San Lucas 9:11 - Zapoteco de Aloápam

¹¹ Atti bina ca benni gaxa ladu dia Jesús, diattebacana denocana Benniha. Lee nna uxttebe cana atta doe, nianna utixxiꞌanie cana gue gaxasná rinnabia Tata Do Iyyabaaha, beonguabe ca benni rani lhe.

San Lucas 9:11 Iomraidhean Croise

San Mateo 12:15

Atti chi bina Jesús gue nu rele ca nua uncana nna bedáttebe nía. Ixeru benni denocane. Lee nna iyába ca nu raniha beonie.

San Mateo 14:14

Atti guadi Jesús lo barcoha nna biláttebanie ixeru benni chi seꞌe nía. Lee nna besiꞌittebanie ca nua, nianna beonttebe ca benni yuꞌu isagüe dia len ca unnuha.

San Mateo 21:31

Laniala nna rá Jesús: —Delo irupa ca nua, ¿nú ca nua raquinle bencana nu raca le tata guecaniha? Ca bixxudiha nna becabicana rácana: —Nu xeniha. Jesús re cana: —Neti nna gualíbatia rpea le, ca güequixa-na lhe ca nuila requi manni-na lhe sattirla dhielhacana acacana benni rinnabia Tata Do Iyyabaaha atti lebiꞌi.

San Mateo 21:43

De unnuha nna rpea le, lärga acale benni rinnabia Tata Do Iyyabaaha, ca benni uncana nu tsuꞌu le Ben-na liba acacana ca nu innabia Ben-na.

San Lucas 1:53

Ca benni rituniha nna tsapaba begüee cana guecani, ca nu te guecaniha nna tsa bitturu betee guecani.

San Lucas 5:31

Jesús becabie guecani re cana: —Ca benni bittu rani-na lägabi reasaquinna nuxa unna cana ramedi. Ca nu rani-na liba reasaquinna nu eyonna cana.

San Lucas 8:1

Dequide lania nna diatteba Jesús lheꞌe iyába ca yiesi seꞌe ca nía, lheꞌe ca lheꞌesi lhe, rixxiꞌe ca tisa tsee gue gaxasná rinnabia Tata Do Iyyabaaha. Iyába tsiꞌinu (12) ca biꞌini rudheti ca tisa ruleꞌe diacabi len lee.

San Lucas 8:10

Jesús re cabi: —Lebiꞌi nna gua runba Tata Do Iyyabaaha qui sadú lele gue gaxasná rinnabie, nu bittu ritedaani ca benni. Ttiaca adí benni nna leni ca ejemplu liba rinnea rulisa cana, qui masquiba tticaxa rugüiacana, bittu iláquinna, masquiguaba tticaxa rudo nagacani bittu sadú lecani.

San Lucas 9:10

Atti chi besini ca biꞌini rudheti ca tisa releꞌe Jesús, utixxiꞌattebaquinbi Benniha iyába bixa bencabi. Lee nna uchettebe ca biꞌiniha lo ttu yu te gaxxaba roꞌo yiesi Betsaida atta aca tseꞌe suntteba laque.

San Lucas 9:12

Atti chi dia ralha sá, ubigatteba ca benni tsiꞌinu (12) rudheti ca tisa ruleꞌe Jesús rácabi Benniha: —Bechú tisa ca benni seꞌe ni qui eyyacana lheꞌe ca lheꞌesi-na, lheꞌe ca ranchu-na lhe qui satilacana bixa gocana, atta eyaꞌancana lhe, cumu atta seꞌeri ni nna tsa lägabi te.

San Lucas 9:2

Nianna udhelhe ca biꞌiniha qui quixxiꞌacabi gue gaxasná rinnabia Tata Do Iyyabaaha, eyoncabi ca benni rani lhe.

San Juan 4:34

Jesús re ca biꞌiniha: —Elha go quia nna ancana unia nu raca le Benni udhelhe neti, ulhuxa sina guee-ni lhe.

San Juan 6:37

Iyába ca benni rute tata quia len neti nna guadába ca nua len neti. Ca benni daa len neti nna läga odequia ca nua.

Hechos 28:31

Labi nna itú iqui itú lebi rixxiꞌabi gue gaxasná rinnabia Tata Do Iyyabaaha, rixxiꞌabi gue Jesucristu Benni bananie ri-na lhe. Tsa läganu biría usuna.

Romanos 10:14

Ttiaca ¿gasná innábacana lo Ben-na gansi bittuba chi güia lecani Ben-na? ¿Gasná tsia lecani Ben-na, gansi bittuba chi bienquinna gue Ben-na? ¿Gasná iyienquinna gue Ben-na, gansi nuttuba te quixxiꞌenna cana gue Ben-na?

Romanos 10:17

Larcala nna atti rienin ca benni ca tisa gue Cristu lania nna ria lecani Tata Do Iyyabaaha.

Romanos 15:3

Cumu ni Cristuha atti udoe yies lo yu-ni bittu benie suna nu reꞌoba lee, sinuqui guatebe attiba dia lo ca sitsi gue Tata Do Iyyabaaha atta rá: “Netiba guaxacatia gue iyába nu lä anca tsee unne ca benni besía le can lu.”

2 Timoteo 4:2

duelha beni utixxiꞌa ca tisa gue Cristu, atti udo nagacani guelu lhe atti bittu raca lecani udo nagacani guelu lhe. Leni pasensi utixxiꞌaquinna gue nu bittu anca tsee runcana, utisacana lhe bettipa lecani lhe lhatsiru beleꞌequinna.

Hebreos 4:16

Larcala nna xen suba leri chi ibigari lo Tata Do Iyyabaaha, Benni racanie gueri. Qui anáchu esiꞌi le Ben-na ri, aca lanie ri lhe lagüi lo reasinrie.