San Lucas 4:40 - Zapoteco de Aloápam

⁴⁰ Atti chi dia ubisa-na chadina, iyába ca benni seꞌe benni rani guecani gue bixaba isagüe, uchettebacana ca unnuha lo Jesús. Benniha nna bexxúa nee iqui ttu ttu ca nua qui beonie cana.

San Lucas 4:40 Iomraidhean Croise

San Mateo 11:5

Gualgás na: ca nu xua loquinna riláquinna ca nu xi-na ridacana lhe ca nu raca cuerpu guecani nu anca attiba yiesusu te láni lepra reacacana lhe ca nu cuesu-na rienquinna lhe ca nu yatti-na reacaquinna lhe ca benni bittu te guecani chi runacana ca tisa tsee gue gaxasná rodilá Tata Do Iyyabaaha ca benni lhe.

San Mateo 14:13

Atti bina Jesús nu guate Juan, ubiattattebe nía. Ttube die lo ttu barco daca atta nuttu benni seꞌe. Ttiaca atti bina ca benni nna biríattebacana lheꞌe ca lheꞌesi guecaniha, niꞌabacani diacana denocana Benniha.

San Marcos 3:10

Cumu de yarba de re ca nu rani chi beonie, nuarca iyába adí ca nu yuꞌu isagüe seꞌe nía, rixuua-ni cana iqui Jesús qui ttixaca galhacana canacana Benniha.

San Marcos 5:23

Nianna unnesiꞌixxattattebana ráne: —Chi ratti xiꞌiniunnáyaha. Utáxxi bexxúa nálu iquini qui eyacana, bittu gattina.

San Marcos 6:5

Nioca nuarca bittu uca unie ca milagru nía. Sunruba ttu chupa ca benni rani bexxúa nee iquicaniha beacacana.

Hechos 19:12

Larcala axtaba ca lari ruxí lobi lhe ca lari rixuinbi rucubi ribenbi sina lhe rechecana atta seꞌe ca benni raniha. Ca unnuha nna reacattebacana, ca be xxegüi yuꞌu lheꞌe cuerpu guecaniha lhe reríattebacana.

Hechos 5:15

Axtaba roꞌo ca nedaha ribeacana ca benni raniha, rixxacana ca nua lo taꞌa lhe lo breta lhe qui gansi chi utee Pedro nna ladiba xula guebi tsuꞌu atta te ca nua qui eyacacana.