San Lucas 5:21 - Zapoteco de Aloápam

²¹ Lania nna ca nu ruleꞌe nu rá lo ca ley bocaꞌana Moisés lencana ca fariseo, udulottebacana belaba lecani rácana: “¿Nú anca unbiyuu du-ni nna rinne güena gue Tata Do Iyyabaaha leni nu rána? ¿Nú aca gueni dhína elha xen lasi gue ca tulha gue ca benni? ¿Läba sunruba Tata Do Iyyabaaha aca guee dhie elha xen lasi gue ca tulha-na?”

San Lucas 5:21 Iomraidhean Croise

San Mateo 26:65

Lania nna uchedatteba xo bixxudi xeni rinnabiaha de bisaꞌaxxattinna. Atti ráttebana: —¡Rigúabunna balaꞌana gue Tata Do Iyyabaaha! Lärga nurua reasinri quixxiꞌenna ri gue bixa runi unní, cuinaba lebiꞌi chi bieninle rinne güena gue Tata Do Iyyabaaha.

San Mateo 9:3

Nianna ttulhe ca nu ruleꞌe nu rá lo ca ley bocaꞌana Moisés, belabatteba lecani rácana: “Unbiyuu du-ni nna rinne güebunna gue Tata Do Iyyabaaha rána aná.”

San Lucas 3:8

Gualuni nu anca lhatsiru qui uleꞌe lo gualí chi bodú xiyyanle bodaxxule neda gue Tata Do Iyyabaaha. Bittu aquinle ulaba lele innále: “Gualába riꞌitu de ancatu benni datía Abraham.” Cumu neti nna gualíbatia ria, axta ca iyya seꞌe-ni guacaba eyon Tata Do Iyyabaaha cana benni datía Abraham.

San Lucas 5:17

Ttu sá nna laca do Jesús güeleꞌen ca benni, níaguaba sia ca benni fariseo lhe ca nu ruleꞌe nu rá lo ley bocaꞌana Moisés lhe. Ca unnuha nna dacana deca lheꞌe ca yiesi baba lo yu gue Galilea, lo yu gue Judea lhe lheꞌe yiesi Jerusalén lhe. Elha ra xxen le gue Tata Do Iyyabaaha due len Jesús qui reonie ca benni rani.

San Lucas 5:22

Ttiaca Jesús yuxeabe nu rulaba le ca nua, nianna re cana: —¿Biaca rulaba lele aná?

San Lucas 7:49

Adí ca nu sia go etta roꞌo mexaha nna udulottebacana unnaba tisa loescani rácana: —¿Nú anca unní nna ridíguabana elha xen lasi gue ca nu lä anca tsee run benni lo Tata Do Iyyabaaha?

San Juan 10:33

Ca benni Israel nna becabicana rácana: —Läga usia riꞌitu lu iyya lo niꞌa gue ca milagru tsee runlu-na. Usiatu lu iyya cumu len nu rálha nna rinne güelu gue Tata Do Iyyabaaha. Lu nna benniba ancalu nna runlu dequi ancalu Dios.

Romanos 8:33

¿Nú eyaxinna innábana aca elha uxtisi gue ca benni chi becuee Tata Do Iyyabaaha anca guee? Inqui cuinaba Tata Do Iyyabaaha chi re, riꞌi chi ancari benni bitturu tulha gueni te.