San Lucas 4:32 - Zapoteco de Aloápam

³² Ca benni seꞌe nía nna bebanbaquinna gue nu ruleꞌenie cana, cumu rinnee ca tisa ruleꞌe lo anque Benni ra xxeni lee.

San Lucas 4:32 Iomraidhean Croise

San Marcos 1:22

Ca unnuha nna rebanbaquinna gue atti ruleꞌe Benniha, cumu rinnee atti rinne ttu benni ra xxeni leni, läga atti rinne ca nu ruleꞌe nu rá lo ca ley bocaꞌana Moisés.

San Lucas 2:47

Iyába ca nu rienquinna gue Benniha nna rebanbaquinna gue elha rieni te guee, gue nu recabie lhe.

San Lucas 4:33

Lheꞌe yoꞌo atta rudheti ca benni Israel ca tisa gue Tata Do Iyyabaaha du ttu unbiyuu yuꞌu be xxegüi lheꞌe cuerpu gueni. Unnuha nna uresiꞌana itú iqui itú leni rána:

San Lucas 4:36

Iyábacana usquinna, nianna rinnaba tisa loescani rácana: —¿Gaca gasnonni anca ca tisa rinne Ben-ni? Leni elha ra xxeni lee lhe leni elha rinnabia lhe runie mandadu ca be xxegüi-na qui eríacana, ca be xxegüi-na nna rudobacana tisa reríacana.

San Juan 6:63

Espíritu gue Tata Do Iyyabaaha rute elha nabani guele ttu dia lii, läga bela gue cuerpu guele-na unná rute elha nabani guele. Ca tisa rinnea-ni nna ancaque gue Espíritu gue Tata Do Iyyabaaha rute elha nabani gue ca benni ttu dia lii.

San Juan 7:46

Ca güensinaha nna becabicana rácana: —¡Ni ttu benni bittu chi bienintu innena atti rinne nua!

2 Corintios 4:2

Larcala, iyába nu lä anca tsee run gatsi benni, nu runna rettuinri lo benni, chi uluꞌu niꞌatu. Riꞌitu nna lägabi ancatu nu resiꞌinu ridí yie, lä rixxiꞌaguabatu nu bittu raxxína len ca tisa gue Tata Do Iyyabaaha lhe. Lugar quiba unnuha nna aní lo Tata Do Iyyabaaha rixxiꞌabatu suntteba nu anca gualí. Anába runtu qui rodhaꞌantu las ná ca benni oquinna iquicani tseeba anca nu runtu.

1 Tesalonicenses 1:5

Cumu atti utixxiꞌentu le ca tisa tsee gue Jesucristuha, läga sunru leni tisa utixxiꞌentu le Ben-na, cheeguaba Ben-na elha ra xxen lee gue Espíritu gue Tata Do Iyyabaaha. Riꞌitu nna itú iqui itú letu yutu anca nu ratu leha nu gualí. Gua yubale gue gasná bedú letu atti useꞌetu len lebiꞌi de bentu qui salía tseenle.

Tito 2:15

Ca tisa-ni beleꞌen ca benni ria le Cristuha, lu nna teba derechu guelu ulisalu cabi qui uncabi nu rálu cabi, quisalu ca nu bittu rudocana tisa lhe. Bittu ugüelhalu cuꞌu niꞌacani lu.