San Lucas 4:18 - Zapoteco de Aloápam

¹⁸ Espíritu gue Tata Do Iyyabaaha yuꞌe lheꞌe cuerpu quia. Benna chi ulequiesie neti qui tsiaya quixxiꞌaya ca tisa tsee gue gaxasná rinnabia Tata Do Iyyabaaha len ca benni bittu te gueni. Udhelhaguabe neti qui quixxiꞌaya gaxasná lhá ca nu te lisiyya-na lhe qui unia iláni ca nu xua loquinna lhe qui odiláya ca nu seꞌe siꞌi-na lhe

San Lucas 4:18 Iomraidhean Croise

San Mateo 11:5

Gualgás na: ca nu xua loquinna riláquinna ca nu xi-na ridacana lhe ca nu raca cuerpu guecani nu anca attiba yiesusu te láni lepra reacacana lhe ca nu cuesu-na rienquinna lhe ca nu yatti-na reacaquinna lhe ca benni bittu te guecani chi runacana ca tisa tsee gue gaxasná rodilá Tata Do Iyyabaaha ca benni lhe.

San Mateo 12:18

Nii du Ben-ni ixuu lo sina quia. Ben-na chi becueea. Lee racatia guee, len lee do tseea lhe. Neti nna unia qui tsuꞌu Espíritu quia lheꞌe cuerpu guee. Lee nna tsequie quixxiꞌanie iyárechaba benni gue gaxasná unia qui salía tseen cana.

San Mateo 12:20

Benniha nna läga ulhuxe ca benni bittu ra xxeni lecani, bittuguaba bi udhaque ca benni chi ratu lecani lhe. Axta qui dhee unie aca nu tsee itúba yies lo yu-ni.

San Mateo 4:16

Lacana nua ancacana attiba ca benni seꞌe lheꞌe atta anca chulha. Nnanna nna chi biláquinna ttu xieni xeni. Xieniha benniha udanie gue ca benni seꞌe atta ruxunnina guecani gatticana.

San Mateo 5:3

—Carbáru ca benni roquinna iquicani reasaquinna nu anca gue Tata Do Iyyabaaha, cumu lacana acacana benni innabia Ben-na.

San Lucas 4:17

Laniala nna begüeecana Benniha ca sitsi dia loque ca tisa unne profeta Isaías. Atti udhalie lo sitsiha nna guattiꞌe atta rinne rá:

San Lucas 6:20

Jesús begüiattebe lo ca benni rudheti ca tisa ruleꞌe, nianna re ca biꞌiniha: —Carbárule, lebiꞌi ca benni bittu te gueni, cumu lebiꞌi ancale benni innabia Tata Do Iyyabaaha.

San Lucas 7:22

Laniala becabi Jesús re ca biꞌiniha: —Gualeyya nna gualquixxiꞌani Juan gue nu chi begüiale runia, gue nu chi bieninle lhe. Gualgás na: “Ca nu xua loquinna riláquinna ca nu xi-na ridacana lhe ca nu raca cuerpu guecani nu anca attiba yiesusu te láni lepra reacacana lhe ca nu cuesu-na rienquinna lhe ca nu yatti-na reacaquinna lhe ca benni bittu te guecani chi runacana ca tisa tsee gue gaxasná rodilá Tata Do Iyyabaaha ca benni lhe.”

San Juan 1:41

Andrés nna primertteba betsibi Simón guatilabi, nianna rábi biꞌiniha: —Guattiꞌabatu Mesías. (Mesías ancana tisa hebreo dienna innána Cristu len tisa griego.)

San Juan 12:46

Neti anca xieni, delha yies lo yu-ni qui iyába ca benni tsia lecani neti nna bitturu tseꞌecana atta chulha.

San Juan 3:34

Ben-na anque Benni udhelha Tata Do Iyyabaaha, ca tisa gue Bennihaba rinnee, cumu Tata Do Iyyabaaha nna itú iqui itú lee bete Espíritu guee len Ben-na.

Hechos 10:38

Anáguaba gua yubale, Tata Do Iyyabaaha betee Espíritu guee leni Jesús gue Nazaret, benie aca Benniha Benni ra xxeni leni lhe guayúguabale benniha nna güequie benie nu anca tsee, beonie ca nu ruyúcana elha disa de yuꞌu be xxegüi lheꞌe cuerpu guecani lhe. Iyá bunni benie cumu Tata Do Iyyabaahaba due len Benniha.

Hechos 26:18

Lu nna idhalhu locani qui ttedaaquinna uncana nu anca tsee, qui bitturu uncana nu lä anca tsee. Análiba nna eríacana lo ná nu xxegüiha qui odaxxucana neda gue Tata Do Iyyabaahaba. De tsia lecani neti nna dhia elha xen lasi gue ca tulha guecani chi bencana, dhíguabacana nu tsee chi gaꞌana dhi ca benni chi ulequiesi Tata Do Iyyabaaha anca guee lhe.”

Hechos 4:26

Ca nu rinnabia xeni gue yies lo yu-ni lhe ca nu anca nu lona lhe ttuba riacana reseꞌe disacana lo Tata Do Iyyabaaha, lo Cristu Benni udhelha Ben-na lhe.

Hechos 4:27

’Gualíba aníaba beni Herodes lenna Poncio Pilato lheꞌe yies-ni, lencana iyába ca nu dittu lhe iyáguaba ca nu Israel-ni lhe atti bebiꞌa nottebacana Xiꞌinlu Jesús benni do riesinlu anca guelu. Benniha nua chi gaꞌaninlu aque Cristu.

Colosenses 1:13

Ben-na bodile ri lo atta chulha rinnabia nu xxegüiha, nianna bodúe ri atta rinnabia Xiꞌinie Jesucristu, Benni racanie guee.

Santiago 2:5

Ca benni ria le Jesús racatia gueni, gualdo nagale nu upeale-ni: Tata Do Iyyabaaha chiba becuee benniha ca benni bittu te gueni seꞌe yies lo yu-ni qui acacabi benni ria tsitsi le cabi Ben-na, acacabi benni innabia Ben-na lhe. Unná nua anca interés chi begüee tisa ugüe ca benni racani guee.

1 Pedro 2:9

Ttiaca lebiꞌi nna ancale ca benni chi becuee Tata Do Iyyabaaha, ancale bixxudi gue Benni rinnabie ri-na lhe ancale yiesi chi ulequiesie lhe Benni guee lhe qui quixxiꞌenle ca benni gue nu xxeni reban leri run Ben-na. Denuala nna uxie le, eríale lheꞌe chulha-na qui utaꞌale lheꞌe xieni gaꞌana tsee guee.