San Lucas 4:41 - Zapoteco de Aloápam

⁴¹ Ixeguaba ca benni raniha bería ca be xxegüi lheꞌe cuerpu guecani. Ca be xxegüiha nna ribesiꞌacana rácana: —¡Lu ancalu Xiꞌini Tata Do Iyyabaaha! Ttiaca lee nna rudhaca dise cana, bittu rugüelhe cana innecana, cumu ca unnuha nna yubacana Benniha anque Cristu benni chi gaꞌanani Tata Do Iyyabaaha odile ca benni.

San Lucas 4:41 Iomraidhean Croise

San Mateo 26:63

Ttiaca Jesús tsa läga becabie gueni. Lania la nna bedennaba tisa bixxudi xeni rinnabiha Benniha attu libe ráne: —Tata Do Iyyabaaha Benni doe anque Benni bani rudettia, rinnaba lolu quixxiꞌalu gansi lu nua Cristu, Xiꞌini Tata Do Iyyabaaha.

San Mateo 4:3

Nu xxegüiha nna ubigattebana rána Benniha: —Gansi gualínlu ancalu xiꞌin Tata Do Iyyabaaha, gus ca iyya-ni eyacacana ttaxtila.

San Mateo 8:16

Atti chi dia raquela nna uchetteba ca benni ixeru ca nu yuꞌu be xxegüi lheꞌe cuerpu guecani lo Jesús. Benniha nna careꞌaba leni ttu tisa bebequie ca be xxegüiha, beonie iyába ca nu raniha lhe.

San Mateo 8:29

Lacana nna uresiꞌattebacana rácana: —¿Bittu ettegaꞌa guelu len riꞌitu, Jesús, Xiꞌini Tata Do Iyyabaaha? ¿Si dachilu qui utelu elha disa guetu, inqui chi isíala sá atti dhítu elha disa nna?

San Mateo 8:4

Laniala rá Jesús unbiyuuha: —¡Binarga! Tsa nuttu nu quixxiꞌenlu. Nu unlalu nna güia guatsá du lo bixxudiha qui ugüiana lu nna chiba beacalu. Bijatte úna nu daa lolu utelu gue Tata Do Iyyabaaha, beni attiba rába lo ca ley bocaꞌana Moisés, qui ugüia ca benni lu nna chiba bitúa isagüe gueluha.

San Marcos 1:25

Jesús bedhaca disattebe be xxegüiha re na: —¡Bedhea roꞌolu nna beríatte lheꞌe unbiyuu-na!

San Marcos 1:32

Atti chi dia raca ela, dequide chi goadi tatubisa-na, uchetteba ca benni ca nu rani lhe ca nu yuꞌu be xxegüi lheꞌe cuerpu guecani lhe lo Jesús.

San Marcos 1:34

Jesús nna beonttebe ixeru ca benni rani ca nu ixe loba isagüe rdacacana, bebee ixeru ca be xxegüi yuꞌu lheꞌe cuerpu guecani lhe. Lee nna tsa läga begüeelhe ca be xxegüiha innecana cumu guayúba ca nua nuxa anca Benniha.

San Marcos 3:11

Gansi chi riláni ca be xxegüi yuꞌu lheꞌe cuerpu gue ca nu seꞌe nía Jesús, rudútteba xibicani lo Benniha atti ribesiꞌani cana rácana: —¡Lu nua xiꞌini Tata Do Iyyabaaha!

San Lucas 4:39

Jesús bedeatta iquie atta te nuilaha, atti bedhaca dise xilháha. Unnuha nna beríattebana lati biꞌiniha. Nuila nna snaba lania guadhattebabi benbi nu go ca benni seꞌe nía.

San Juan 20:31

Ca ben-ni nna ucaque lo sitsi qui anáchu lebiꞌi nna tsia lele Jesús anque Cristu Benni chi gaꞌanani Tata Do Iyyabaaha odile ca benni, anque Xiꞌini Tata Do Iyyabaaha lhe. De tsia lele gue Ben-na nna gatta elha nabani guele iyyabaaha ttu dia lii.

Santiago 2:19

Lu nna tseeba runlu de ria lelu ttuba ttu Tata Do Iyyabaa do. Anáguaba ca nu xxegüi-na riaguaba le ca unná ttuba ttu Tata Do Iyyabaa do. Denuala nna rixidinicana de rasbaquinna.