San Lucas 8:18 - Zapoteco de Aloápam

¹⁸ ’Larcala nna tsitsi gualdo nagale gue nu rieninle. Cumu ca benni rudo nagacani itú iqui itú lecani gue nu ria, Tata Do Iyyabaaha unie sadúru lecani adí, ttiaca ca benni bittu raca lecani iyienquinna gue nu ria nna axtala nu racaquinna yucana, itúa.

San Lucas 8:18 Iomraidhean Croise

San Mateo 13:12

Cumu benni gua radú leniha nna dhirla nua elha rieni qui sadúchatti leni. Ttiaca nu bittu radú leniha nna axtala nu saroꞌo chi radú leniha, itúa.

San Mateo 25:29

Cumu nu te gueniha nna dhirla nua adí qui gatta chatti gueni, ttiaca nu bittu te gueniha nna axtala nu saroꞌo te gueniha itúa.

San Marcos 13:14

’Larcala nna ca nu ulabacana ca tisa dia lo ca sitsi-ni, uncana duelha qui sadú lecani bixa dia le nu rá atti re: Atti ilenle aca ttu nu satsa atta bittu dica acana, gue nu satsaha nua utixxiꞌa profeta Daniel. Unnuha nna acana atta bittu dica acana. Lania nna ca nu seꞌe lo yu te láni Judea-na, uxunnicana tsiacana ca iꞌiyattoo-na.

San Lucas 19:26

Nu rinnabiaha nna becabina rána: “Neti ria le, nu te gueniha nna dhirla nua adí, ttiaca nu bittu te gueniha nna axtala saroꞌo nu te gueniha itúa.

San Lucas 9:44

—Tsitsi gualdo nagale ca tisa upea le-ni. Neti Benni unbiyuu daa iyyabaaha labíaba utecana neti las ná ca benni utticana neti.

San Juan 15:2

Iyába ca xiqui ya besuli-na, ca nu bittu ribía guecani nna rigúabe cana. Iyába ca nu ribía guecani nna richúe locani lhe rigúe nu bisi guecani lhe qui cuia chietti guecani.

Hechos 10:33

Anía uca nna udhelhatteba ca benni betetilacan lu. Lu nna tseeba benlu dattebalu. Nnanna nna niba seꞌe iyátu lo Tata Do Iyyabaaha. Raca letu udo nagatu iyá nu chi rá Benniha lu quixxiꞌenlu riꞌitu.

Hechos 17:11

Ca benni Israel seꞌe lheꞌe yiesi Berea nna ancacana benni radúru lecani atti ca benni seꞌe lheꞌe yiesi Tesalónica. Larcala itú iqui itú lecani güia lecani ca tisa gue Jesús. Nianna ttu ttu sába riseꞌecana rulabacana lo ca sitsi gue Tata Do Iyyabaaha qui ttedaaquinna gansi gualí nu riguixxiꞌen Pablo cana.

Romanos 12:3

Tata Do Iyyabaaha bedaa lee bodúe neti aca apóstol. Denua nna te roꞌa rpea iyábale, ni ttule bittu aquinle ulaba lele dequi ancale nu yuru atti adí benni cumu läga anía anca. Nu unlale nna cua ttu ttule gualulaba tsee lele gue nu anca guele, coa ancaba elha ria lee guele chi betee Tata Do Iyyabaaha len lebiꞌi.

1 Corintios 14:37

Gansi nuxale raquinle ancale benni rinne ca tisa rute Tata Do Iyyabaaha len lebiꞌi, o si raquinle ancale benni runi nu rá Espíritu gue Tata Do Iyyabaaha, lana nna labía oquinna iquini, ca tisa runia lo sitsi-ni nna ancaque nu beni Benni bananie ri-na mandadu unri.

1 Corintios 3:18

Ni ttule bittu dhi yie la lebiꞌiba. Gansi nuxale raquinle ancale benni te elha rieni gueni yies lo yu-ni, gualuni dequi benni bittu te elha rieni guebani ancale, qui anía liba nna eꞌeyule acale nu gualíga te elha rieni gueni.

1 Corintios 8:2

Benni raquinna ancana nu chi yuxxatta, saroꞌoru nua chi yuna.

Filipenses 3:4

Masquiba neti nna guateguaba roꞌa uxxen lasia odilá nu runia na neti. Ttiaca gansi nuxa raquinna dequi nu runna lhe nu ancana lhe uni qui lhána, adílaba neti teerla roꞌa uxxen lasia odilá unná neti.

Hebreos 2:1

Larcala nna raca duelha tsitsiru udo nagari gue nu chi bieninri gue ca tisa gue Xiꞌin Tata Do Iyyabaaha qui bittu iriesri lo neda gue Ben-na.