən' ben' ben yoban', yežlyon', nisda'onə' na' beɉ ca'.

APOCALIPSIS 19:1

Gwde na' benda' angl zan juisy beṉə' ža' yoban' chso'elaogüe'e Diozən' na' zižɉo nen catə'ən gosə'əne': Beṉə' güen juisy naquə Dioz c̱hechon'. Ḻe'enə' babene' par nic̱h beṉə' ca' chso'onḻilažə' ḻe' cui žɉəya'aque' lao yi' gabiḻən'. Chey che'eni'ichgua gan' zoe'enə' na' nape' yeḻə' guac xen.

APOCALIPSIS 5:12

chso'e dižə'ən zižɉo chəsə'əne': Jesocristən' gwxaquə'əlebene' ca xilə' dao' ca' gwso'ot beṉə' Izrael ca' par gwnitlao xtoḻə'əga'aque'enə'. Na' zaquə'əcze' par chnabi'e doxenḻə, na' par naquə c̱he' yoguə'əte de'en zɉəde, na' par nape' yoguə' cḻaste yeḻə' sin', na' par nape' yeḻə' guac xen, na' par nzi'e yeḻə' bala'aṉ, na' par nse'e yeḻə chey che'eni' c̱he Diozən' na' par cho'ela'ochone'.

APOCALIPSIS 5:2

Na' ble'ida' to angl gual na' gwne' zižɉo: —¿Non' zaquə' par əgwzoxɉe' sey ca' par nic̱h šaš rollon'?

APOCALIPSIS 5:9

Na' gwso'oḻe' to imno cobə de'en nan: Zaco'o par ɉəx̱i'o rollon' na' par bzoxɉo' sey c̱hei ca', c̱hedə' bnežɉw cuino' par gwso'ote' le' na' blalɉ xc̱heno'onə' gwdixɉo' xtoḻə'əto'onə' par nic̱h naquəto' xi'iṉ Dioz. Neto' naquəto' to to ṉasyon, to to yež, na' to to dia na' cho'eto' gwde gwdelə dižə'.