San Lucas 9:16 - Zapoteco de Aloápam

¹⁶ Jesús bedaxxuttebe gayu ca ttaxtilaha len irupaba ca belhaha, nianna ulhidhatteba loe begüie iyyabaaha betee xquixaru leni Tata Do Iyyabaaha. Lenla nna ulheꞌe ca ttaxtilaha len ca belhaha begüee ca biꞌini rudheti ca tisa ruleꞌe qui ugüecabi ca benni seꞌe nía.

San Lucas 9:16 Iomraidhean Croise

San Mateo 14:19

Laniala nna benie mandadu ebía ca benni lo ixxiha. Atti bedaxxuttebe gayu ca ttaxtilaha len irupaba ca belhaha, nianna ulhidhatteba loe begüie iyyabaaha, begüee xquixaru Tata Do Iyyabaaha, atti ulhaꞌattebe lheꞌe ca ttaxtilaha, begüee ca benni rudheti ca tisa rulheꞌe. Ca biꞌiniha nna utidhittebacabi benniha gue ca benni seꞌe nía.

San Mateo 15:36

Lee nna bedaxxuttebe gasi ca ttaxtilaha len ca belhaha. Dequide chi begüee xquixaru len Tata Do Iyyabaaha, ulhaꞌattebe ca benniha begüee ca benni rudheti ca tisa ruleꞌe. Ca biꞌiniha nna utidhittebacabi benniha gue iyába ca benni seꞌe nía.

San Marcos 7:34

Laniala nna ulhidha loe begüie Iyyabaaha. Bennexaba lee nna atti re unbiyuuha: ―¡Efata! ―Tisa-ni nna dienna innána: ¡Beali!

San Lucas 22:19

Laniala nna bedaxxue ttaxtilaha. Dequide begüee xquixaru Tata Do Iyyabaaha, ulhaꞌattebe lheꞌe ttaxtilaha begüee ca biꞌini rudheti ca tisa ruleꞌe, nianna re ca biꞌiniha: —Taxtila-ni anque cuerpu quia. Cuerpu quia-ni utea na qui gattina cuenta guele. Aní unle qui exxa lele neti.

San Lucas 24:30

Atti chi doe roꞌo mexa len ca biꞌiniha nna bedaxxuttebe ttaxtila. Dequide betee xquixaru len Tata Do Iyyabaaha ulhaꞌattebe ttaxtilaha begüee ca biꞌiniha.

San Lucas 9:15

Lacabi nna bedobacabi tisa. Aníaba bencabi ubía iyába benni.

San Lucas 9:17

Iyába ca benni seꞌe nía utocana bedaa belbaquinna. Bodaparlacabi a tsiꞌinu (12) sumi ca ttaxtila salhaꞌa bexxaha.

San Juan 6:11

Jesús bedaxxuttebe ca ttaxtilaha. Dequide betee xquixaru leni Tata Do Iyyabaaha nna utidhittebe benniha gue iyába ca benni seꞌe nía. Aníaguaba benie len ca belhaha. Betebe nu uto iyárecha ca benni seꞌe nía bedaa belbaquinna.

San Juan 6:23

La ságuaba nua besina ca barco dedaa daca lheꞌesi Tiberias gaxxaba atta uto ca benni ttaxtila dequide bete Benni bananie ri-na xquixaru leni Tata Do Iyyabaaha.

Hechos 27:35

Dequide la unne Pablo nna bedaxxuttebabi ttu ttaxtila atti begüeettebabi xquixaru leni Tata Do Iyyabaaha aníba lo iyába ca nu sia lo barcoha. Nianna ulhaꞌattebabi ttaxtilaha utobi.

Romanos 14:6

Benni rána dequi te ttu sá ancana sá xeni atti adí ca sá-na, de Benni bananie ri-naba nua run nua rugüena lidhaca sáha, nu bittu rutena lidhaca sáha nna de Benni bananie ri-naguaba nua run nua runna anía. Benni ro iyáloba nu dica gori nna Benni bananie ri-naba ribequi xenna cumu rutena xquixaru len Tata Do Iyyabaaha atti rona nua, benni bittu ro iyá nu dica gori nna runba nua anía qui ribequi xenna le Benni bananie ri-na, unnuha nna ruteguabana xquixaru len Tata Do Iyyabaaha.

1 Corintios 10:30

Gansi neti guaruteba xquixaru leni Tata Do Iyyabaaha gue nu roa nna ¿biacala itúa balaꞌana quia de roa nu betea xquixaru leni Tata Do Iyyabaaha gueni?

1 Corintios 11:24

dequide re Tata Do Iyyabaaha xquixarue nna ulhaꞌattebe lheꞌe ttaxtilaha, nianna re: “[Gualgo lhe gualiꞌiya lhe.] Ben-ni anque cuerpu quia, benni utea gatti lo niꞌa guele. Aná unle qui exxa lele neti.”