San Lucas 8:43 - Zapoteco de Aloápam

⁴³ Len ca benni dia len Jesús, dia ttu nuila. Ttu dialiiba ritsigana. Lana nna chi uca tsiꞌinu (12) ida ratena nua. Chiguaba bea nu te gueni bennitti lona len ca nu run ramedi lhe ttiaca ni ttu ca nua bittu udácana eyoncan na.

San Lucas 8:43 Iomraidhean Croise

San Marcos 12:44

Cumu iyába ca unná rutecana sunruba nu rexxa guecani, ttiaca nuila-ni nna lä caa gueni nna iyába nu dica aca bannaha betena.

San Marcos 9:18

Gaxaba duna atti risía retti gueni nna be xxegüi-na riguꞌunattebana unná lo yu, riríatteba besina roꞌoni lhe rotteba lo layani lhe atti redá yagattebana. Neti chi unnaba lo ca biꞌini rudheti ca tisa ruleꞌelu-na qui ebeacabi be xxegüi-na, ttiaca bittu udácabi.

San Lucas 13:11

Nía du ttu nuila chi anca sixunu (18) ida ranina. Ttu be xxegüiba nua uyuꞌuna, nuarca bedo rubana cuꞌeni, nianna ttu tsaba bittu raca elixxana.

San Lucas 13:16

Nuila du-ni nna ancana nu datía Abraham. Chinca sixunu [18] ida yuꞌuni nu xxegüiha na isagüe, nianna ¿si bittuba dica eyaca nuila-ni sá redí leri-ni?

San Lucas 8:27

Atti chi guadi Jesús lo barcoha nna biríatteba ttu unbiyuu beaca lasni lheꞌe yiesiha yuꞌu be xxegüi lheꞌe cuerpu gueni guatsána Benniha. Unbiyuuha nna isá chi uca bittu rucu xoni, niguaba lä ridorna lheꞌe yoꞌo lhe. Atta seꞌe ca baa gue ca nu yattihaba reꞌan-na.

San Lucas 8:42

cumu xiꞌiniunnániha nu tturbana doenna chiba ratti nua tena. Unnuha nna chi anquinna tsiꞌinu (12) ida. Atti yuꞌu Jesús neda die lheꞌe yoꞌo gue Jairo nna ca benni denocan Benniha nna attulade ruquícane.

San Lucas 8:44

Nuila-ni nna ubigana daca cuꞌe Jesús qui utanana roꞌo xo Benniha. Snaba lania nna udú si nu ritsigana.

San Juan 9:1

Atti bete Jesús deyye nna bilánie ttu unbiyuu xua loni. Aníaba anca nua atti ulna.

San Juan 9:21

ttiaca läga yutu gaxasná uca chi rilenna nnanna, bittuguaba yutu nuxa benna bilenna lhe. Na gualnnaba tisa na chiba anca unná nu xxeni, guaguixxiꞌa bunna gaxasná uca bilenna.

Hechos 3:2

Roꞌo yotuha nna do ttu unbiyuu xi, aníaba anca nua ulina. Ttu ttu sába radocana nua roꞌo yotuha daca atta du puerta te láni Nu Gaꞌana Tsee, qui innábana belhi leni ca benni ria lheꞌeliꞌa gue yotuha.

Hechos 4:22

Cumu unbiyuu beaca leni milagru ucaha nna chiba anquin nua guatela chua (40) ida.