San Juan 1:3 - Didza' cubi rucá'ana tsahui'

³ Lu nëʼë Bönniʼ ni, Dios benëʼ yúguʼtë le dë, en bitiʼ bi dë le nunëʼ Dios le cabí benëʼ lu nëʼë Bönniʼ naʼ.

San Juan 1:3 Iomraidhean Croise

Salmos 102:25

Dza niʼte gudixjuʼ yödzölió, ateʼ len naʼ cazuʼ benuʼ lúzxiba.

Salmos 33:6

Len didzaʼ bë́ʼësëʼ Xanruʼ, benëʼ lúzxiba, en benëʼ yúguʼtë bölaj beníʼ len böʼ rirúaj ruʼë.

San Juan 1:10

Bönniʼ naʼ náquiëʼ beníʼ bidxinëʼ yödzölió ni, ateʼ lu nëʼë Lëʼ Dios benëʼ yödzölió ni, pero bönachi yödzölió bitiʼ buluʼúnbëʼë Lëʼ.

San Juan 1:2

Bönniʼ naʼ náquiëʼ Didzaʼ zóalenëʼ Dios cateʼ niʼ gusí lo siʼ rataʼ yödzölió.

1 Corintios 8:6

pero queë́ruʼ rëʼu: Tuzëʼ náquiëʼ Dios, Lëʼ Xuz. Lëʼ benëʼ yúguʼtë le riléʼeruʼ, ateʼ zóaruʼ nabanruʼ para tseaj ládxiʼruʼ Lëʼ. Tuzëʼ náquiëʼ Xanruʼ, Lëʼ Jesucristo. Lu nëʼë Lëʼ, Dios benëʼ yúguʼtë le dë, ateʼ nabániruʼ Lëʼ.

Efesios 3:9

Dios budödëʼ lu naʼa gunaʼ ga iléquibeʼe yúguʼtë bönachi ca naca le buzóa cazëʼ Dios dza niʼte, lë naʼ naca tu le bigachiʼ queëʼ Dios, Nu ben yúguʼtë le riléʼeruʼ.

Hebreos 11:3

Tuʼ réajlëʼëruʼ Dios, réquibeʼeruʼ benëʼ Lëʼ yödzölió ni len didzaʼ bë́ʼësëʼ. Lëscaʼ caní, cateʼ benëʼ Dios yúguʼtë le riléʼeruʼ, bugunëʼ dxin le cabí naláʼ.

1 Juan 5:1

Nútiʼtës bönniʼ réajlëʼë Jesús náquiëʼ Cristo, náquiëʼ zxíʼinëʼ Dios, ateʼ nútiʼtës bönniʼ nadxíʼinëʼ Dios Nu buzóa lëʼ, ral-laʼ idxíʼinëʼ caʼ luzë́ʼë nu naca biʼi queëʼ Dios.

Apocalipsis 3:14

Gunnë́ʼ caʼ: “Lëscaʼ caní buzúaj lu guichi didzaʼ ni isö́l-luʼu queëʼ gubáz quiaʼ zóalenëʼ bönachi quiaʼ lu yödzö Laodicea. Caní uzúajuʼ lu guichi: Ruʼë didzaʼ Bönniʼ naʼ zoëʼ tsaz, Bönniʼ runëʼ ca rnnëʼ, en ruʼë didzaʼ idútë li ca runëʼ ba nalí, en náquiëʼ caʼ Bönniʼ naʼ gulén lu nëʼë yúguʼtë le benëʼ Dios.

Apocalipsis 4:11

¡Xantuʼ Dios, nacuʼ lesacaʼ cúʼutuʼ Liʼ yöl-laʼ ba, en guntuʼ Liʼ bal, en gataʼ quiuʼ yöl-laʼ unná bëʼ tuʼ benuʼ yúguʼtë le dë! ¡Ca rë́ʼëni quézinuʼ nacuáʼ, en gulaʼsí lo nacuáʼ!