San Juan 7:47 - Didza' cubi rucá'ana tsahui'

⁴⁷ Níʼirö buluʼbiʼë didzaʼ bönniʼ yudoʼ fariseo naʼ, taʼnnë́ʼ: —¿Naruʼ bë́ʼtsaliʼ lataj guzxíʼ yéʼenëʼ caʼ libíʼiliʼ?

San Juan 7:47 Iomraidhean Croise

San Mateo 15:3

Bubiʼë didzaʼ Jesús, en gunábinëʼ légaquiëʼ, rnnëʼ: —¿Bizx que libíʼiliʼ caʼ rucáʼanaliʼ cáʼasö xibá queëʼ Dios para gunliʼ le nulaga loliʼ runliʼ?

San Mateo 27:63

Tëʼ Pilato: —Bönniʼ, röjnetuʼ bi gunnë́ʼ bönniʼ rizíʼ yëʼë naʼ, cateʼ niʼ zoëʼ nabanëʼ, gunnë́ʼ: “Cateʼ gaca tsonna dza ubanaʼ lu yöl-laʼ guti.”

San Juan 7:12

Bönachi zián niʼ guluíʼidaʼ didzaʼ ca naca queëʼ Jesús. Bal-lëʼ taʼnnë́ʼ: —Náquiëʼ dxiʼa. Iaʼbal-lëʼ taʼnnë́ʼ: —Bitiʼ náquiëʼ dxiʼa tuʼ rizíʼ yéʼenëʼ bönachi.

2 Corintios 6:8

Nacuáʼ nupa tun netuʼ bal, encaʼ nupa tuʼzóa netuʼ tsöláʼalö. Nacuáʼ nupa tuʼlidza ditaj netuʼ, encaʼ nupa tuʼlidza tsahuiʼ netuʼ. Sal-laʼ taʼnná bönachi rizíʼ yë́ʼëtuʼ, ruíʼituʼ didzaʼ idútë li.