San Lucas 5:1 - Zapoteco de Aloápam

¹ Ttu libe do Jesús roꞌo indattoo te láni Genesaret. Ca benni seꞌe nía nna ruquílhabacane de rdacacana iyienquinna ca tisa gue Tata Do Iyyabaaha rinne Benniha.

San Lucas 5:1 Iomraidhean Croise

San Mateo 11:12

’Desdeba atti udulo Juan biꞌini rugadi indaha rixxiꞌabi ca tisa gue Tata Do Iyyabaaha axta nnanna ixe ca benni runcabi duelha iselacabi ca benni rinnabia Tata Do Iyyabaaha, masquiba bicaxa ratecabi. Ttiaca sunruba ca benni re tsitsi lecabi gua ridacabi riselacabi ca biꞌin-na.

San Mateo 14:34

Dequide chi ulhácabi ttu ladu gue indattooha nna bisínttebacabi lo yu nu te láni Genesaret.

San Marcos 3:9

Lo niꞌa gue de seꞌexxatta benni nía, nuarca rátteba Jesús ca benni rudheti ca tisa ruleꞌe udú tseecabi ttu barco qui tsopie lo nua. Anía liba nna bittu uquíxxatta ca benni Benniha.

San Marcos 4:1

Jesús bededulottebe bodoleꞌenie ca benni bisína atta doe gaxxaba roꞌo indattooha. Ttiaca cumu de yatterba de reru benni bisína nía, nuarca gopittebe udoe lo ttu barco xua lo indattooha. Ca benni seꞌe nía nna bedaa roꞌo indahaba useꞌecana.

San Marcos 5:24

Jesús diatteba lenie na. Ixeru ca benni dia denocana Benniha, larcala ruquílhabacane.

San Marcos 6:53

Dequide chi ulhácabi ttu ladu gue indattooha nna bisínttebacabi lo yu nu te láni Genesaret. Níaba bexxicacabi barcoha roꞌo indattooha.

San Lucas 12:1

La laniaguaba nua nna balhala mili benni bitupa atta do Jesús. De yarba de ixe ca benni chi raca, nuarca risinxxatta lheꞌe loescani. Jesús unnee belise primerba ca biꞌini rudheti ca tisa ruleꞌe re cabi: —Gualdo cuidadu len levadura gue ca fariseo-na. Diatia ria, lacana ancacana nu ni lo ni tisaba runcana dequi ancacana nu runi nu anca tsee.

San Lucas 5:2

Nianna biláni Jesús chupa ca barco seꞌecana gaxxaba roꞌo indattooha. Ca benni rudaxxu belhaha nna chila guadícana lo ca nua, güi ca yexxa guecanihaba yuꞌucana.

San Lucas 8:22

Ttu sá nna utaꞌa Jesús lenie ca biꞌini rudheti ca tisa ruleꞌe lheꞌe ttu barco. Nianna, re ca biꞌiniha: —Tteri daca attu ladu gue inda-ni. Laniala nna diattebaque.

San Lucas 8:23

Ttiaca laca dia lenque barcoha lo indaha nna lee nna uttaꞌadhittebe. Attirba chi bisía ttu iyya be idí lo indattooha, barcoha nna udulotteba nua bisána inda. Denua nna ruxunnina gueque tsettique lheꞌe indaha.

San Lucas 8:33

Ca be xxegüiha nna beríattebacana lheꞌe cuerpu gue unbiyuuha qui betaꞌacana lheꞌe ca cutsiha. Ca cutsiha nna bigaattebacana bitoetticana roꞌo belhaꞌa daa nía biyinnacana lheꞌe indattooha. Níaba utti ca nua de gopicana inda.

San Lucas 8:45

Laniala nna unne Jesús re: —¿Núnna utanana roꞌo xoa? Cumu iyába ca benni rácana dequi läga lacana utanacana roꞌo xo Benniha, nuarca unne Pedro [lenbi adí ca biꞌiniha] rácabi: —Maestro, iyába ca benni seꞌe-ni rientsacan lu, ruquícan lu lhe, nianna gua rárlu: “¿Núnna betettanana roꞌo xoa?”

San Juan 1:40

Andrés betsi Simón biꞌini láguaba Pedro, biꞌiniha nua ttu ca nu chupa bienini ca tisa rixxiꞌa Juan, dia deno Jesús.

San Juan 6:1

Dequide lania nna diatteba Jesús daca attu ladu gue roꞌo indattoo gue Galilea, nu teeguaba láni indattoo gue Tiberias.

Hebreos 13:7

Gualorexxa lele gue gaxasná bedú le ca benni uca nu lo gueleha, ca biꞌini utixxiꞌaquinbi le ca tisa gue Tata Do Iyyabaaha. Gualulaba lele gue nu tsee ben ca biꞌiniha, gualusigui gualtsia lele Tata Do Iyyabaaha attiba güia le ca biꞌiniha Ben-na lhe.