Apocalipsis 12:2 - Didza' cubi rucá'ana tsahui'

² Nigula ni chizóa soa bíʼidoʼ queë́nu, en ribö́dxinu tuʼ rúdiaʼ lë́ʼënu. Riguíʼi rizácaʼnu ruzóanu bíʼidoʼ queë́nu.

Apocalipsis 12:2 Iomraidhean Croise

San Mateo 24:8

Yúguʼtë lë ni nácagaca le isí lógaca yuguʼ le ilaʼguíʼi ilaʼzacaʼ bönachi.

San Juan 16:21

Tu nigula cateʼ chizóa gáljabiʼ bíʼidoʼ queë́nu, riguíʼi rizácaʼnu, tuʼ chibidxín dza queë́nu, pero cateʼ chizóabiʼ tubiʼ biʼi bö́nniʼdoʼ queë́nu, bítiʼrö röjnenu lë naʼ butságanu, tuʼ rudzéjanu tuʼ chigúlajbiʼ tubiʼ biʼi bö́nniʼdoʼ yödzölió ni.

Gálatas 4:19

Libíʼiliʼ, zxíʼinaʼdoʼ. Ca naʼ raca queë́nu nigula chizóa sóabiʼ bíʼidoʼ queë́nu, riguíʼi rizácaʼnu, lës caní riguíʼi rizácaʼa nedaʼ niʼa queë́liʼ leyúbölö ga idxinrö dza gácaliʼ idú ca náquiëʼ Cristo.

Gálatas 4:27

Nazúaj lu guichi láʼayi le rnna: Budzeja, nigula huödx, cabí nacuáʼ zxíʼinuʼ. Lu yöl-laʼ rudzeja quiuʼ gurö́dxiʼa, sal-laʼ catu caz guca quiuʼ le riguíʼi rizácaʼnu nigula chizóa sóabiʼ bíʼidoʼ queë́nu. Budzeja tuʼ sal-laʼ nusán në́ʼeguequi bönachi liʼ, gunëʼ Dios ga ilaʼyántërö zxíʼinuʼ ca biʼi queë́nu nigula zóalennu bönniʼ queë́nu.

Apocalipsis 12:4

Len xibanbaʼ gúʼuyöjbaʼ tu cöʼ tsa tu tsonna cöʼ bölaj lúzxiba, en gurúʼunabaʼ légacabaʼ luyú. Guzuíbaʼ bëla zxön xitsiníʼ naʼ lonu nigula naʼ chizóa sóabiʼ bíʼidoʼ queë́nu. Zóabaʼ sinaʼ gágubaʼ-biʼ bíʼidoʼ queë́nu naʼ ca gáljabiʼ naʼ.