San Lucas 8:41 - Zapoteco de Aloápam

⁴¹ Unnuhaba raca nna atti bisína ttu unbiyuu lá Jairo atta du Jesús. Unnuha ancana nu baninna yoꞌo atta rudheti ca benni Israel ca tisa gue Tata Do Iyyabaaha. Lana nna bedútteba xibini lo Jesús runna ruegu lo Benniha tsie lheꞌe yoꞌo gueniha,

San Lucas 8:41 Iomraidhean Croise

San Lucas 13:14

Ttiaca nu lo gue yoꞌo atta rudheticana ca tisa gue Tata Do Iyyabaaha nna bisaꞌattebinna de biaca beon Jesús nuilaha la sá redí lecaniha. Nianna ráttebana ca benni seꞌe nía: —Xxupa ubisaba gaꞌana cuen ca benni sina. Lheꞌe ca sá-ni gualtá qui eyacale, bittu itale qui eyacale sá redí leri-ni.

San Lucas 17:16

Lana nna bedútteba xibini lo Jesús axta liba binna lo xeani lo yu, betena xquixaru len Benniha de beonie na. Unbiyuu-ni nna beaca lasni Samaria.

San Lucas 5:8

Atti biláni Simón biꞌini teeguaba lábi Pedro nu ucaha nna bedútteba xibibi lo Jesús rábi: —¡Ubietta atta dua-ni Tata Xis quia, cumu neti anca nu te tulha gueni lo Tata Do Iyyabaaha!

San Lucas 8:42

cumu xiꞌiniunnániha nu tturbana doenna chiba ratti nua tena. Unnuha nna chi anquinna tsiꞌinu (12) ida. Atti yuꞌu Jesús neda die lheꞌe yoꞌo gue Jairo nna ca benni denocan Benniha nna attulade ruquícane.

San Lucas 8:49

Sa duba Jesús rinnee atti chi bisía ttu nu daa lheꞌe yoꞌo gue Jairo utixxiꞌenna nua rán na: —Nuca utti xiꞌinluha. Bitturu utsitsinlu Maestro-na.

San Juan 11:21

Marta nna rána Jesús: —Ttirca dobalu ni, xa Benni bananie neti, lania nna läga utti danaha.

Hechos 13:15

Dequide chi uluxa belabacabi ca ley gue Tata Do Iyyabaaha lhe ca tisa dia lo ca sitsi bocaꞌana ca profetaha lhe laniala nna unne ca nu rinnabia lheꞌe yoꞌoha rácana ca biꞌiniha: —Xa betsito, gansi te ttu tisa guele innele ulisale ca benni seꞌe-ni qui tseꞌetsitsicabi lo neda gue Tata Do Iyyabaaha nna gualte daca-ni, gualnne.

Hechos 18:17

Nianna iyábacana bedaxxuttebacana Sóstenes nu rinnabia lheꞌe yoꞌo atta rudheti ca benni Israel ca tisa gue Tata Do Iyyabaaha, snaba nía begüeelhabacana biꞌiniha. Ttiaca Galión nna niba saroꞌo lä betabinna gue nu ben ca nua.

Hechos 18:8

Anáguaba Crispo nu rinnabia lheꞌe yoꞌo atta rudheti ca benni Israel ca tisa gue Tata Do Iyyabaaha, iyába lenna ca benni gueni seꞌe lheꞌe yoꞌo gueniha güia lecani ca tisa gue Benni Bananie ri-na. Ixerguaba ca benni seꞌe lheꞌe yiesi Corinto güia lecani atti bienquinna ca tisaha, laniala nna udicana inda.

Hechos 9:38

Cumu gaxxaba re lheꞌesi Jope leni lheꞌesi Lida atta do Pedro. Larcala ca benni ria le Jesús binattebacabi dequi níaba do Pedro. Udhelhattebacabi chupa ca unbiyuu güiacan guayúcan bi, rácan bi: —O chiba unaa, goachi tsiari lheꞌesi Jope. Bittu aquinlu isálu.

Apocalipsis 5:8

Atti bedaxxu Benni anque Carneꞌeha sitsiha nna itapaba ca nu baniha lencabi ttapa erúa (24) ca benniolaha nna bedútteba xibicabi lo Benni anque Carneꞌeha. Iyába ca biꞌiniha dencabi nu rulha lencabi te láni arpa, denguabacabi ttuttu copa ancacana leni oro, sa ticana yala. Yalaha nna ancana ca tisa gue ca benni chi anca gue Tata Do Iyyabaaha rulisacabi Benniha.