San Lucas 4:15 - Zapoteco de Aloápam

¹⁵ Lee nna ruleꞌenie ca benni guee anca benni Israel coa atta siaba ca yoꞌo atta ritupacana rudheticana ca tisa gue Tata Do Iyyabaaha. Iyábacana ribequi xencana Benniha.

San Lucas 4:15 Iomraidhean Croise

San Mateo 13:54

Besinbe lo yu atta beaca lasie nna udulottebe beleꞌenie ca benni lheꞌe yoꞌo atta rudheticana ca tisa gue Tata Do Iyyabaaha. Atti bienquin nua ca tisa rinne Benniha nna bebanbaquinna. Nianna unnaba tisa loescani rácana: —¿Ga guaxxí unní elha rieni gueni? ¿Gasná runna raca gueni runna ca milagru-na lhe?

San Mateo 4:23

Itúba Galilea güequi Jesús ruleꞌenie ca benni lheꞌe ca yoꞌo atta rudheti ca benni Israel ca tisa gue Tata Do Iyyabaaha, rixxiꞌanie ca benni ca tisa tsee gue gaxasná rinnabia Tata Do Iyyabaaha lhe reonie ca benni yuꞌu iyáloba isagüe cuerpu guecani lhe.

San Mateo 9:35

Iyába lheꞌe ca yiesi xeni lhe lheꞌe ca lheꞌesi lhe requi Jesús ruleꞌenie ca benni, lheꞌe ca yoꞌo atta rudheti ca benni Israel ca tisa gue Tata Do Iyyabaaha lhe. Lee nna rixxiꞌenie ca benni seꞌe nía ca tisa tsee gue gaxasná rinnabia Tata Do Iyyabaaha, reonie ca benni yuꞌu iyáloba isagüe lhe.

San Mateo 9:8

Atti bilen ca benni seꞌe nía nu ucaha nna bebanlhabaquinna. Nianna ulequi xenttebacana Tata Do Iyyabaaha de bete Benniha elha rinnabia gue ca benni qui eyoncana ca nu rani.

San Marcos 1:27

Ca nu seꞌe nía nna iyábacana usquinna atti unnaba tisatteba loescani rácana: —¿Biunni raca-ni? ¡Attu nu cubi bunni ruleꞌeni benni du-ni ri! ¡Gualgüiarga, análi de elha rinnabia xeni rapana, lana nna rinnabiana ca be xxegüi-na, ca unná nna rudobacana tisa gueni!

San Marcos 1:39

Larcala nna iyába lheꞌe ca yiesi seꞌe lo yu nu te láni Galilea güia Jesús güettixxiꞌa ca tisa gue Tata Do Iyyabaaha lheꞌe ca yoꞌo atta rudheti ca benni Israel ca tisa gue Benniha lhe bebequie ca be xxegüi yuꞌu lheꞌe cuerpu gue ca benni lhe.

San Marcos 1:45

Ttiaca atti deyya unbiyuuha nna udulottebana utixxiꞌenna iyába benni gue nu ben Jesús len lana. Lo niꞌa gue unnuha nna guayya lo neda gue Benniha, lärga uca gueꞌe lheꞌe ca yiesi seꞌe nía. Níaba udoe lheꞌe ca yu atta nuttu benni seꞌe, ttiaca riaba ca benni daa lheꞌe iyába ca yiesiha atta do Benniha.

San Lucas 13:10

Ttu sá atti redí le ca benni Israel, Jesús beleꞌenie ca benni lheꞌe ttu yoꞌo atta rudheticana ca tisa gue Tata Do Iyyabaaha.

San Lucas 4:16

Laniala nna beyye lheꞌesi Nazaret atta bixenie. Lee nna attiba chi labie runie sá redí le ca benni guee anca benni Israel, utaꞌattebe lheꞌe yoꞌo atta rudheti ca nua ca tisa gue Tata Do Iyyabaaha. Lee nna udulíttebe qui ulabe lo ca sitsi gue Tata Do Iyyabaaha.