San Lucas 3:8 - Zapoteco de Aloápam

⁸ Gualuni nu anca lhatsiru qui uleꞌe lo gualí chi bodú xiyyanle bodaxxule neda gue Tata Do Iyyabaaha. Bittu aquinle ulaba lele innále: “Gualába riꞌitu de ancatu benni datía Abraham.” Cumu neti nna gualíbatia ria, axta ca iyya seꞌe-ni guacaba eyon Tata Do Iyyabaaha cana benni datía Abraham.

San Lucas 3:8 Iomraidhean Croise

San Mateo 21:43

De unnuha nna rpea le, lärga acale benni rinnabia Tata Do Iyyabaaha, ca benni uncana nu tsuꞌu le Ben-na liba acacana ca nu innabia Ben-na.

San Mateo 3:8

Gualuni nu anca lhatsiru qui uleꞌe lo gualí chi bodú xiyyanle bodaxxule neda gue Tata Do Iyyabaaha.

San Mateo 3:9

Bittu aquinle ulaba lele innále: “Gualába riꞌitu de ancatu benni datía Abraham”, cumu neti nna gualíbatia ria, axta ca iyya seꞌe-ni guacaba eyon Tata Do Iyyabaaha cana benni datía Abraham.

San Lucas 13:25

Dequide chadha benni beaca guebi yoꞌoha odheabi puertaha nna lebiꞌi ca nu seꞌe lheꞌeliꞌa nna innele innále: “Benni bananie riꞌitu, udhalchi qui gaꞌatu”, ttiaca biꞌiniha nna ecabibi guele innábi: “Läga yu neti gax beaca lasle.”

San Lucas 13:26

Lania nna dhulole innále: “Inqui len luba uꞌuya utotu lhe lo ca neda seꞌe lheꞌe ca yies guetu-naba udúlu beleꞌenlu riꞌitu lhe.”

San Lucas 14:9

Lania nna nu uxna leha nna isíana gán lu: “Begüe unní atta dolha dhona.” Nianna lu nna tu rettubinlu sadolu axta xubanali.

San Lucas 19:40

Ttiaca Jesús becabie re: —Neti rpea le, gansi ca unní eyaca sicana, ca iyya-na cuesiꞌacana.

San Lucas 19:9

Jesús re Zaqueo: —Nasá nna bisíaba sá odilá Tata Do Iyyabaaha ca benni seꞌe lheꞌe yoꞌo-ni, cumu unbiyuu du-ni nna ancaguabana benni datía Abraham.

San Lucas 5:21

Lania nna ca nu ruleꞌe nu rá lo ca ley bocaꞌana Moisés lencana ca fariseo, udulottebacana belaba lecani rácana: “¿Nú anca unbiyuu du-ni nna rinne güena gue Tata Do Iyyabaaha leni nu rána? ¿Nú aca gueni dhína elha xen lasi gue ca tulha gue ca benni? ¿Läba sunruba Tata Do Iyyabaaha aca guee dhie elha xen lasi gue ca tulha-na?”

San Juan 8:33

Lacana nna becabicana guee rácane: —Riꞌitu ancatu benni datía Abraham, tsa läga chi uca riꞌitu nu ttoꞌo lo sina gue nuxa benni. ¿Gasná rálu nna eseꞌe látu?

San Juan 8:39

Lacana nna rácana: —Abrahamba anca benniola gue ca tata guetu. Jesús re cana: —Ttirca gualíga ancale benni datía Abraham, lania nna gua runbale ca nu tsee ben biꞌiniha.

Hechos 26:20

Nuarcala nna udulotteba utixxiꞌatia ca benni seꞌe lheꞌe yiesi Damasco. Lenla nna utixxiꞌatia ca benni seꞌe lheꞌe yiesi Jerusalén lhe itúba daca lo yu te láni Judea lhe. Aníaguaba benia len ca benni dittu lhe. Iyába ca benni rixxiꞌatia cana odú xiyyancana qui odaxxucana neda gue Tata Do Iyyabaaha, lacana nna dhulocana uncana nu anca tsee qui anáchu uleꞌe lo gualí chi bodú xiyyancana gue nu lä anca tsee chi bencana.

Romanos 4:16

Larcala, de riaba le ca benni Tata Do Iyyabaaha, denuaba nna utee nu chi re utee. Análiba nna eyaꞌan tsitsi ca tisa chi begüee len Abraham, len ca benni datía biꞌiniha lhe. De tsiaba lecabi Tata Do Iyyabaaha Benniha nna cuentaba utee nu chi begüee tisa utee len lacabi. Läga sunru ca nu Israel rudo tisa gue ley-na dhicana unná, sinuqui anáguaba ca nu bittu anca benni Israel ria lecani Tata Do Iyyabaaha attiba güia le Abraham biꞌini ancabi tata gue iyábari.

Romanos 9:7

Bittuguaba iyá ca benni datía Abraham ancacana xiꞌingabi, sinuqui Tata Do Iyyabaaha re Abraham: “Ca xiꞌini Isaac acacana benni datíalu.”

Filipenses 1:11

Jesucristuha unie acale nu tsapaba uni nu anca tsee, qui cuequi xxen ca benni Tata Do Iyyabaaha, innácana Ben-na anque Benni ra xxeni lee.