San Juan 8:25 - Didza' cubi rucá'ana tsahui'

²⁵ Níʼirö gulaʼnábinëʼ Lëʼ, taʼnnë́ʼ: —¿Nuzxi caz nacuʼ? Jesús rëʼ légaquiëʼ: —Nacaʼ laʼ leze ca naʼ chigudxaʼ libíʼiliʼ dza niʼte.

San Juan 8:25 Iomraidhean Croise

San Lucas 22:67

taʼnnë́ʼ: —Gudíxjöiʼi netuʼ. ¿Naruʼ nactsoʼ Liʼ Cristo? Jesús rëʼ légaquiëʼ: —Channö guíaʼ libíʼiliʼ nacaʼ Cristo, bitiʼ tséajlëʼëliʼ nedaʼ,

San Juan 1:19

Lë ni naca le benëʼ ba nalí Juan, cateʼ niʼ bönniʼ judío unná bëʼ nacuʼë Jerusalén gulaʼsö́l-lëʼë yuguʼ bixúz, en bönniʼ nabábagaquiëʼ Leví, nupa ni nácagaca niʼa náʼagaquiëʼ bixúz, para ilaʼnábinëʼ Juan naʼ, ilaʼnnë́ʼ: —¿Nuzxi bönniʼ liʼ?

San Juan 1:22

Níʼirö tëʼ lëʼ: —¿Nuzxi caz nacuʼ? Gudíxjöiʼi netuʼ para gaca usiyöntuʼ nupa gulaʼsö́l-laʼ netuʼ. ¿Bizxi rnnoʼ liʼ nuzxi nacuʼ?

San Juan 10:24

Yuguʼ bönniʼ judío unná bëʼ gulaʼguʼë Jesús lë́ʼalö, en tëʼ Lëʼ: —¿Bátaxi caz usanuʼ runuʼ ga rö́ʼötuʼ böniga? Channö nacuʼ liʼ Cristo, ca nácatë gudíxjöiʼi netuʼ.

San Juan 19:9

Leyúbölö buáziëʼ yúlahuiʼ naʼ, en rëʼ Jesús: —¿Gázxitë bönniʼ Liʼ? Bitiʼ bi didzaʼ bubiʼë Jesús.

San Juan 8:12

Leyúbölö Jesús bë́ʼlenëʼ bönachi didzaʼ, rnnëʼ: —Nedaʼ nacaʼ beníʼ quégaca bönachi yödzölió. Nu bönniʼ záʼlenëʼ nedaʼ, bitiʼ tëʼ ga naca chul-la que dul-laʼ, pero tu beníʼ sóalen bönniʼ naʼ le uluíʼi lëʼ naca gataʼ yöl-laʼ naʼbán idú queëʼ.

San Juan 8:24

Que lë ni naʼ gudxaʼ libíʼiliʼ: Ugáʼana dul-laʼ nabágaʼliʼ, en gátiliʼ. Channö cabí tséajlëʼëliʼ naca cazaʼ Nu usölá, ugáʼana dul-laʼ nabágaʼliʼ, en gátiliʼ.

San Juan 8:26

Zián le ral-laʼ guíaʼ libíʼiliʼ, en uchiʼa usörö́aʼ le naca queë́liʼ. Didzaʼ idútë li ruʼë Xuzaʼ nasö́l-lëʼë nedaʼ, ateʼ didzaʼ riyöndaʼ ruʼë Lëʼ, ruíʼilenaʼ bönachi yödzölió ni.