San Lucas 8:1 - Zapoteco de Aloápam

¹ Dequide lania nna diatteba Jesús lheꞌe iyába ca yiesi seꞌe ca nía, lheꞌe ca lheꞌesi lhe, rixxiꞌe ca tisa tsee gue gaxasná rinnabia Tata Do Iyyabaaha. Iyába tsiꞌinu (12) ca biꞌini rudheti ca tisa ruleꞌe diacabi len lee.

San Lucas 8:1 Iomraidhean Croise

San Mateo 11:1

Dequide ulhuxa utixxiꞌen Jesús ca biꞌini tsiꞌinu rudheti ca tisa ruleꞌe gue bixa uncabi, bedáttebe nía die lheꞌe adí ca lheꞌesi seꞌe itúba nía qui quixxiꞌe lhe uleꞌenie lhe ca benni ca tisa gue Tata Do Iyyabaaha.

San Mateo 13:19

Atti rienini ttu benni ca tisa rixxiꞌa gue gaxasná rinnabia Tata Do Iyyabaaha, ttiaca bittu ritedeenna gue ca tisa-na, nianna risintteba nu xxegüiha rebeana ca tisa chi bienin nua lheꞌe lastooni. Unní nua ancana attiba ca xuxtila binna lo nedaha.

San Mateo 4:23

Itúba Galilea güequi Jesús ruleꞌenie ca benni lheꞌe ca yoꞌo atta rudheti ca benni Israel ca tisa gue Tata Do Iyyabaaha, rixxiꞌanie ca benni ca tisa tsee gue gaxasná rinnabia Tata Do Iyyabaaha lhe reonie ca benni yuꞌu iyáloba isagüe cuerpu guecani lhe.

San Mateo 9:35

Iyába lheꞌe ca yiesi xeni lhe lheꞌe ca lheꞌesi lhe requi Jesús ruleꞌenie ca benni, lheꞌe ca yoꞌo atta rudheti ca benni Israel ca tisa gue Tata Do Iyyabaaha lhe. Lee nna rixxiꞌenie ca benni seꞌe nía ca tisa tsee gue gaxasná rinnabia Tata Do Iyyabaaha, reonie ca benni yuꞌu iyáloba isagüe lhe.

San Marcos 1:39

Larcala nna iyába lheꞌe ca yiesi seꞌe lo yu nu te láni Galilea güia Jesús güettixxiꞌa ca tisa gue Tata Do Iyyabaaha lheꞌe ca yoꞌo atta rudheti ca benni Israel ca tisa gue Benniha lhe bebequie ca be xxegüi yuꞌu lheꞌe cuerpu gue ca benni lhe.

San Lucas 1:80

Unto biꞌini lá Juan diababi rixenbi, tsitsiba diabi ridúbi lo neda gue Tata Do Iyyabaaha. Níaba udobi lo yu bisiha, axta atti bisía sá gaꞌana uleꞌe lobi leni ca benni Israel.

San Lucas 20:1

Ttu sá nna laca du Jesús lheꞌeliꞌa gue yotuha ruleꞌenie ca benni ca tisa gue Tata Do Iyyabaaha, bisíntteba ca nu lo gue ca bixxudiha lencana ca nu ruleꞌe nu rá lo ca ley bocaꞌana Moisés lhe ca nu teru elha rieni guecani gue ca benni Israel lhe.

San Lucas 4:18

Espíritu gue Tata Do Iyyabaaha yuꞌe lheꞌe cuerpu quia. Benna chi ulequiesie neti qui tsiaya quixxiꞌaya ca tisa tsee gue gaxasná rinnabia Tata Do Iyyabaaha len ca benni bittu te gueni. Udhelhaguabe neti qui quixxiꞌaya gaxasná lhá ca nu te lisiyya-na lhe qui unia iláni ca nu xua loquinna lhe qui odiláya ca nu seꞌe siꞌi-na lhe

San Lucas 9:6

Lania nna biríattebacabi diacabi lheꞌe iyába ca lheꞌesi seꞌe itúba nía utecabi rixxiꞌacabi ca tisa tsee gue gaxasná rinnabia Tata Do Iyyabaaha, reoncabi ca benni rani lhe.

Hechos 10:38

Anáguaba gua yubale, Tata Do Iyyabaaha betee Espíritu guee leni Jesús gue Nazaret, benie aca Benniha Benni ra xxeni leni lhe guayúguabale benniha nna güequie benie nu anca tsee, beonie ca nu ruyúcana elha disa de yuꞌu be xxegüi lheꞌe cuerpu guecani lhe. Iyá bunni benie cumu Tata Do Iyyabaahaba due len Benniha.

Hechos 13:32

’Anáguaba riꞌitu, riguixxiꞌaguabintu le ca tisa gue Ben-na, delába nu chi rá Tata Do Iyyabaaha ca benniola gueriha unie.

Romanos 10:15

¿Gasná tsiacana quixxiꞌacana gue Ben-na, gansi nuttuba te idhelan cana? Attiba rá lo ca sitsi gue Tata Do Iyyabaaha: “Attula de tsee ruleꞌe atti risía ca benni rixxiꞌa ca tisa gue Tata Do Iyyabaaha.”