San Lucas 5:5 - Zapoteco de Aloápam

⁵ Simón nna becabibi rábi: —Maestro, betuelaba tsitsiba uyuꞌutu sina, nianna niba ttu belha bittu biaxxuintu. Ttiaca gansi anába rá cuinalu nna udelhaba yexxa-ni.

San Lucas 5:5 Iomraidhean Croise

San Lucas 17:13

atti uresiꞌacana rácana: —¡Maestro Jesús, guatúachi lelu riꞌitu!

San Lucas 8:24

Laniala nna guadibáncabi Jesús rácabi Benniha: —¡Maestro! ¡Maestro! ¡Chi rettiri lheꞌe inda-ni! Jesús guadhattebe bedhaca dise beha lhe nu ridulí lo indaha lhe ca unnuha nna bebetteba lecani, síba beacatteba.

San Lucas 8:45

Laniala nna unne Jesús re: —¿Núnna utanana roꞌo xoa? Cumu iyába ca benni rácana dequi läga lacana utanacana roꞌo xo Benniha, nuarca unne Pedro [lenbi adí ca biꞌiniha] rácabi: —Maestro, iyába ca benni seꞌe-ni rientsacan lu, ruquícan lu lhe, nianna gua rárlu: “¿Núnna betettanana roꞌo xoa?”

San Lucas 9:33

Atti chi reries ca biꞌiniha Jesús, unnetteba Pedro rábi Benniha: —Maestro, tsee galá guaxxína seꞌetu nii. Nnanna nna untu tsunna yoꞌo lhaga: ttu guelu nna, attu gue Moisés nna, attu gue Elías nna. Pedro nna niba lä yubi bixa nua rábi.

San Lucas 9:49

Juan ráttebabi Jesús: —Maestro, riꞌitu chi bilentu ttu nu requi ruríalana ca be xxegüi atti rudettina lálu, ttiaca unná nna läga riꞌi selunna. Larcala nna chi besunatu qui bitturu unna aná.

San Juan 15:14

Lebiꞌi ancale ca benni seꞌe tsee lania gansi udole tisa unle nu chi rpea le unle.

San Juan 2:5

Nan gue Benniha nna ráttebabi ca nu beseꞌe aca mandadu gue laníha: —¡Gualuni iyába nu inná Ben-ni!

San Juan 21:3

Simón biꞌini láguaba Pedro rábi ca biꞌiniha: —Tsiaya güedaxxu belha. Lacabi nna becabicabi rácabi: —Dhaba riꞌitu len luu. Laniala nna diacabi, gopittebacabi lo ttu barco, ttiaca la elaha nna tsa bittu biexxuincabi ni ttu belha.