San Lucas 7:13 - Zapoteco de Aloápam

¹³ Atti biláni Jesús nuilaha nna guatúatteba lee nua, nianna re na: —Bittu cueslu.

San Lucas 7:13 Iomraidhean Croise

San Marcos 8:2

―Resiꞌirutia ca benni seꞌe-ni, cumu chi uca tsunna ubisa seꞌecana len neti, lacana nna tsa bittu te bixa gocana.

San Lucas 10:1

Dequide unnuha nna becuee Jesús a gayuna yuꞌu tsiꞌinu (72) ca benni rudheti ca tisa ruleꞌe. Ca biꞌiniha nna udhelhe chupa chupacabi, bennerue ca biꞌiniha tsiacabi lheꞌe iyába ca yiesi atta tsie.

San Lucas 11:1

Ttu libe atti do Jesús güenne len Tata Do Iyyabaaha ttu re. Atti uluxa unnee len Tata Do Iyyabaaha nna ttu ca biꞌini rudheti ca tisa ruleꞌe, rábi Benniha: —Benni bananie neti, beleꞌen riꞌitu gaxasná dica innetu len Tata Do Iyyabaaha attiba Juan beleꞌenbi ca benni bedheti nu beleꞌebi.

San Lucas 11:39

Ttiaca Jesús re unnuha: —Lebiꞌi, ca fariseo, ancabale attiba ca taza-na lhe ca platu-na lhe lebiꞌi nna tsapaba riile cuꞌecani ttiaca lhiꞌu lheꞌecani nna attulade satsa anca. Aná bunna ancale, sunruba lolia guele nari ttiaca lhiꞌu lheꞌe lastoole nna attulade re nu satsa, nu ridá lele lhanale lhe nu bittu anca tsee runle-na lhe.

San Lucas 12:42

Nianna rá Jesús: —¿Nú nua ancana benni rudo tisa te elha rieni gueni bodú benni bananie na qui gapana ca benni riben sina lheꞌe yoꞌo guebiha, utena nu go ca nua ura guecani lhe?

San Lucas 13:15

Jesús becabie re: —Lebiꞌi, ca nu ni lo ni tisaba runi dequi ancale nu runi nu anca tsee, lä gua rudhanba cua ttu ttule uꞌuna guele o burru guele sá redí leri-ni qui tsia lenle nua sagüiꞌale na inda.

San Lucas 17:5

Ca biꞌini rudheti ca tisa ruleꞌe Jesús, rácabi Benni bananie cabi: —Ben qui tsiar letu lu adí.

San Lucas 17:6

Jesús becabie re cabi: —Gansi lebiꞌi ria lele ladiba saroꞌoto attiba ttu besi gue coana murtasa ancana nu chicaꞌato, lania nna guacaba gále yaga du-ni: “Bilupi atta yadalha nna güia beyada lo indattoo-na.” Yagaha nna gudobana tisa guele.

San Lucas 18:6

Jesús re: —Gualudo nagale gue nu rá xueda bittu runi nu daa loni unna.

San Lucas 19:8

Ttiaca Zaqueo nna udulíttebana rána Jesús: —Benni bananie neti, begüiarga, neti utea len ca benni bittu te gueni rulha xea gue iyába nu te quia. Gansi ulana nuxa benni leni nu ben lasia nna, ttapa libe nu uxí sigáya gueni otea len lana.

San Lucas 22:61

Laniala nna bodequi lo Jesús begüie lo Pedro. Pedro nna bexxatteba lebi gue atti unne benni bananie ri-na re: “Nnela antisla cuesi berudi-na, lu nna chila beyonna libe bittu ridí roꞌolu anca bienlu neti.”

San Lucas 24:3

Utaꞌabacabi lhiꞌu nna lärga nu cuerpu gue Jesús Benni bananie ri biláquinbi nía.

San Lucas 24:34

Ca benni seꞌe nía nna rácabi a chupa ca biꞌiniha: —Gualíba, beacabani Jesús. Simón chi bilenbi Benniha.

San Lucas 7:12

Atti chi bisíne gaxxaba roꞌo puerta du roꞌo yiesiha, nía bilánie ca benni diacana güecatsi ttu nu yatti. Nan gue uncuiti uttiha nna ancana nuila bidabi, tturu nua xiꞌinni do. Ca benni gue yiesiha nna ixerucana dia lencan nuilaha.

San Lucas 7:14

Laniala nna ubigue, guattane roꞌo atta xua nu yattiha. Ca nu nujacan unnuha nna uledattebacana. Jesús nna unnettebe re nu yattiha: —Uncuiti, lu rulisa, guadha.

San Lucas 7:19

nianna udhelhabi ca biꞌiniha sannaba tisa tseecabi Jesús gácabi Benniha gansi cuine nua benni chi gaꞌanani Tata Do Iyyabaaha isía, si cuedabacabi attu benni subi, aca.

San Lucas 8:52

Iyába ca benni seꞌe nía ribescana lhe seꞌe siꞌicana lhe gue nuiltoha. Ttiaca Jesús nna unnee re: —Bittu cuesle. Läga utti unná. Tiꞌedhi bunna.

San Juan 11:2

María dana Lázaro nu raniha nua uluꞌuna seti rure xixxi niꞌa Jesús. Leni itsiquibani bodibisna ca niꞌa Benniha.

San Juan 11:3

Irpa xilabacani udhelhacana rasona len Jesús rácane: —Raniba nu raca xxattinlu gueniha, xa tata.

San Juan 20:13

Ca ingeliha nna unnaba tisacabi rácabi: —Xa nuila du-na, ¿biaca ribeslu? Labi nna becabibi rábi: —Cumu dechebacana Benni bananie neti. Neti nna bittu yua gaxa guacaꞌancane.

San Juan 20:15

Jesús unnaba tise re biꞌiniha: —Nuila, ¿biaca ribeslu? ¿Nú reguilalu? Labi nna uquinbi ga nu rapa lo yu atta daa ca ya xixxihaba nua, nuarca rábi: —Xa Tata, gansi luba dechelu Benniha nna utixxiꞌen neti gaxa guacaꞌanlu Benniha qui tsiaya saxíe.

San Juan 4:1

Ca benni fariseo chi binacana dequi ixeru benni chi denoo Jesús, ixerguaba benni rugadie inda atti Juan lhe.

San Juan 6:23

La ságuaba nua besina ca barco dedaa daca lheꞌesi Tiberias gaxxaba atta uto ca benni ttaxtila dequide bete Benni bananie ri-na xquixaru leni Tata Do Iyyabaaha.

1 Corintios 7:30

Ca benni seꞌe ubesi-na uncana attisiba bittuba seꞌe siꞌicana. Ca nu seꞌe güexisi-na uncana attisiba bittuba re itta lecani. Ca nu roꞌo guecani-na uncana attisiba bittubabi te guecani.

1 Tesalonicenses 4:13

Lebiꞌi ca benni ria le Jesús attiba riꞌitu. Riꞌitu nna raca letu unale bixa sate ca benni yatti-na, qui bittu tseꞌe siꞌile, attiba ca benni bittu ria le Jesús bittu xen lecani eyacani ca nu yatti-na.

Hebreos 2:17

Denuala nna labíaba uque Benni attiga ancari riꞌi ca benni raca betsie, aníaliba nna beꞌeyue uque lo Tata Do Iyyabaaha ttu bixxudi xeni rinnabia, bixxudi ratúa lee lhe bixxudi rudo tisa lo sina gue Tata Do Iyyabaaha lhe. Aníaliba nna qui utixe gue ca tulha gue ca benni de belalie reni guee lo ya crusiha.

Hebreos 4:15

Jesús Benni anque bixxudi xeni gueri-na gua ratúaba lee ri, de ancari benni nu nnelaba rixúyiena runna nu bittu anca tsee. Cumu anáguaba Ben-na, uxacaguaba nu xxegüiha dhi yiene atti udoe yies lo yu-ni atti guaba runi unná len riꞌi nnanna. Ttiaca bittu bixúyie unie ni ttu nu lä anca tsee.