San Lucas 9:51 - Zapoteco de Aloápam

⁵¹ Atti chi daa ribiga isía sá eyya Jesús iyyabaaha, lee nna bebequitsitsittebale qui tsie Jerusalén.

San Lucas 9:51 Iomraidhean Croise

San Marcos 16:19

Dequide chi unnee Jesús Benni bananie ri leni ca biꞌini bedheti ca tisa beleꞌe, beopittebe deyye iyyabaaha. Nianna bedottebe daca lhuitta derechu gue Tata Do Iyyabaaha.

San Lucas 12:50

Ttiaca neti nna labíaba satexxatta uyúa elha disa, tsitsiba rudú guaten neti axta liba isía sá atti satea aná.

San Lucas 13:22

Laca dia Jesús yuꞌe neda daca Jerusalén, lee nna ruleꞌenie ca benni seꞌe lheꞌe ca yiesi lhe ca ranchu lhe seꞌe atta die ritee.

San Lucas 17:11

Atti yuꞌu Jesús neda die daca Jerusalén, utee atta risá bedaa lo yu gue Samaria len lo yu gue Galilea.

San Lucas 18:31

Jesús uchee attu atta subi ca biꞌini tsiꞌinu (12) rudheti ca tisa ruleꞌe, nianna re ca biꞌiniha: —Gualuyurga, niba diari lheꞌe yiesi Jerusalén atta aca iyába nu daa lo ca sitsi beni ca benni uca profeta atta rixxiꞌa gue nu satea, neti Benni unbiyuu daa iyyabaaha.

San Lucas 19:11

Laca rudo naga ca benni seꞌe nía nu rá Jesús, lee nna utixxiꞌattebanie cana ttu ejemplu. Cumu de chi due gaxxaba Jerusalén nuarca ca benni nna rulaba lecani chi tte deoba innabia Tata Do Iyyabaaha.

San Lucas 19:28

Dequide unne Jesús ca tisa-ni nna, uneruttebe lo ca benni die lheꞌe yiesi Jerusalén.

San Lucas 24:51

Lagüiba due rinnabe aca len Tata Do Iyyabaaha ca biꞌiniha nna beriesttebe beopie deyye iyyabaaha.

San Lucas 9:57

Laca diacabi yuꞌucabi neda nna ttu unbiyuu rána Jesús: —Tata, neti raca lasia etenalha lu gaxaba ladu tsialu.

San Juan 13:1

Deoba laní Pascua, Jesús yube chiba bisía ura atti edee yies lo yu-ni qui esíne atta do Tata gueha. Attiba ucanie gue ca benni guee seꞌe yies lo yu-ni nna aníaba ucanie gue ca biꞌiniha axta atti bisía sá uttie.

San Juan 16:28

Atta do Tataha biríaya delha yies lo yu-ni. Nnanna nna odhaꞌana yies lo yu-ni qui eyyaꞌaya atta do Tataha.

San Juan 16:5

Nnanna nna chi eyyaꞌaya atta do benni udhelhe neti, lebiꞌi nna niba ttule bittu rinnaba tisale neti innále: “¿Ga eyyalu?”

San Juan 17:11

’Neti nna lärga dhoa yies lo yu-ni, ttiaca ca unní nna tseꞌerba ca unní yies lo yu-ni. Laca neti nna dedaaya atta dolha, xa Tata do riesi leni nu lä anca tsee, ca benni betelu len neti nna upachi cana leni elha ra xxeni le guelha, qui tseꞌecana acacana ttuba benni attiba riꞌi ancari ttuba Benni.

San Juan 6:62

¿Titialiga unle gansi ilenle neti Benni unbiyuu daa iyyabaaha eyopia atta doa ttuha?

Hechos 1:2

axta liba atti bisía sá beopie deyye iyyabaaha. Atti deobali eyye nna leni Espíritu gue Tata Do Iyyabaaha chi utixxiꞌanie ca biꞌini bedheti ca tisa beleꞌenie ca benni chi becuee bixa anca nu uncabi.

Hechos 1:9

Dequide chi utixxiꞌe iyába nua, ttu seꞌerucabi rugüiacabi nna beopitteba Benniha deyye iyyabaaha, atti biríatteba ttu bea beocun Benniha atta deyyeha. Lania nna lärga nu Benniha biláquinbi.

Efesios 1:20

atti benie beacani Cristuha belhidhe Benniha lheꞌe baa atta yuꞌu ca nu yatti-na. Nianna bodoe Benniha daca ladu ná derechu guee atta doe iyyabaaha.

Filipenses 3:14

qui anáchu isína eꞌeyua atta raca le Tata Do Iyyabaaha eꞌeyua. Lania nna dhia ttu elha tsee nu ralha dhia iyyabaaha. Tata Do Iyyabaaha uxie ri qui dhíri elha tseeha de ancari benni baba leni Jesús Benni anque Cristu.

1 Timoteo 3:16

Gualíba, xxenba anca gue ca tisa gue Cristuha chi yuri nnanna nu bittu chi yu benni ca tu ttuha: Jesús bite yies lo yu-ni, uque benni attiba riꞌi. Espíritu gue Tata Do Iyyabaaha beleꞌe loe gualíba anca Jesús benni runi nu anca tsee. Biláni ca ingeli gue Tata Do Iyyabaaha Benniha lhe utixxiꞌacana gue Benniha leni ca nu bittu anca benni Israel-na lhe. Güia lee ca benni seꞌe yies lo yu-ni Benniha, bedí Tata Do Iyyabaaha Benniha qui besine attu libe iyyabaaha lhe.

Hebreos 12:2

Tsa usia lori Jesús, Ben-na anque Benni beni qui ria leri Tata Do Iyyabaaha. Laguabe runi qui eꞌeyuri acari nu ria tsitsi leni Ben-na lhe. Jesús uxielhabe uttie lo ya crusiha masquiba anca nua ttu elhutti nu runna retuinri, cumu yuxeabe dequide chi guate biyúe elha disaha nna lania daa edaca lee. Nnanna nna doe daca lhuitta derechu gue Tata Do Iyyabaaha rinnabie.

Hebreos 6:20

Cuꞌe lariha nua utaꞌa Jesús qui udhalie neda gueri. Benniha nna beꞌeyue uque bixxudi xeni do ttu dia liiba, loesi bixxudi uca Melquisedec.

1 Pedro 3:22

Benniha nna beopie iyyabaaha bedoe daca derechu gue Tata Do Iyyabaaha, ca ingeli-na lhe ca nu rinnabia-na lhe ca nu ra tsitsi lequinna lhe seꞌecana rudá iquicani guee.