Apocalipsis 7:12 - Didza' cubi rucá'ana tsahui'

¹² taʼnnë́ʼ: ¡Caʼ gaca! ¡Yöl-laʼ ba Liʼ, Dios queë́tuʼ! ¡Napuʼ yöl-laʼ zxön, en yöl-laʼ réajniʼi! ¡Rëtuʼ Liʼ: “Xclenuʼ”, en runtuʼ Liʼ bal! ¡Napuʼ yöl-laʼ unná bëʼ, en yöl-laʼ huáca! ¡Gácaticaʼsö caní quiuʼ, Dios queë́tuʼ! ¡Caʼ gaca!

Apocalipsis 7:12 Iomraidhean Croise

Apocalipsis 19:4

Idapa uruʼë bönniʼ gula niʼ buluʼtsaga lógaquiëʼ lu yu tsözxö́n len idapa nupa niʼ nabángaca, en taʼyéaj ládxiʼgaquiëʼ Dios, Bönniʼ röʼë lataj lo queëʼ. Gulaʼnnë́ʼ: “¡Caʼ gaca! ¡Yöl-laʼ ba Dios!”

Colosenses 3:17

Yúguʼtë le runliʼ, le naca didzaʼ ruíʼiliʼ o le naca dxin runliʼ, guliʼgún yúguʼtë lu Lëʼ Xanruʼ Jesús, en guië́liʼ-nëʼ Dios Xuz: “Xclenuʼ”, dzáguiëʼ Cristo libíʼiliʼ.

Salmos 100:4

Guliʼtsaza zacaʼ raʼ yuʼu queëʼ, guië́liʼ-nëʼ: “Xclenuʼ.” Guliʼtsaza gapa naca löʼa queëʼ, cúʼuliʼ-nëʼ yöl-laʼ ba. Guliʼguíëʼ: “Xclenuʼ”, en guliʼgunëʼ zxön.

Salmos 147:7

¡Guliʼgul-la queëʼ Xanruʼ Dios, guië́liʼ-nëʼ: “Xclenuʼ”! ¡Guliʼgul-la yöl-laʼ ba queëʼ Xanruʼ, quínniliʼ lë́ʼegaca bihuë́l-ladoʼ!

Salmos 107:22

Ral-laʼ ilë́ʼ Dios: “Xclenuʼ”, en bi uluʼnödzjëʼ queëʼ, en lu yöl-laʼ rudzeja quégaquiëʼ ilul-lëʼ ca nácagaca le nunëʼ.

Salmos 89:52

¡Yöl-laʼ ba Xanruʼ Dios iz siʼ zaca! ¡Caʼ gaca! ¡Ön, caʼ gaca!

Salmos 72:19

¡Yöl-laʼ ba Lëʼ le naca lachi ga idxintë dza udxi! ¡Rizë́ ládxiʼruʼ ilí idútë yödzölió le naca beníʼ queëʼ! ¡Caʼ gaca! ¡Ön, caʼ gaca!

Salmos 41:13

¡Yöl-laʼ ba Xanruʼ, Dios quégaca bönachi Israel! ¡Guliʼcuʼë yöl-laʼ ba naʼa dza, en yuguʼ dza siʼ zaca! ¡Caʼ gaca! ¡Ön, caʼ gaca!

Colosenses 2:7

Ca naʼ nun ga rëʼ luí yaga, encaʼ ca naʼ nayás zöʼö lu xilibi zöʼö, guliʼsóalen Cristo. Guliʼsóa tsutsu ca réajlëʼëliʼ Lëʼ, ca naʼ chinazë́daliʼ. Guliʼguíëticaʼsëʼ Dios: “Xclenuʼ.”

2 Corintios 4:15

Raca caní yúguʼtë lë ni para gaca bi uzíʼiliʼ xibé. Channö ilaʼdeliʼ ziánrö caʼ bönachi le ruzáʼ ládxëʼë Dios queë́ruʼ, ilaʼnnë́ʼ: “Xclenëʼ Dios”, ateʼ gaca yöl-laʼ ba queëʼ Dios.

Salmos 116:17

Cuʼa loʼ le unödzjaʼ quiuʼ, en guíaʼ Liʼ: “Xclenuʼ”, en ulidzaʼ Liʼ, Xan.

Salmos 106:48

¡Yöl-laʼ ba Lëʼ Xanruʼ, Dios quégaca bönachi Israel naʼa dza, en yúguʼtë dza siʼ zaca! Ral-laʼ ilaʼnná yúguʼtë bönachi: “¡Caʼ gaca! ¡Guliʼcuʼë yöl-laʼ ba Xanruʼ Dios!”

Salmos 95:2

Uyéajruʼ lahuëʼ, en guië́ruʼ-nëʼ: “Xclenuʼ.” Lu yöl-laʼ rudzeja queë́ruʼ cö́dxiʼaruʼ lahuëʼ, gúl-laruʼ yuguʼ salmo.

San Mateo 6:13

Bitiʼ guʼu lataj siʼ bëʼ tuʼ xihuiʼ netuʼ, pero busölá netuʼ lu naʼ nu ruáʼ döʼ. Nequi quiuʼ ga rinná bëʼu, en yöl-laʼ unná bëʼ, en yöl-laʼ ba. Caní rë́ʼënituʼ gácaticaʼsö. ¡Caʼ gaca!

Salmos 50:14

Le ral-laʼ unö́dzjaliʼ queëʼ Dios naca yöl-laʼ rë Lëʼ: “Xclenuʼ” ateʼ ral-laʼ gunliʼ lahuëʼ Dios nayë́pisëtërëʼ ca naca le guzxíʼ lu náʼaliʼ gunliʼ.

Apocalipsis 1:18

Nacaʼ Nu nabán caz. Gútiaʼ, ateʼ naʼa zóatícaʼsaʼ nabanaʼ. Dë lu naʼa inná béʼedaʼ yöl-laʼ guti, en lataj ga nacuáʼ nupa nátigaca.

Romanos 11:36

Yúguʼtë le dë narúajgaca lu nëʼë Dios, en taca lu nëʼë, en nácagaca para uziʼë xibéguequi. ¡Gácaticaʼsö queëʼ Dios yöl-laʼ ba! ¡Caʼ gaca!

1 Corintios 14:16

Channö lu böʼ naca cazuʼ rulidza láʼayuʼ-nëʼ Dios, ateʼ zoa niʼ nu riyö́nisö, channö cabí réajniʼi didzaʼ ruʼu, ¿nacxi caz gaca inná: “Caʼ gaca”, niʼa que didzaʼ ruʼu, rëʼu-nëʼ Dios: “Xclenuʼ”?