San Lucas 7:47 - Zapoteco de Aloápam

⁴⁷ Denuala nna rpea lu, nuila-ni nna racaxxattinna quia. Cumu de chi te elha xen lasi gue ixeru ca nu lä anca tsee chi benna ttiaca nu lattirba elha xen lasi ridía gueni nna lattirguaba raquinna quia.

San Lucas 7:47 Iomraidhean Croise

1 Juan 4:19

Riꞌi nna raquinri gue Tata Do Iyyabaaha, cumu Benniha ucanie gueri primero.

1 Juan 3:18

Lebiꞌi ancale attiba xiꞌinto quia, bittu ni lo ni tisaba innári dequi raquinri gue ca loesri-na, sinuqui leni nu runri uleꞌe lori gualíguinri raquin gue loesri.

Gálatas 5:6

Cumu riꞌi atta chi ancari benni baba len Jesucristu, lärgabi daca si ancari nu ren senni nu labi ca unbiyuu Israel runcana o si bittu ren senni nu runcana leni ca unbiyuu Israel. Nu daca nna ancana ria leri Jesús, unnua runi raquin gue loesri.

Romanos 5:20

Ley bocaꞌana Tata Do Iyyabaaha leni Moisés bisíana qui guaniru adí ca tulha runi ca benni, ttiaca attiba guani adí ca tulha-na, aníaguaba adílaba de bedá le Tata Do Iyyabaaha guatúa lee ca benni,

Efesios 6:24

Laque aca lenque iyába ca benni racani ttu dia liiba gue Jesucristu Benni bananie ri-na. Amén.

1 Juan 5:3

Atti rudori tisa gue Benni benie mandadu unri nna lania ruleꞌe lori raquinri gue Ben-na. Nu benie mandadu unri nna läga anca ben-na ttu nu tsanni disinri unri.

1 Timoteo 1:14

Jesucristu, Benni bananie ri, bedaa lee uca lenie neti qui ria lasie, qui racatia gue adí ca benni lhe cumu de chi dua lenie.

Filipenses 1:9

Rinnaba lo Tata Do Iyyabaaha unie aca chiattin gue loesle adí, unie sadúru lele gue nu anca guee lhe gattaru elha rieni guele lhe

Hechos 5:31

Ttiaca Tata Do Iyyabaaha nna bedo lhuitta derechu guee Benniha benie aque Benni ra xxeni lee. Nianna benie aca Benniha benni rinnabia gueri lhe Benni rodile ri lhe qui anáchu riꞌi ca benni Israel-ni nna odú xiyyanri qui odaxxuri neda gue Tata Do Iyyabaaha, Benniha nna dhie elha xen lasi gue ca tulha gueri.

1 Juan 1:7

Ttiaca gansi seꞌebari lheꞌe xieni attiba Tata Do Iyyabaaha doe lheꞌe xieni, lania nna guaseꞌe tseeba len loesri. Reni gue Xiꞌinie Jesucristuha nna cue itú recha nu bittu anca tsee runri lo Tata Do Iyyabaaha.

San Lucas 7:39

Atti biláni fariseo nu uxna Jesús lheꞌe yoꞌo gueniha nna belabatteba leni rána: “Gansi gualíga anca unbiyuu-ni ttu profeta, lania nna guate daabinna nú nuila unná rudaxxuna ca niꞌani, gue bi runi unná lhe cumu unná nna nuila runi nu satsa bunna.”

San Mateo 10:37

’Benni racaruinna gue tata nan gueni attichula neti nna lägabi elha ralha nua acana benni quia. Nu racaruinna gue xiꞌin biyuuniha o gue xiꞌiniunnániha attichula neti nna lägabi elha ralha nua acana benni quia.

2 Corintios 5:14

Cumu nu racani Cristuha gueri, rudo besina riꞌitu untu nu runtu-ni. Cumu chiba yuxeabatu Cristuha uttie lo niꞌa gue iyábari. De unnuha nna iyábari ancari benni uttiguaba lenie.

San Lucas 7:46

Bittuguaba utabilu seti iquia lhe. Nuila-ni nna chi utabina seti rure xixxi ca niꞌaya-ni.

San Lucas 7:48

Jesús nna re nuilaha: —Chiba uxía elha xen lasi gue ca nu lä anca tsee chi benlu-na.