San Lucas 7:16 - Zapoteco de Aloápam

¹⁶ Iyába ca nu seꞌe nía nna usixxattaquinna atti ulequi xencana Tata Do Iyyabaaha rácana: —Ucaxxeba ttu profeta ra xxeni leni len riꞌi. Ráguabacana: —Bisíaba Tata Do Iyyabaaha len riꞌi qui aca lanie ca benni guee-ni.

San Lucas 7:16 Iomraidhean Croise

San Mateo 15:31

Iyába ca benni seꞌe nía bebanquinna atti biláquinna rinne ca nu uca biríaha, ca nu bittu ttu lhaꞌa niꞌacani o lhaꞌa nácani te nna beacacana idaꞌa, ca nu xiha nna raca ridacana, ca nu xua locaniha nna riláquinna. Lacana nna udulottebacana ulequi xencana Tata Do Iyyabaaha, Benni anque Dios gue ca benni Israel.

San Mateo 21:11

Ca benni denoha nna rácana: —Jesús Benni anque profeta gue Tata Do Iyyabaahaba Ben-na, Benni beaca lasie lheꞌesi Nazaret nu re lo yu gue Galilea.

San Mateo 28:8

Nianna beríatteba ca nuilaha lheꞌe atta te baaha, rasbaquinbi lhe reꞌoba lecabi lhe atti bexunnittebacabi deyyacabi güetixxiꞌen ca benni bedheti ca tisa beleꞌe Jesús iyába nu uca.

San Mateo 9:8

Atti bilen ca benni seꞌe nía nu ucaha nna bebanlhabaquinna. Nianna ulequi xenttebacana Tata Do Iyyabaaha de bete Benniha elha rinnabia gue ca benni qui eyoncana ca nu rani.

San Lucas 1:65

Iyába ca benni seꞌe gaxxa atta do Zacarías uca teequinna. Anáguaba lheꞌe iyába ca lheꞌesi seꞌe atta sia ca iꞌiya sia lo yu nu te láni Judea rinne ca benni gue nu uca.

San Lucas 1:68

¡Ribequi xenia Tata Do Iyyabaaha, Benni bananie riꞌi ca benni Israel-ni, cumu chi bisíe odile riꞌi ca benni guee!

San Lucas 19:44

Yies-ni nna tsaba cuequi tinacan na lo yu, itupa lenna ca benni seꞌe lheꞌeni. Ni ttu iyya coa-na bittu eyaꞌana iqui loesni, cumu lebiꞌi nna tsa läga güia lele, Tata Do Iyyabaahaba udhelhe neti qui odiláya le.

San Lucas 2:20

Ca benni ruyú ca carneꞌeha nna atti bequicabi deyyacabiha nna bilhattebacabi gue Tata Do Iyyabaaha rácabi: “¡Xxeni ra le Tata Do Iyyabaaha!” Rugüecabi Benniha xquixarue gue iyába nu chi bienquinbi lhe biláquinbi lhe, cumu iyába nu rá ingeliha guaxxína.

San Lucas 24:19

Laniala unnaba tisa Jesús re: —¿Bi uca? Lacabi nna rácabi Benniha: —Nu guate Jesús gue Nazaret. Benniha uque ttu profeta, lee nna xxeniba anca ca milagru benie lhe anáguaba nu unnee lhe benie nua lo Tata Do Iyyabaaha lhe lo iyába ca benni lhe.

San Lucas 5:26

Iyába ca nu seꞌe nía bebanxxattaquinna nianna ulequi xenttebacana Tata Do Iyyabaaha. Itú rasbaquinna rácana: —¡Nasá begüiari ttu nu benna bebaninri!

San Lucas 5:8

Atti biláni Simón biꞌini teeguaba lábi Pedro nu ucaha nna bedútteba xibibi lo Jesús rábi: —¡Ubietta atta dua-ni Tata Xis quia, cumu neti anca nu te tulha gueni lo Tata Do Iyyabaaha!

San Lucas 7:15

Lania nna uncuiti chi uttiha nna beacattebinna guadhattebana udona, atti udulottebana unnena. Jesús botettebe na len nan gueniha.

San Lucas 7:39

Atti biláni fariseo nu uxna Jesús lheꞌe yoꞌo gueniha nna belabatteba leni rána: “Gansi gualíga anca unbiyuu-ni ttu profeta, lania nna guate daabinna nú nuila unná rudaxxuna ca niꞌani, gue bi runi unná lhe cumu unná nna nuila runi nu satsa bunna.”

San Lucas 8:37

Laniala nna iyába ca benni seꞌe lo yu gue yiesi Gadara bencana ruegu lo Jesús qui eríe atta seꞌecanaha, de rasixxattaquinna. Anía uca nna beopitteba Jesús lo barcoha qui bede nía.

San Lucas 9:19

Ca biꞌiniha nna becabicabi rácabi: —Ttulhe benni rácana lu ancalu Juan biꞌini begadi indaha, adí benni nna rácana lu ancalu profeta Elías, adí benni nna rácana gaxa ttu ca benni uca profeta gue Tata Do Iyyabaaha useꞌe atti níali biꞌin-na beacani.

San Juan 1:21

Lacana nna bedennaba tisa dacabacana biꞌiniha redeácan bi: —¿Núla ancalu ganna? ¿Si luba nua profeta Elías? Juan becabibi rábi: —¡Dica! Nianna, redeácan bi: —¿Si luba nua profeta chi gaꞌana isía aca? Labi nna becabibi rábi: —¡Dica!

San Juan 1:25

Lacana nna unnaba tisattebacan bi rácanbi: —¿Biacala nna rugadilu benni inda gansi läba lu nua Cristuha, bittuguaba lu nua Elías lhe bittuguaba ancalu profeta lhe?

San Juan 4:19

Nuilaha nna ráne: —Neti nna racatia lu ancalu ttu profeta.

San Juan 6:14

Atti biláni ca benni milagru beni Jesús, ráttebacana: —Gualíba Benniba nua profeta chi gaꞌana isía yies lo yu-ni.

San Juan 9:17

Bedennaba tisa dacabacana unbiyuu uxua loniha redeácan na: —Lu nna ¿bila rálu gue nu benna rilenlu-na? Lana nna rána: —Neti nna ria, Ben-na anque ttu profeta.

Hechos 5:5

Atti bienini Ananías unnuha nna beyyattebana udhá, nianna uttittebana. Iyába ca nu binacana gue nu ucaha nna usixxattaquinna.

Hechos 7:37

Moisés guaba nua rábi ca benni Israel: “Tata Do Iyyabaaha idhelhe ttu benni anque profeta attiba neti. Benniha nua aque Benni datíale.”

Gálatas 1:24

Lacabi nna ribequi xencabi le Tata Do Iyyabaaha de nu benie len neti.