San Lucas 8:25 - Zapoteco de Aloápam

²⁵ Nianna, re ca biꞌini rudheti ca tisa ruleꞌe: —¿Gala guagaꞌale nu rále dequi chi ria lele neti? Tu rasbaquinbi lhe rebanbaquinbi lhe rá loescabi: —¿Nú benni biꞌini du-ni, lee nna runie mandadu be-na lhe indattoo-na lhe, ca unná nna rudocana tisa guee?

San Lucas 8:25 Iomraidhean Croise

San Mateo 14:31

Laniala nna becatteba ná Jesús bedaxxue ná Pedro, nianna re biꞌiniha: —¿Biaca bedú chupana lelu, xa nu lä ria tsitsi leni?

San Mateo 17:20

Jesús becabie re: —Cumu lebiꞌi nna läga chi ria tsitsi lele. Gualíbatia ria, ttirca ria lele ladiba saroꞌoto attiba ttu besi gue coana murtasa, lania nna tsa lägabi tee ttu bixa nu bittu aca guele unle. Guacaba guele gále iꞌiya do-na: “Bitúa-ni nna güia guadho attu ladu-na.” Iꞌiya-na nna tsia bunna sadhona nía.

San Mateo 6:30

Gansi análi tsee runi Tata Do Iyyabaaha ruleꞌe ca iyya daa ca lo yu-na, ca nu nasá ralicana, uxxedilaba nna chi tsiacana lo gui, ¡läba ganna adírlaba tsee uni Ben-na len lebiꞌi, ca benni bittu chi ria tsee leni!

San Mateo 8:10

Atti bienin Jesús nu rá nua nna bebanbanie gue nua. Laniala bodequi loe re ca benni dia denalha: —Neti nna gualíbatia ria: niba ttu ca benni quia anca benni Israel bittu chi guattiꞌaya ria tsitsi leni atti ria le unbiyuu-ni.

San Mateo 8:26

Jesús becabie re: —¿Biaca rasixxattinle? ¿Si itú ttuaba bittu chi ria tsitsi lele neti? Laniala guadhattebe bedhaca dise beha lhe indattooha lhe. Nianna siba beacatteba lo indattooha.

San Marcos 4:35

Atti chi uca ela la sáha nna rátteba Jesús ca benni rudheti ca tisa ruleꞌe: —Gualtsá tsiari attu ladu gue indattoo-ni.

San Lucas 12:28

Gansi análi tsee run Tata Do Iyyabaaha ruleꞌe ca iyya daa ca lo yu-na ca nu nasá ralicana, uxxedilaba nna chi tsiacana lo gui, ¡läba ganna adírlaba tsee uni Ben-na len lebiꞌi, ca benni bittu chi ria tsee leni!

San Lucas 8:24

Laniala nna guadibáncabi Jesús rácabi Benniha: —¡Maestro! ¡Maestro! ¡Chi rettiri lheꞌe inda-ni! Jesús guadhattebe bedhaca dise beha lhe nu ridulí lo indaha lhe ca unnuha nna bebetteba lecani, síba beacatteba.

San Lucas 8:26

Laque nna bisínque len barcoha axtaba lo yu gue yiesi Gadara. Unnuha rena attu ladu gue roꞌo indattoo re roꞌo yu gue Galilea.

San Juan 11:40

Jesús re na: —¿Si läba ria lu, gansi tsia lelu nna gugüiabalu nu xxeni ra le Tata Do Iyyabaaha?