APOCALIPSIS 21:4 - Testament Cobə deʼen choeʼ dižəʼ c̱he ancho Jesocristənʼ

⁴ Na' Diozən' gone' par nic̱h cuich ṉite'e trist, notoch no gat, na' notoch no no yegüine'e, ni que gaquə bi de'en yesə'əžaglaogüe' o bi de'en gon par yesə'əbeže'. Bagwde c̱he yoguə' de'e ca' zɉənac ca' de'en gotə' lao yežlyo nechən'.

APOCALIPSIS 21:4 Iomraidhean Croise

SAN MATEO 24:35

Ca naquə de'e ca' chle'icho ḻe'e yoban' na' yežlyon', yesə'əde c̱hei, pero ca naquə xtiža'anə' caguə de'e te cui gaquə can' nanṉə'.

1 CORINTOS 7:31

Ca naquə zocho yežlyo nga na' chc̱hincho bi de'e ca' de'en de yežlyo nga, bito cheyaḻə' cue'echgua yic̱hɉcho c̱he bi de'en deicho o bi de'en chac c̱hecho c̱hedə' de'e te c̱hei yežlyo nga chle'icho ṉa'a.

2 CORINTOS 5:17

Chio'o bandiḻ ngodə'əcho len Cristən' Diozən' babocobe' yic̱hɉla'ažda'ochon'. Na' bitoch chebeicho de'e ca' bebeicho antslə, na' ḻeczə bitoch choncho can' bencho antslə. Bazocho ca beṉə' cobə, na' banža' yeḻə' chzo yeḻə' chbez c̱hechon'.

2 CORINTOS 6:17

De'e na'anə' cheyaḻə' goncho can' gwna X̱ancho Diozən': Ḻe'e yechoɉ entr beṉə' ca' cui chso'elao' nada' na' bitoch gonḻe txen len ḻega'aque'. Bitoch gonḻe de'e malən'. Ḻegon par nic̱h yebeida' le'e.

HEBREOS 12:27

Na' de'en gwne' de que yossi'iṉse'en de'e yoblə, zeɉen de que cana'achən' te c̱he yoguə' de'e ca' ben Diozən' de'en chle'icho, ca naquə yežlyon' na' de'e ca' chle'icho ḻe'e yoban'. Na' catə' babesyə'ənit yoguə' de'e ca' chle'ichon' Diozən' ṉe'e zocze' chone' par nic̱h chac de'e güen de'e cui te c̱hei.

2 PEDRO 3:10

Na' can' cho'o beṉə' bguanṉə' liž beṉə' še'elə chzenyale'ene', ḻeczə can' gaquə c̱he beṉə' ca' cui chso'onḻilažə' X̱ancho Jesocristən' catə' əžin ža yide' de'e yoblə. Nach gaquə to sšag xen la' te c̱he yoguə' de'e ca' chle'icho ḻe'e yoban', na' te c̱he yežlyon' len yoguə' de'e zɉəde laogüen' c̱hedə' yoguə'ən əse'eyən, xte yesyə'ənit de'e ca' chle'icho ḻe'e yoban'.

1 JUAN 2:17

De'e te c̱hei yežlyo nga na' ḻeczə de'e te c̱hei de'e ca' chəsə'əzelažə' beṉə' ca' cui zɉənombia' Diozən'. Pero šə choncho can' chene'e Diozən' nachən' socho zeɉḻicaṉe.

APOCALIPSIS 20:13

Na' yoguə' beṉə' bagwsa'at ḻo'o nisda'onə' sin cui gwso'onḻilaže'e Jesocristən' lenczəga'aque' besyə'əchoɉe' par gosə'əzeche' lao Diozən' na' ḻe'egatezə ca' yoguə' beṉə' bagwsa'at gatə'ətezəchlə ḻeczə besyə'əchoɉe' latɉ c̱he beṉə' guat ca'. Na' Diozən' gwc̱hoglaogüe'en c̱he to toga'aque' de que yesə'əzi'e castigw segon can' gwso'one'.

APOCALIPSIS 20:14

Nach Diozən' bcueze' yeḻə' gotən' de'en ṉacho de'e neche. Bene' par nic̱h cuich no yežin latɉə c̱he beṉə' guat ca'. Na' de'en yesə'əzaquə'əzi' beṉə' güen de'e mal ca' ḻo'o yi' gabiḻən' zeɉḻicaṉe, ḻenṉə' de'en ṉacho yeḻə' got əgwchopen'.

APOCALIPSIS 21:1

Gwde na' ble'ida' de'e ca' chle'icho ḻe'e yoban' zɉənaquən de'e cobə, na' ḻeczə ble'ida' yežlyon' de'e cobə. Ca naquə de'e ca' zɉənḻa' ḻe'e yoban' antslə, na' ca naquə yežlyon' de'en banombi'acho, bagwde c̱hega'aquən. Na' ḻeczə nisda'onə' bagwde c̱hei.

APOCALIPSIS 22:3

Cuat gatə' de'e gue'i Diozən' lao' syodan'. Diozən' len Xi'iṉe' Jesocristən' ben' gwxaquə'əlebe ca xilə' dao' ca' gwso'ot beṉə' Izrael ca' par gwnitlao xtoḻə'əga'aque'enə' zɉəchi'e syodan' chesə'ənabi'e, na' yoguə' beṉə' ca' ža' syodan' chso'onḻilaže'e Diozən' na' nitə'ətezə nite'e chso'elaogüe'ene'.

APOCALIPSIS 7:17

c̱hedə' Jesocristən' ben' gwxaquə'əlebe ca xilə' dao' ca' gwso'ot beṉə' Izrael ca' par gwnitlao xtoḻə'əga'aque'enə' chapə chye' ḻega'aque'. Zoe' gan' chi' Diozən' chnabi'e na' chone' par nitə'əcze' mbalaz len Diozən' zeɉḻicaṉe. Na' Diozən' gone' par nic̱h cuich yesə'əbeže' na' cuich ṉite'e trist.