1 JUAN 5:7 - Testament Cobə deʼen choeʼ dižəʼ c̱he ancho Jesocristənʼ

⁷ Šoṉə testigw nitə' yoban' chso'e dižə' c̱he Jesocristən', X̱acho Diozən' na' ben' naquə Dižə'ənə', na' Spirit c̱he Diozən'. Na' tozə can' na X̱acho Diozən' len can' na ben' naquə Dižə'ənə', na' len can' na Spirit c̱he Diozən'.

1 JUAN 5:7 Iomraidhean Croise

SAN MATEO 17:5

Ṉe'e cho'ete' dižə'ənə' catə'əczla to beɉw de'en chactit bcuašə'ən ḻega'aque', na' ḻo'o beɉon' gwse'enene' gwna Diozən': —Benga Xi'iṉa' ben' chacchgüeida' c̱hei. Cheba chezaquə'əlaža'a len ḻe'. C̱he ḻe'enə' ḻe'e gwzenag.

SAN MATEO 18:16

Pero na' šə bito c̱haze' rson ca dižə' de'en žɉe'elenḻene', güench əc̱he'ele yeto o yec̱hopə beṉə' bišə'əle par nic̱h əsa'aque' testigw de que dižə' šao' bagotə'əyoile ben' yoša' xbab c̱he'enə'.

SAN MATEO 28:19

De'e na'anə', ḻe'e žɉa'ac ḻe'e žɉəsed ḻe'e žɉəlo'i beṉə' ca' ža' yoguə'əḻoḻ ṉasyon par nic̱h əsa'aque' disipl c̱hia'. Na' ḻe'e gwc̱hoaga'aque' nis par nic̱h yesə'əlo'e de que chso'onḻilaže'e X̱acho Diozən', na' nada' Xi'iṉe', na' Spirit c̱he'enə'.

SAN JUAN 1:1

Catə' gwxe yežlyonə' bazoczə ben' naquə Dižə'ənə'. Zoe' len Diozən' na' ben' naquə Dižə'ənə' ḻeczə naque' Dioz.

SAN JUAN 10:30

Nada' na' X̱a'anə' tozə can' naquə yic̱hɉla'ažda'oto'onə', tozə can' naquə yeḻə' guac c̱heto'onə' na' tozə can' chonto'.

SAN JUAN 12:28

Nach bene' orasyonṉə' gwne': ―X̱a', ben par nic̱h le' si'icho' yeḻə' bala'aṉ. Nach Diozən' ben' zo yoban' gwṉe' gože'ene': ―Babena' ca gwxi'a yeḻə' bala'aṉ, na' ze'e goncha' ca si'icha'anṉə'.

SAN JUAN 14:17

Beṉə' ca' cui zɉənombia' Diozən' bito chso'elaogüe'e Spiritən' c̱hedə' bito chesə'əle'ine'en na' nic zɉənombi'en. Pero le'e nombi'alen c̱hedə' zon len le'e ṉa'a na' gwžin ža catə' son ḻo'o la'ažda'olen'.

SAN JUAN 15:26

Bagwnia' le'e de que seḻa'a Spirit c̱he X̱a' Diozən' par gaquəlenən le'e na' par əgwzeɉni'in le'e de'en naquə de'e ḻi. Spiritən' sa'an gan' zo X̱a'anə' la' seḻa'an par güe'en xtiža'anə'.

SAN JUAN 5:26

X̱a' Diozən' nse'e yeḻə' mban zeɉḻicaṉe na' chac gwnežɉue'en beṉac̱hən', na' ca'aczə babene' par nic̱h nada' nsa'a yeḻə' mban zeɉḻicaṉen' na' chac chnežɉua'an c̱he beṉac̱hən', nadan' naca' Xi'iṉe'enə'.

SAN JUAN 8:18

Nada' cho'a dižə' c̱he cuina' na' X̱a'anə' ḻeczə cho'e dižə' c̱hia', na' ḻe'enə' bseḻe'e nada'. Neto' naquəto' testigw ca' c̱hopə.

SAN JUAN 8:54

Na' gwna Jeso'osən': ―Žalə' nada' choe' cuina' yeḻə' bala'aṉ, cabi zaquə' yeḻə' bala'aṉnə'. Pero X̱a'anə' choṉe' nada' yeḻə' bala'aṉ, ben' nale naquə Dioz c̱helen'.

HECHOS 2:33

Na' Diozən' len yeḻə' guac c̱he'ene' bene' par nic̱h beyep Jeso'osən' gan' zoe'enə' na' chnabi'e txen len ḻe'. Na' Diozən' bnežɉue'ene' Spirit c̱he'enə' can' bene' lyebe. Na' Jeso'os na'anə' babene' miḻagr nga de'en babenele na' de'en bable'ile, babene' par nic̱h zedəso Spiritən' len neto'.

HECHOS 5:32

Neto' ṉezeto' can' ben Diozən' len Jeso'osən' na' cho'eto' dižə' c̱hei, na' ḻeczə Spirit c̱he Diozən' ṉezczen na' cho'en dižə' c̱hei na' Diozən' babseḻe'e Spirit c̱he'enə' zon ḻo'o yic̱hɉla'aždao' beṉə' ca' choso'ozenag c̱he'.

2 CORINTOS 13:14

X̱ancho Jesocristən' sotezə soe' gaquəlenšgue' le'e. Na' Diozən' gonšgue' par nic̱h gacbe'ichele de que chaquene' c̱hele. Na' Spirit c̱he Diozən' gonšgan par nic̱h yoguə'əle gonḻe tozə xbab. De'e na'azən' əchnia' le'e. Pab

1 JUAN 1:1

Chyix̱ɉue'ida' le'e c̱he Jesocristən' ben' naquə Dižə'ənə', ben' choṉ yeḻə' mban zeɉḻicaṉen'. Bazocze' catə'ən gwxe yežlyon'. Neto' apostol bzenagto' xtiže'enə', ble'ito'one', bgüiato'one' na' gwdanto'one'.

1 JUAN 5:6

Jesocristən' bide' yežlyo nga gwchoe' nis na' blalɉ xc̱hene'enə' catə'ən gwso'ote'ene'. Caguə bide' na' con gwchoaze' nisən', sino ḻeczə blalɉ xc̱hene'enə' catə'ən gwso'ote'ene'. Na' Spirit c̱he Diozən' cho'en xtiže'enə' na' dižə' de'en cho'en naquən de'e ḻi.

1 JUAN 5:8

Ḻeczə šoṉə testigw nitə' yežlyo nga, Spiritən' cho'en dižə' c̱he Jesocristən'. Na' de'en gwchoa Jesocristən' nisən' ḻeczə cho'en dižə' c̱he'. Na' de'en blalɉ xc̱hene'en catə'ən gwso'ote'ene' ḻe'egatezə chezo'en dižə' c̱he'. Na' dižə' de'en chsoe' de'e quinga chotiḻən len dižə' de'en choe' Spiritən'.

APOCALIPSIS 19:13

Na' nyaze' to lachə' de'e dopə chen, na' yoso'osi' beṉə' ḻe' Xtižə' Diozən'.