San Lucas 8:21 - Zapoteco de Aloápam

²¹ Jesús becabie re: —Ca benni rudo nagacani ca tisa gue Tata Do Iyyabaaha, nianna runcana nu rá ca tisa-na, ca unná liba anca nan quia lhe betsia lhe.

San Lucas 8:21 Iomraidhean Croise

San Mateo 17:5

Laca sna rinneba Pedro nna ucaxxetteba ttu bea ruꞌu xieni gueni, uyuꞌuna atta seꞌe ca benniha. Lheꞌe beaha nna bientteba tsiꞌi ttu Benni unnee re: —Benni anque xiꞌinia, Benni racaxxattatia guee. Len lee do tseea. Gue Ben-ni gualdo nagale.

San Mateo 25:40

Neti benni rinnabia xeni nna ecabia innía: “Gualíbatia rpea le, atti benle yuda ttu ca benni raca betsi loesri-ni, masquiba ancacana nu bittu ra xxeni leni nna netiba nua benle yuda.”

San Mateo 25:45

Lania nna ecabia gue ca nua, innía: “Gualíbatia rpea le, atti bittu benle ttu ca benni bittu ra xxeni leni seꞌe-ni yuda nna netiba nua bittu benle yuda.”

San Mateo 28:10

Nianna rá Jesús cabi: —Bittu gasinle. Gualtsia gualsatixxiꞌen ca betsi loesiha, ca benni bedheti ca tisa beleꞌa, qui tsiacabi daca Galilea. Nía etiꞌacabi neti.

San Lucas 8:15

Ttiaca ca xua binna lo yu tseeha nna ancaque ca benni nu itú iqui itú lecani rienquinna ca tisa-na, rigúa tseecana nu rá benna lheꞌe lastoocani lhe. Denua nna riseꞌetsitsicana lhe satíaba seꞌecana runcana nu anca tsee lhe.

San Lucas 8:20

Laniala utixxiꞌaquinna Jesús rácane: —Ni nan gueluha lenbi ca betsiluha seꞌe lheꞌeliꞌa gue yoꞌo-ni. Lacabi nna raca lecabi inne lencabi lu.

San Juan 13:17

Lebiꞌi ca benni chi yu unní, carbárule gansi udole tisa unle na.

San Juan 20:17

Jesús re biꞌiniha: —Bittu udaxxulu neti, cumu läga chi beopia atta do Tata quia. Beyyala guattixxiꞌen ca betsito quia chi deyyaꞌaya atta do Tata quia, Benni ancaguaba Tata guele. Lee anque Dios quia, Benni ancaguaba Dios guele.

2 Corintios 5:16

Larcala nna riꞌitu nna bitturu ulaba letu gue nuxa benni attiba rulaba le ca benni seꞌe yies lo yu-ni. Masquiba ca tu ttua nna belaba letu gue Cristu attiba rulaba le ca benni seꞌe yies lo yu-ni gue Ben-na, ttiaca nnanna nna lärga anía rulaba letu guee.

2 Corintios 6:18

Lania nna neti aca Tata guele, lebiꞌi nna aca le xiꞌinbiyuua lhe xiꞌiniunnáya lhe. Aná rá Benni bananie ri-na, Benni rinnabia iyáxea.”

Santiago 1:22

Gueba nna gualuni nu rá ca tisa-na, bittu sunru udo nagale Ben-na, cumu gansi sunruba rudo nagale Ben-na, lania nna la lebiꞌiba nua rixí yiele.

1 Juan 2:29

Lebiꞌi nna chiba yule Jesucristuha nna anque Benni runi ttulapa nu anca tsee. Gua yuguabale nna iyába ca benni runi nu raxxína leni nu anca tsee runie, ancacana xiꞌini Tata Do Iyyabaaha.

3 Juan 1:11

Xa benni ria le Jesús, racatia guelu, bittu unlu nu lä anca tsee run attu nu subi, beni nu anca tsee. Cumu nu runi nu anca tsee nna gue Tata Do Iyyabaahaba anca unnuha. Nu runi nu lä anca tseeha nna läga chi anca bien nua Tata Do Iyyabaaha.