Apocalipsis 18:3 - Didza' cubi rucá'ana tsahui'

³ Caní guca que yödzö naʼ niʼa que le gulún bönachi nacuáʼ niʼ. Gulunëʼ ga gulún bönachi yúguʼtë yödzö ca nácagaca le taʼzësö ladxiʼ le ruáʼ döʼ. Nupa taʼnná bëʼ luyú yödzölió gulunlen légaquiëʼ le ruáʼ döʼ, ateʼ gutaʼ yöl-laʼ tsahuiʼ quégaquiëʼ bönniʼ toʼo tutiʼ nacuʼë yödzölió tuʼ guyándaʼ yuguʼ le nazacaʼ gulaʼzë́ ladxiʼ bönachi niʼ.

Apocalipsis 18:3 Iomraidhean Croise

San Lucas 7:25

¿Bizxi caz birúajliʼ yöjyuliʼ? ¿Naruʼ birúajliʼ yöjyuliʼ-nëʼ tu bönniʼ nácuëʼ lariʼ nazácaʼdeʼe? Nöz quéziliʼ nupa nácugaca lariʼ nazácaʼdeʼe, en tuʼzíʼ xibé yöl-laʼ tsahuiʼ, nacuáʼ lídxigaquiëʼ bönniʼ taʼnná bëʼë.

1 Timoteo 5:11

Yuguʼ nigula túzinu bitiʼ yuíʼigacanu tsónnalalaj iz, bitiʼ ibábagacanu nupa gácalenliʼ, tuʼ ilunnu ca taʼzësö ládxiʼgacanu, en ilaʼdáʼbagaʼnu Cristo, en ilë́ʼëninu uluʼtsaga náʼagacanu leyúbölö.

Apocalipsis 14:8

Iaʼtúëʼ gubáz láʼayi söjnáhuëʼ gubáz láʼayi ni, en rnnëʼ: “¡Chibudxi que yödzö Babilonia! ¡Chibudxi que yödzö zxön naʼ! Caní guca que, tuʼ gulún nupa nacuáʼ niʼ ga gulaʼzíʼ lu náʼagaquiëʼ bönniʼ yúguʼtë yödzö ilunëʼ ca nácagaca le taʼzë́ ládxiʼgaquiëʼ le ruáʼ döʼ.”

Apocalipsis 17:2

Gulaʼcuaʼlen lënu nupa taʼnná bëʼ luyú yödzölió, en gulún le ruáʼ döʼ, ateʼ gulaʼzudxi nupa nacuáʼ yödzölió ni, tuʼ gulunlen lënu le bitiʼ naca dxiʼa.”

Apocalipsis 18:19

Níʼirö gunnë́ʼ: Uluʼdxíëʼ bëchtö ícjagaquiëʼ. Ilaʼbödxëʼ, en ilaʼbödxi yechë́ʼë, ilaʼnnë́ʼ. ¡Bicaʼ bayechiʼ yödzö ni guca zxön! Yöl-laʼ tsahuiʼ que yödzö ni ben ga gutaʼ yöl-laʼ tsahuiʼ quégaca yúguʼtë nupa nácagaca xan barco lu nísadoʼ. Tu dzasö guniti yödzö ni.

Apocalipsis 18:23

Bítiʼrö uzeníʼ nitú guíʼ lu yödzö naʼ, en bitiʼ yöni chiʼë bönniʼ rutsaga nëʼë niʼ, en calëga chíʼibiʼ biʼi nigula rutsaga náʼabiʼ. Caní gaca sal-laʼ nácaliʼ lo, libíʼiliʼ ráʼuliʼ, en rútiʼliʼ lu yödzö ni, en guzxíʼ yéʼeliʼ bönachi idútë yödzölió len yöl-laʼ gudzáʼ queë́liʼ.

Apocalipsis 18:7

Guliʼgún ga ilaʼguíʼi ilaʼzáquiëʼ, en ilaʼbödxi yéchëʼë tsca guca yöl-laʼ ba, en yöl-laʼ zxön guluíʼi cuíngaquiëʼ. Taʼzáʼ ládxiʼgaquiëʼ, taʼnnë́ʼ: Rö́ʼötuʼ ni, rinná bë́ʼëtuʼ. Bitiʼ nácatuʼ uzëbi, en catu caz cödxi yéchiʼtuʼ.

Apocalipsis 18:9

Níʼirö gunnë́ʼ: “Ilaʼbödxi nupa taʼnná bëʼ luyú yödzölió, en gulún le ruáʼ döʼ tsözxö́n len légaquiëʼ, en buluʼzíʼ xibé le nequi quégaquiëʼ. Ilaʼbödxëʼ, en ilaʼbödxi yéchëʼë cateʼ ilaʼléʼenëʼ dzön que yödzö zxön naʼ régui.