San Lucas 8:13 - Zapoteco de Aloápam

¹³ Ca xua binna atta seꞌe ca iyyaha nna ancaque attiba ca benni, atti rienquinna ca tisa-na attulade reꞌo lecani recabicana udaxxucana neda gue Tata Do Iyyabaaha. Ttiaca cumu läga beꞌan tsitsi ca tisaha lheꞌe lastoocani, nuarca läga isá ria lecani. Larcala atti risía ratecana ruyúcana ttu elha disa nna readi gattebacana lo neda gue Tata Do Iyyabaaha.

San Lucas 8:13 Iomraidhean Croise

San Marcos 6:20

cumu Herodes nna rasbinna lo biꞌiniha denuala nna läga rugüelhana nuxa bixa udhaquinna biꞌiniha cumu guayú xeabana anca biꞌiniha ttu benni runi nu anca tsee, ancabi benni do riesi anca gue Tata Do Iyyabaaha lhe. Masquiba gansi chi rienin Herodes rinne biꞌiniha nna tsaba bittuba rería niꞌelhinna bixa unna ttiaca tseeba reꞌo leni rudo nagani nu rá biꞌiniha.

San Lucas 8:12

Ca xua binna lo nedaha nna ancaque attiba ca benni rienini ca tisa gue Tata Do Iyyabaaha, ttiaca nu xxegüiha nna risinttebana raleana ca tisaha lheꞌe lastoocani qui bittu tsia lecani, anía nna bittu lhácana.

San Lucas 8:14

Ca xua xuxtila biyinna lheꞌe yitsiha nna ancaque attiba ca benni rienini ca tisa-ni, ttiaca nu richacha iquicani gue nu anca gue yies lo yu-ni lhe gue nu ridá lecani acacana nu gattaru guecani lhe gue edí baacana nu te yies lo yu-ni lhe bittu rugüelhan cana tseꞌe tsitsicana lo neda gue Tata Do Iyyabaaha.

San Juan 15:2

Iyába ca xiqui ya besuli-na, ca nu bittu ribía guecani nna rigúabe cana. Iyába ca nu ribía guecani nna richúe locani lhe rigúe nu bisi guecani lhe qui cuia chietti guecani.

San Juan 15:6

Ca nu bittuba seꞌecana len neti nna iríaba ca nua iruꞌunacana. Ancacana attiba ca xiqui yaga nu dequide chi ribiscana nna redígatteba benni cana qui tsiacana lo gui itecana.

San Juan 5:35

Juan ancabi attiba ttu gui ralhana riguꞌuna xieni. Lebiꞌi nna ttu sattirba bebe itta lele de bieninle nu rábi.

1 Corintios 13:2

Gansi neti bete Tata Do Iyyabaaha elha tsee quia qui quixxiꞌaya ca tisa rute len neti, ritedaatia gue iyá nu te gatsinie bittu yu benni gueni lhe anca nu te elha rieni gueni yu iyáxeaba lhe anca nu ria tsitsi leni atti innea upea ca iꞌiya-na tsiacana satsiacana attu re nna guacaba nua, ttiaca gansi bittuba racatia gue ca benni, neti nna tsa lägabi daca lania.

1 Corintios 15:2

Gansi usiguile tsia tsitsi lele ca tisa-na attiba chi utixxiꞌatia leha, lania nna gualábale. Gan biba nna cuentarba güia lele tisa-na.

Gálatas 3:1

¡Lebiꞌi, benni Galacia, lä caa elha rieni gueni! ¿Núchiaga uxí yiena le nna lä riaru lele gue nu anca gualí-na? Inqui lhixxa suba utixxiꞌentu le gue Jesucristu Benni utti lo ya crusiha lo niꞌa gueri.

Gálatas 3:4

Iyába nu chi guatele lo neda gue Jesús, ¿si cuentarba chi guatele nua? ¡Gaxa dica, läga cuenta chi guatele nua!

Efesios 3:17

Rinnabaguaba loe unie dho Cristuha lheꞌe lastoole de ria lele Ben-na, anáguaba qui acale benni seꞌe tsitsi racaruni gue loesni lhe

Colosenses 1:23

Larcala raca duelha usiguile tseꞌe tsitsile leni nu chi güia lele. Tsa bittu udhanle uxxen lele edí baale nu rá ca tisa gue Jesús chi bieninle. Ca tisa-na ben-na chi runa ca benni seꞌe biꞌa cana yies lo yu-ni. Neti Pablo anca benni bodú Tata Do Iyyabaaha quixxiꞌaya ca tisa guee-na.

Colosenses 2:7

Tsitsi gualtseꞌe lo neda gue Ben-na, itú iqui itú lele gualtsia lele Ben-na lhe gualtseꞌe gualuni attiba chi bidetile lhe bittu udú sile ugüele Tata Do Iyyabaaha ixquixarue lhe.

1 Tesalonicenses 3:5

Denuala nna atti bitturu udáya uchíana nna udhelhatteba Timoteo etegüiabi qui aca xen lasia gansi gua riaru lele Jesús, cumu rastia quila biaca bi uni nu xxegüiha dhi yien le udhequile ria lele Jesús. Lania nna sina bentuha nna bittubi ixuuna.

1 Timoteo 1:19

Tsitsi güia lelu Jesús, beni nu anca tsee lhe qui bittu bi te nu unna udú xiyyan lu. Cumu ttulhe ca benni de bitturu bedocana tisa uncana nu racaquinna anca tsee, nuarca bedhá iquicani ria lecani gue nu anca gualí.

Hebreos 10:39

Ttiaca riꞌi nna läga ancari loes ca nu readigaa lo neda gue Tata Do Iyyabaaha, cumu ca unnuha nna dia nittibacana. Riꞌi ancari ca nu lhári de ria leri Ben-na.

Santiago 2:26

Cumu attiba ttu cuerpu bitturu espíritu gueni te, nu yattiba chi anca nua, aníagua bunna ancari gansi rári dequi ria leri Tata Do Iyyabaaha nianna bittu runri nu anca tsee.

2 Pedro 2:20

Cumu ca benni chi benbiacana Jesucristu Benni bananie ri-na, Benni bodile ri-na lhe chiba ulácana lo nu lä anca tsee raca yies lo yu-ni, ttiaca gansi dequide lania nna eyequicana edeoncana nu lä anca tsee attu libe nna nu lä anca tseeha nna dhana edennabian cana, lania nna adílaba nu runi nu lä anca tsee acacana attichula primeroha.

2 Pedro 2:22

Leni unní raxxína nu dia le ttu tisa chi tee rinne benni: “Becuha nna bequibana beona nu beabi-na.” Chi te attu nu rá: “Cutsi nu chi udibaha nna bedequi dacabana bedetubina lo guna attu libe.”

1 Juan 2:19

Ca unná nna riꞌiba biselacana, lenla nna beriescan ri, cumu läga gualí ucacana benni sela len riꞌi. Ttirca gualíga ucacana benni baba len riꞌi nna sa seꞌebacana len riꞌi nnanna. Anába uca qui beleꞌe lo läga iyá ca nu sela len riꞌi ancacana benni baba len riꞌi.

Judas 1:12

Ca unná nna sunruba runcana rettuinle lo ca laní runle gue de seꞌe tsee len loesle. Tsaba bittu rapacana respeto, ladiaba ruꞌucana riꞌa rocana attiba racaba lecani. Lacana nna ancacana nu rulaba leni suntteba gue nu anca guecani. Ancabacana attiba ttu bea bisi bittu chee iyya nu gatti laduba che be-na, attiba ttu yaga nu bittu ribía gueni atti dica cuia gueni lhe attiba ttu yaga nu chi ilupilana nucala ubisi itupa lhu-ni lhe.