San Lucas 7:25 - Zapoteco de Aloápam

²⁵ Gansi läba anía anca, ¿núla biríale begüiale? ¿Si biríale qui ugüiale ttu unbiyuu nucu xo tsee gueni nu daca yaxi? Lebiꞌi nna gua yubale, ca nu nucu xo tsee guequinna lhe ca nu seꞌe redí baa nu reꞌoba lecani lhe lheꞌe yoꞌo lagüi atta sia ca nu rinnabia xenin liba siacana.

San Lucas 7:25 Iomraidhean Croise

San Mateo 11:8

Gansi läba anía anca, ¿núla biríale begüiale? ¿Si biríale qui ugüiale ttu unbiyuu nucu xo tsee gueni ttu nu daca yaxi? Lebiꞌi nna gua yubale, ca nu nucu xo tsee guequinna lheꞌe yoꞌo atta do nu rinnabia xenin liba seꞌecana.

San Mateo 3:4

Ca xo Juan ancacana leni itsa xo nimala te láni camello. Nu ridhí lheꞌebi nna ancana ttu yieti. Elha go robi nna ancana nu xixxi iꞌiya, nu anca attiba uxxaru lána langosta lhe.

San Mateo 6:29

Ttiaca neti ria le, niba Salomón nu uca nu rinnabiaha, masquiba chi uttaxxatta gueni, tsa bittu udána ucu xo ruleꞌe tsee gueni qui uleꞌena atti ruleꞌe ca iyya-na.

San Lucas 16:19

’Udo ttu unbiyuu uttaxxatta gueni. Tsitsiba sipa redúna len ca xo daca racalaa gueni, ttu ttu sába runna laní rugo tseena benni.

San Lucas 7:24

Atti chi güequi ca benni udhelha Juan, udulotteba Jesús utixxiꞌenie ca benni seꞌe nía gue Juan. Nianna re: —Atti biríale diale güegüia Juan lo yu bisiha, ¿gasná anca benni ribedale ilenle? ¿Si ribedabale ilenle ttu unbiyuu bittu du tsitsi len nu rulaba leni attiba ttu yittixtila dia dedaaba len be-na?

San Lucas 7:26

¿Núla nua biríale begüiale ganna? ¿Si ttu benni anca profeta? Neti ria le gualíba. Juan ancabi biꞌini ra xxenru lebi atti ttu benni anca profeta.