San Lucas 23:2 - Didza' cubi rucá'ana tsahui'

² ga niʼ gulaʼsí lógaquiëʼ tuʼzéguiëʼ Lëʼ didzaʼ, taʼnnë́ʼ: —Bönniʼ ni, budzö́lituʼ ca runëʼ. Runëʼ ga taʼdáʼbagaʼ bönachi uládz queë́tuʼ yúlahuiʼ, en ruzáguëʼë xinö́zigaca nupa taʼguízxaj laz ruquízxjëʼ César, en rnnëʼ lë cazëʼ náquiëʼ Cristo, bönniʼ ral-laʼ inná bëʼë.

San Lucas 23:2 Iomraidhean Croise

Salmos 35:11

Taʼdáʼbaguëʼë bönniʼ xihuiʼ nedaʼ, en taʼnnë́ʼ quiaʼ. Taʼnabi yúdxinëʼ nedaʼ ca naca yuguʼ le cabí nözdaʼ.

Salmos 62:4

Rë́ʼënisiliʼ uzö́tjaliʼ nedaʼ ga ni tunëʼ nedaʼ bal. Ruzíʼiliʼ xibé yuguʼ didzaʼ bitiʼ nácatë. Ruíʼiliʼ dxiʼa didzaʼ láhuiʼsö, pero lu icja ládxiʼdoʼoliʼ rudidzaʼ yúdxiliʼ nedaʼ.

San Mateo 17:27

Naʼa, para cuntu nu gun leruʼ, guyéaj raʼ nísadoʼ, yöjzalaj lu nisa le rizö́ninuʼ-baʼ böla, ateʼ böla cuejuʼ-baʼ zíʼalö, guzxíʼi-baʼ. Cateʼ isaljuʼ ruáʼabaʼ, niʼ idzö́linuʼ tu dumí lásidoʼ. Guzxíʼi le, ateʼ gudizxaj lazaʼ, en lazuʼ.

San Mateo 22:21

Tëʼ Lëʼ: —Queëʼ César naʼ. Níʼirö Jesús gudxëʼ légaquiëʼ: —Guliʼguízxjëʼ César le nequi queëʼ César, ateʼ Dios le nequi queëʼ Dios.

San Mateo 27:11

Cateʼ buluʼsudxinëʼ Jesús lahuëʼ Pilato, bönniʼ naʼ rinná bëʼë uláz que yödz Roma, bönniʼ ni gunábinëʼ Jesús, rëʼ Lëʼ: —¿Nacuʼ Liʼ Bönniʼ inná béʼenëʼ bönachi judío? Jesús rëʼ lëʼ: —Ca nácasö rnnoʼ.

San Marcos 12:17

Níʼirö Jesús gudxëʼ légaquiëʼ, rnnëʼ: —Buliʼnödzaj queëʼ César le nequi queëʼ César, ateʼ queëʼ Dios le nequi queëʼ Dios. Buluʼbáninëʼ ca naca didzaʼ bubiʼë Jesús.

San Marcos 15:2

Pilato gunábinëʼ Jesús, rnnëʼ: —¿Naruʼ nacuʼ Liʼ Bönniʼ inná béʼenëʼ bönachi judío? Bubiʼë didzaʼ Jesús, rnnëʼ: —Ca nácatë rnnoʼ.

San Lucas 23:14

ateʼ rëʼ légaquiëʼ: —Dujuáʼaliʼ-nëʼ bönniʼ ni lahuaʼ nedaʼ, rnnaliʼ queëʼ runëʼ ga tuʼtsatsa bönachi, pero cateʼ gunabi yúdxidaʼ-nëʼ, ateʼ zóatëliʼ caʼ ni, bitiʼ bi budzö́lidaʼ le naca xíguiaʼ nabáguëʼë, yuguʼ lë naʼ ruzéguiliʼ-nëʼ didzaʼ.

San Lucas 23:5

Níʼirö gulunrëʼ tsutsu xtídzaʼgaquiëʼ, taʼnnë́ʼ: —Runëʼ ga tuʼtsatsa bönachi, en rusédinëʼ caní bönachi idú luyú Judea. Gusí lahuëʼ benëʼ caní luyú Galilea ga ridxintë runëʼ caʼ ni.

San Juan 18:29

Níʼirö birúajëʼ Pilato, bönniʼ naʼ yuʼu lu nëʼë, en bidxinëʼ ga naʼ nacuʼë, ateʼ rëʼ légaquiëʼ: —¿Bizxi ruzéguiʼliʼ-nëʼ bönniʼ ni didzaʼ?

San Juan 18:30

Buluʼbiʼë didzaʼ, tëʼ lëʼ: —Laʼtuʼ cabí nuʼë bönniʼ ni döʼ, bitiʼ udö́dituʼ-nëʼ loʼ.

San Juan 19:12

Laʼ níʼisö rizóa riböʼë Pilato usanëʼ Jesús, pero guluʼë zidzaj didzaʼ bönniʼ judío unná bëʼ, taʼnnë́ʼ: —Channö usanuʼ-nëʼ bönniʼ ni, bitiʼ ridzaguʼ-nëʼ dxiʼa César, bönniʼ rinná béʼenëʼ idútë yödzölió. Nu bönniʼ run cuinëʼ bönniʼ rinná bëʼë, ridáʼbáguëʼë César naʼ.

Hechos 24:13

Bitiʼ caʼ gaca uluʼbéaj liëʼ yuguʼ lë ni tuʼzéguiëʼ nedaʼ didzaʼ.

Hechos 24:5

Gúquibeʼetuʼ bönniʼ ni rigúʼu yö́l-lëʼë bönachi, en runëʼ ga taʼdáʼbaguëʼë yúlahuiʼ yuguʼ bönniʼ judío nacuʼë idútë yödzölió, en náquiëʼ bönniʼ lo quégaquiëʼ bönniʼ dáʼgaquiëʼ bönniʼ Nazaret naʼ.

Romanos 13:7

Guliʼguízxaj yúguʼtë bönachi le rál-laʼliʼ quégaquiëʼ. Guliʼguízxaj lázaliʼ lu naʼ nu ral-laʼ quizxaj lázaliʼ. Guliʼguízxaj dumí nu ral-laʼ quízxjaliʼ. Guliʼgadxi nu ral-laʼ gádxiliʼ, en guliʼgún bal nu ral-laʼ gunliʼ bal.