1 Juan 5:3 - Didza' cubi rucá'ana tsahui'

³ Caní naca bëʼ nadxíʼiruʼ-nëʼ Dios. Naca caní channö runruʼ ca rinná béʼenëʼ rëʼu, ateʼ lë naʼ rinná béʼenëʼ rëʼu bitiʼ naca böniga.

1 Juan 5:3 Iomraidhean Croise

Salmos 119:140

Idú dxiʼa tsahuiʼ naca xtídzuʼu. Que lë ni naʼ nedaʼ, huen dxin quiuʼ, nadxíʼidaʼ le.

Salmos 119:45

Lu yöl-laʼ rusölá quiuʼ soaʼ ibanaʼ tuʼ bëʼ ládxaʼa gunaʼ ca taʼnná bëʼ xibá quiuʼ.

San Mateo 23:4

Le taʼnná béʼenëʼ bönachi naca ca tu yuaʼ ziʼi le cabí sequiʼ nu guáʼ, ateʼ tuʼguʼë le yaʼzxícjagaca bönachi, pero légaquiëʼ bitiʼ të́ʼënnëʼ uluʼtenëʼ le, calëga len tuze xibö́n náʼagaquiëʼ.

San Juan 14:15

Rnnëʼ caʼ Jesús: —Channö nadxíʼiliʼ nedaʼ, guliʼgún le reaʼ libíʼiliʼ,

San Juan 15:10

Channö gunliʼ ca reaʼ libíʼiliʼ, gunliʼ ca ral-laʼ gunëʼ bönniʼ nadxíʼidaʼ-nëʼ, ca naʼ nedaʼ caʼ runaʼ ca chigudxëʼ Xuzaʼ Dios nedaʼ gunaʼ, en rúnticaʼsaʼ le raza ládxëʼë Lëʼ, Bönniʼ naʼ nadxíʼinëʼ nedaʼ.

San Juan 15:14

Libíʼiliʼ nácaliʼ böchiʼ luzáʼa channö gunliʼ ca naʼ chigudxaʼ libíʼiliʼ gunliʼ.

Romanos 7:12

Que lë ni naʼ, láʼayi naca xibá queëʼ Dios, ateʼ láʼayi, en tsahuiʼ, en dxiʼa naca le gunná bëʼë.

Romanos 7:22

Lu icja ládxiʼdaʼahuaʼ raza ládxaʼa xibá queëʼ Dios

Hebreos 8:10

Que lë ni naʼ, caní gaca didzaʼ ucáʼana tsahuiʼ gúnlenaʼ bönachi Israel tödi yuguʼ dza niʼ, rnnëʼ Xanruʼ. Uchíziaʼ icja ládxiʼdoʼgaquiëʼ xibá quiaʼ en uzúajaʼ le lu icja ládxiʼdoʼgaquiëʼ. Níʼirö gacaʼ Dios quégaquiëʼ ateʼ légaquiëʼ iláquiëʼ bönachi quiaʼ.

1 Juan 2:3

Channö runruʼ ca naca le gunná béʼenëʼ rëʼu, nö́ziruʼ chinúnbëʼëruʼ Lëʼ.

2 Juan 1:6

Caní naca bëʼ nadxíʼiruʼ-nëʼ Dios. Naca caní channö runruʼ ca rnna le gunná béʼenëʼ rëʼu. Lë naʼ gunná béʼenëʼ rëʼu naca para idxíʼiruʼ luzáʼaruʼ ca naʼ chibiyö́niliʼ dza niʼte.