San Lucas 9:6 - Zapoteco de Aloápam

⁶ Lania nna biríattebacabi diacabi lheꞌe iyába ca lheꞌesi seꞌe itúba nía utecabi rixxiꞌacabi ca tisa tsee gue gaxasná rinnabia Tata Do Iyyabaaha, reoncabi ca benni rani lhe.

San Lucas 9:6 Iomraidhean Croise

San Marcos 16:20

Ca biꞌini bedheti ca tisa beleꞌe Benniha nna, biríattebacabi diacabi riguixxiꞌacabi ca tisa gue Jesús itúba ca nía. Benni bananie ri-naba uca lenie cabi. Leni ca milagru run ca biꞌiniha nna ruleꞌe lo, nu rá cabiha nna ancana nu gualí. Amén.]

San Lucas 8:1

Dequide lania nna diatteba Jesús lheꞌe iyába ca yiesi seꞌe ca nía, lheꞌe ca lheꞌesi lhe, rixxiꞌe ca tisa tsee gue gaxasná rinnabia Tata Do Iyyabaaha. Iyába tsiꞌinu (12) ca biꞌini rudheti ca tisa ruleꞌe diacabi len lee.

Hechos 4:30

Beleꞌe lo nu ancalu, beni ca milagru lhe beoni ca benni rani lhe leni elha ra xxeni le guee Xiꞌinlu Jesús benni do riesinlu anca guelu.

Hechos 5:15

Axtaba roꞌo ca nedaha ribeacana ca benni raniha, rixxacana ca nua lo taꞌa lhe lo breta lhe qui gansi chi utee Pedro nna ladiba xula guebi tsuꞌu atta te ca nua qui eyacacana.