Apocalipsis 6:2 - Didza' cubi rucá'ana tsahui'

² Buyúaʼ, en biléʼedaʼ-baʼ tubaʼ böaʼ chiguichi, ateʼ nu naʼ dxía lëbaʼ zön tu uxitiʼ yaga. Guluʼë lëʼ tu le néquini oro udxíëʼ icjëʼ, ateʼ birúajëʼ ca tu nu nácatërö lo para idéliʼnëʼ lu gudil-la.

Apocalipsis 6:2 Iomraidhean Croise

Salmos 110:2

Ga zoëʼ yödzö Sión gusö́l-lëʼë Xanruʼ yöl-laʼ unná bëʼ quiuʼ, gunnë́ʼ: “Gunná beʼe nupa bitiʼ taʼléʼe Liʼ dxiʼa.

Salmos 76:7

Liʼ caz ral-laʼ gádxituʼ, tuʼ cabí gaca nu soa loʼ cateʼ ilenuʼ.

Salmos 98:1

¡Guliʼgul-la queëʼ Xanruʼ tu le cubi, tuʼ nunëʼ le tun ga rubániruʼ! Len yöl-laʼ unná bëʼ zxön queëʼ, en yöl-laʼ huáca láʼayi queëʼ nadéliʼnëʼ lu gudil-la.

San Mateo 28:18

Níʼirö gubíguiʼë Jesús ga naʼ nacuʼë, en rëʼ légaquiëʼ: —Dios chinudödëʼ lu naʼa yúguʼtë yöl-laʼ unná bëʼ yehuaʼ yubá, en luyú ni.

1 Corintios 15:25

Run bayudxi inná bëʼë Cristo ga idxinrö dza chibenëʼ Dios ga uluʼzechu zxíbigaca lahuëʼ Lëʼ yúguʼtë nupa taʼdáʼbagaʼ Lëʼ.

Apocalipsis 11:15

Bucödxëʼ gubáz láʼayi igadxi lúzubaʼ böaʼ bëdxi, ateʼ guluíʼi zidzaj didzaʼ yuguʼ chiʼi yehuaʼ yubá, taʼnná: Gapa taʼnná bëʼ bönachi yödzölió nadö́digaca lu nëʼë Xanruʼ Dios, en lu nëʼë Cristo. Lëʼ inná bë́ʼticaʼsëʼ.

Apocalipsis 11:18

¡Gulaʼlé bönachi yuguʼ yödzö pero chibidxín dza gunuʼ léguequi xíguiaʼ! ¡Naca dza uchiʼa usörö́uʼ nupa chinátigaca! ¡Ubiʼu quégaquiëʼ huen dxin quiuʼ, yuguʼ bönniʼ guluʼë didzaʼ uláz quiuʼ, nupa néquiguequi quez quiuʼ, en gulún bal Loʼ, nupa nácagaca cáʼasö, en nupa nácagaca lo! ¡Chibidxín dza usunítiuʼ nupa buluʼsuniti yödzölió!

Apocalipsis 14:14

Níʼirö buyúaʼ, en biléʼedaʼ tu böaj lúzxiba chiguíchidoʼos, ateʼ lu böaj naʼ röʼë tu bönniʼ náquiëʼ ca náquiëʼ Bönniʼ Guljëʼ Bönachi, ateʼ dxía icjëʼ tu le néquini oro, ateʼ zönëʼ tu guíë tuchiʼ lu nëʼë.

Apocalipsis 15:2

Biléʼedaʼ caʼ tu le naca ca tu nísadoʼ le rëpi yösa beníʼ ca guiö́j jara le nutsíʼi guíʼ. Nupa naʼ buluʼxicja lu böaʼ síniaʼ naʼ, en lu budóʼ queë́baʼ, en lu labaʼ, zuígaca lu lë naʼ naca ca tu nísadoʼ, en nuáʼagaquiëʼ le tul-la, yuguʼ le bëʼë Dios quégaquiëʼ.

Apocalipsis 17:14

Ilaʼdíl-lalenëʼ Bönniʼ naʼ náquiëʼ Böʼcuʼ Zxílaʼdoʼ, pero Lëʼ ucul-lëʼ légaquiëʼ, tuʼ náquiëʼ Xángaca yúguʼtë nupa nácagaca xan, en náquiëʼ Bönniʼ rinná béʼenëʼ yúguʼtë nupa taʼnná bëʼ. Nupa nacuáʼlen Lëʼ, bulidzëʼ Dios léguequi, en gurö́ëʼ léguequi, ateʼ tsaz dáʼgaca Lëʼ.”

Apocalipsis 19:14

Röjnógaquiëʼ Lëʼ niʼa nëʼë guizxi yu nacuʼë yehuaʼ yubá, dxíagaquiëʼ-baʼ böaʼ chiguichi, en nácugaquiëʼ lariʼ nazácaʼdaʼ, le naca chiguíchidoʼos, en bitiʼ naca bösaj.

Apocalipsis 3:21

Núlöliʼ idéliʼliʼ lu le raca yödzölió, nedaʼ gunaʼ ga cö́ʼöliʼ tsözxö́n len nedaʼ ga naʼ röʼa rinná bëʼa, ca naʼ benëʼ caʼ Xuzaʼ quiaʼ nedaʼ. Bidéliʼdaʼ nedaʼ lu le guca quiaʼ, ateʼ gurö́ʼlenaʼ Xuzaʼ tsözxö́n ga naʼ röʼë rinná bëʼë.

Apocalipsis 9:7

Naláʼgacabaʼ bö́chiʼzu naʼ ca nácagacabaʼ böaʼ nácugacabaʼ le néquiguequini guíë, para tsöjácabaʼ gudil-la. Dxíagaca ícjagacabaʼ le nácagaca ca tu le néquini oro. Naca lógacabaʼ ca naca lógaca bönachi.