San Lucas 3:7 - Zapoteco de Aloápam

⁷ Ixeru ca benni risina atta do Juan qui ugadibi cana inda. Labi nna rábi cana: —¡Lebiꞌi, nu datía belha! ¿Nú utixxiꞌenna le dequi gualábale lo elha disa nu chi dala uyúle?

San Lucas 3:7 Iomraidhean Croise

San Mateo 12:34

¡Lebiꞌi, ca nu datía belha! ¿Tti modu aca innele nu anca tsee, lebiꞌi nna ancabale nu runi nu lä anca tsee? Cumu nu re lheꞌe lastoobale unnuhaba rinnele.

San Mateo 23:33

’¡Lebiꞌi, ca nu datía belha! ¡Cuinaba belha le! ¿Gasná lhále bittu tsiale atta lexúaha?

San Mateo 3:6

Atti rixxua lopicana ca tulha guecani lo Tata Do Iyyabaaha nna rugaditteba Juan cana inda lheꞌe yoo nu te láni Jordán.

San Juan 8:44

Lebiꞌi nna nu xxegüihaba anca xxudile. Nu ruꞌu le tata guelehaba reꞌo lele runle. Lana nna atti uduloli ure yies lo yu-ni ancana nu runi elhutti, läga runna nu anca gualí cumu läga rinnena nu gualí. Gansi chi rinnena run leni nna rinnebana nu ancabana, cumu ancana nu run leni lhe xxudi ca nu run lecani lhe.

Hechos 13:10

atti rábi na: —¡Lu nna ancalu ttu nu güen lasi, nu runi nu satsa lhe xiꞌini nu xxegüi lhe nu bittu raca uyúna iyába nu anca tsee! ¿Núcala udú silu rutsiattalu ca benni lo neda gue Tata Do Iyyabaaha?

1 Tesalonicenses 1:10

Anáguaba rixxiꞌacana, lebiꞌi nna seꞌele ribedale esía xiꞌinie Jesús dedee iyyabaaha. Benniha nua belhidha Tata Do Iyyabaaha lheꞌe baa atta yuꞌu ca nu yatti-na. Jesús anque Benni rodile ri qui bittu dhíri elha disa la tsuꞌubia chi daba isía ute Tata Do Iyyabaaha gue ca benni.

Hebreos 6:18

Cumu Tata Do Iyyabaaha nna tsa läga run lee, runbe nu chi re unie. Denuala nna bocaꞌan tsitsi tisa guee atti bedetti lee qui begüee lidhaca nu chi re. Larcala nna chi tee ttu elha xen lasi xeni gueri, riꞌi ca benni chi seꞌe len Ben-na qui redí redenie ri. Anáguaba, tsaba chi xen leri guadíbari nu chi re utee lenri.

1 Juan 3:8

Ttiaca nu runi nu lä anca tseeha nna gue nu xxegüihaba anca nua, cumu nu xxegüiha nna desde primeroha li udulona runna nu lä anca tsee. Denuala nna bita Xiꞌini Tata Do Iyyabaaha yies lo yu-ni bette tseꞌe loe nu runi nu xxegüiha.